Ёрдысьяс 20:42 - Коми Библия 2023

⁴² Найӧ пондісны пышйыны израильса тышкайӧзысь овтӧминӧ нуӧдысь туйӧд, но эз вермыны, ӧд Гива карысь петӧм кыйӧдчысьяс кутісны виавны найӧс.

Ёрдысьяс 20:42 ပူးပေါင်းရင်းမြစ်များ

Бӧрданкыв 1:3

Иудаӧс нуӧдісны йӧз муӧ, сійӧ шогсьӧ, нартитӧмсьыс сьӧкыдалӧ. Сійӧ олӧ мукӧд войтыръяс пӧвстын, оз тӧд шойччӧгсӧ. Дзескӧдысьяс суӧдісны Иудаӧс, сійӧ эз вермы пышйыны.

Осий 10:9

Израиль, тэ мыж вӧчин Гиваын, и сійӧ кадсянь ӧнӧдз мыж вӧчан. Сэні жӧ, Гиваын, тышыс суас мыж вӧчысьясӧс.

Осий 9:9

Израиль дзикӧдз вӧйис пежас, кыдзи коркӧ Гиваын олысьяс. Енмыс казьтыштас налысь лёк вӧчӧмсӧ, мыждас найӧс мыжъяссьыныс.

Нав Исус 8:15

Исус аслас йӧзкӧд пышйис овтӧминлань, татшӧм ногӧн кӧсйис петкӧдлыны, быттьӧ вермисны сійӧс.

Нав Исус 8:24

Гайса айуловӧс овтӧминын шыпуртӧн виалӧм бӧрын израильсаяс бергӧдчисны Гай карӧ да сэтысь виалісны шыпуртӧн быдӧнӧс.