Ёрдысьяс 16:5 - Коми Библия 2023

⁵ Ань дінӧ локтісны филистимса юралысьяс да шуисны: «Тэ тӧдмав Самсоныдлысь, кытысь сылӧн ыджыд выныс, и кыдзи сійӧс позьӧ вермыны. Сэсся ми кӧрталам сійӧс, и сійӧ лоас миян киын. Таысь ми быдӧн сетам тэныд сюрс сё сикель эзысь».

Ёрдысьяс 16:5 ပူးပေါင်းရင်းမြစ်များ

Олӧм 33:16

Сійӧ жӧ лунӧ Исав мӧдӧдчис аслас туйӧд Сеир керӧсвыв муӧ.

Микей 7:3

Налӧн киныс кыптӧ лёк вӧчны, найӧ кужӧмӧн лёксӧ вӧчӧны. Веськӧдлысь козин корӧ, ёрдысь сьӧм босьтӧ, юралысь аслас лёк кӧсйӧмъяс йылысь сёрнитӧ. Найӧ ставныс збыльсӧ гугӧдӧны.

Матвей 26:15

да шуис: «Мый сетанныд, вузала кӧ тіянлы Исусӧс?» Найӧ вӧзйисны сылы комын эзысь сьӧм.

Нав Исус 13:3

мый пырӧны Ханаан муӧ да паськӧдчӧны Египет мудорын визувтысь Шихор юсянь войвылӧ Экрон карӧдз. Тайӧ му вылас ыджыдалӧны филистимса вит юралысь: газаса, азотса, аскалонса, гефса да экронса юралысьяс. Сэні ыджыдалӧны тшӧтш аввейяс,

Ёрдысьяс 14:15

Сизимӧд луннас найӧ шуисны Самсонлӧн гӧтырлы: «Кыскы верӧсыдлысь, мед восьтас нӧдкывсӧ. А он кӧ, ми сотам тэнӧ да батьыдлысь керкасӧ. Миянӧс куштыны кӧсъянныд, та вӧсна-ӧ коринныд миянӧс татчӧ?»

Ёрдысьяс 16:4

Кад мысти Самсонлы мусмис Далида нима ань, коді оліс Сорек ковтысын.

Ёрдысьяс 16:6

Далида юаліс Самсонлысь: «Висьтав меным, кытысь тэнад ыджыд выныд. Кыдзи тэнӧ позьӧ кӧртавны да вермыны?»

Ёрдысьяс 17:2

Ӧтчыд сійӧ шуис мамыслы: «Тэнсьыд гусялӧм сюрс сё сикель эзысьыд ме ордын. Ме кывлі, кыдзи тэ ёрин гусялысьӧс. Тэнсьыд эзысьтӧ ме босьті». Мамыс шуис: «Господь мед бурсиас менсьым пиӧс!»

Ёрдысьяс 3:3

Ханаан муӧ вӧлі кольӧма филистимса вит юралысьӧс да ливанса керӧсъяс вылын Ваал-Ермон керӧссянь Лево-Хаматӧдз олысь ханаансаясӧс, сидонсаясӧс да хивейясӧс.

Ӧксыяслӧн 1 небӧг 29:6

Акиш корис Давидӧс да шуис: «Ловъя Господь водзын шуа, мый тэ веськыд морт, и ме эськӧ кӧсйи, мед тэ ветлін мекӧд тышъясӧ. Локтӧмсяньыд тэ бура кесъялан меным, но мукӧд юралысьыс мустӧмтӧны тэнӧ.