Ёрдысьяс 6:28 - Коми Библия 2023

²⁸ Асывнас карса олысьяс чеччисны да аддзисны, мый Вааллысь висьпуктанінсӧ жугӧдӧма, орччӧн сулалысь юрбитан пусӧ кералӧма и выль висьпуктанін вылын сотан вись пыдди вайӧма ӧшкӧс.

Ёрдысьяс 6:28 ပူးပေါင်းရင်းမြစ်များ

Ӧксыяслӧн 4 небӧг 18:4

Сійӧ бырӧдіс вись ваян мылькъяс, жугліс юрбитан изъяс да пӧрӧдіс юрбитан пуяс. Жугӧдіс-пазӧдіс ыргӧн змейӧс, кодӧс коркӧ вӧчліс Мӧисей. Ӧд тайӧ Нехуштан нима ыргӧн змейлы израильсаяс тайӧ кадӧдзыс пыр на сотісны висьяс.

Ёрдысьяс 6:27

Аслас кесйӧгъяс пиысь Гедеон босьтіс аскӧдыс дас мортӧс да вӧчис Господьлӧн тшӧктӧм серти. Сійӧ поліс батьыслӧн рӧдысь да карса олысьясысь, та вӧсна ставсӧ тайӧс вӧчис войнас.

Ёрдысьяс 6:29

Найӧ юасисны ӧта-мӧдныслысь: «Коді тайӧс вӧчис?» Корсисны-юасисны да тӧдмалісны, вӧлӧмкӧ, тайӧс вӧчӧма Йоаслӧн Гедеон пиыс.

Ӧксыяслӧн 1 небӧг 7:9

Самуил босьтіс нёньпом баляӧс да вайис [войтырыскӧд] Господьлы сотан вись пыдди. Самуил кевмысьӧмӧн шыасис Господь дінӧ Израиль вӧсна, и Господь кыліс Самуилӧс.