Ёрдысьяс 18:27 - Коми Библия 2023

²⁷ Дансянь чужысьяс Микейлӧн попкӧд мунісны Лаис карӧ. Аскӧдныс налӧн вӧліны Микейлӧн бӧлбанъясыс. Лаис карын тӧждысьтӧг да повтӧг олысь йӧзсӧ найӧ виалісны шыпуртӧн, а карсӧ сотісны.

Ёрдысьяс 18:27 ပူးပေါင်းရင်းမြစ်များ

Олӧм 49:16

Дан лоас ёрдысьӧн аслас войтырлы, израильса чужанкотыръяс пӧвстын ӧтиӧн.

Индӧд 33:22

Дан чужанкотыр йылысь Мӧисей шуис: – Дан – том лев, Васан ыб вывсянь чеччыштӧ.

Нав Исус 11:11

Виисны шыпуртӧн тшӧтш сэтчӧс олысьясӧс, дзикӧдз бырӧдісны став ловъя олысьсӧ. Хацор карсӧ Исус сотіс.

Нав Исус 19:47

Найӧ петісны тышӧ, уськӧдчисны Лешем кар вылӧ да виалісны шыпуртӧн сэтчӧс олысьясӧс. Найӧ босьтісны карсӧ аслыныс да овмӧдчисны сэтчӧ. Лешем карлы сетісны асланыс батьлысь Дан ним. [Аморейяс кольччисны овны Еломӧ да Саламинӧ. Но найӧс вермис Ефрем чужанкотыр, и аморейяс кутісны вот мынтӧм могысь уджавны Ефрем чужанкотырлы.]

Ёрдысьяс 18:10

Кор воанныд сэтчӧ, ті аддзанныд повтӧг олысь войтырӧс да налысь паськыд мусӧ. Енмыс сетас тіян киӧ тайӧ мусӧ, кӧні абу некутшӧм тырмытӧмтор».

Ёрдысьяс 18:26

Дансянь чужысьяс водзӧ мунісны. Микей гӧгӧрвоис, мый найӧ сыысь вынаджыкӧсь, да бӧр бергӧдчис гортас.

Ёрдысьяс 18:7

Тайӧ вит мортыс мунісны водзӧ да воисны Лаис карӧ. Найӧ аддзисны, мый сэтчӧс йӧзыс тӧждысьтӧг да повтӧг олӧны сидонсаяс моз. Сэтчӧс йӧз вылын некод эз ыджыдав, найӧс некод эз дзескӧд. Найӧ олісны сидонсаясысь ылын, и мукӧд йӧзкӧд эз волысьны.

Ёрдысьяс 8:11

Гедеон муніс караван туйӧд, Новах да Иогбега каръяс асыввывладорті. Сійӧ уськӧдчис вӧрӧглӧн тышкайӧз вылӧ, кор найӧ повтӧг шойччисны чомъясын.