Ёрдысьяс 20:37 - Коми Библия 2023

³⁷ Кыйӧдчысьяс уськӧдчисны Гива кар вылӧ, пырисны карас да ставнысӧ сэтысь виалісны шыпуртӧн.

Ёрдысьяс 20:37 ပူးပေါင်းရင်းမြစ်များ

Петӧм 19:13

Морт-ӧ, пемӧс-ӧ инмӧдчылас, ловйӧн сійӧс энӧ кольӧй. Кинад сійӧс энӧ виӧй, но изъялӧй либӧ лыйӧй ньӧввужйӧн. Кор кылас буксан шы, [кор кымӧрыс вешъяс керӧс весьтысь,] сэки войтырыс вермас кайны керӧсӧ».

Нав Исус 6:5

Навлӧн Исус пиыс корис [израильса] попъясӧс да шуис налы: «Босьтӧй да нуӧй Йитӧд кудсӧ. Сизим поп мед мунасны буксанъясӧн Господьлӧн куд водзвылас».

Нав Исус 8:13

Тадзи медшӧр тышкайӧзыс сулаліс войвылын, а ӧти котырыс – рытыввылын. Войнас Исус петіс ковтыс шӧрас.

Нав Исус 8:14

Кор гайса ӧксы водз асывнас аддзис израильсаясӧс, сійӧ дзик пыр петіс став аслас тышкайӧзкӧд индӧм местаӧ Йӧрдан ковтыслань, медым уськӧдчыны израильсаяс вылӧ. Сійӧ эз тӧд, мый кар сайын эмӧсь кыйӧдчысьяс.

Нав Исус 8:19

Кыйӧдчысьясыс мыйӧн аддзисны Исуслысь ки лэптӧмсӧ, уськӧдчисны кар вылӧ, босьтісны сійӧс да дзик пыр сотісны.