Ёрдысьяс 16:16 - Коми Библия 2023

¹⁶ Быд лун сійӧ дӧзмӧдіс Самсонӧс аслас юасьӧмнас. Самсон жуявтӧдз мудзис

Ёрдысьяс 16:16 ပူးပေါင်းရင်းမြစ်များ

Иов 21:4

Ме ӧмӧй мортлы нярга-эляся? Меным ӧмӧй оз позь дӧзмыны?

Иона 4:9

Ен юаліс Ионалысь: «Быдмӧгыс понда ӧмӧй татшӧма скӧрмин?» Мӧдыс вочавидзис: «Да. Весиг овнысӧ ог кӧсйы».

Марк 14:24

Исус шуис налы: «Тайӧ Менам вир – Выль Йитӧдлӧн вир, сійӧ киссьӧ уна вӧсна.

Лука 11:8

Висьтала тіянлы: сійӧ кӧ оз чеччы да оз сет сылы ёртасьӧмыс понда, вӧчас тайӧс ёртыслӧн мырдӧн корӧмыс вӧсна да сетас сылы, мыйта колӧ.

Лука 18:5

Но тайӧ дӧваыс дзикӧдз менӧ дӧзмӧдіс – ковмас дорйыны. Ог кӧ дорйы, бурӧн ог мын сыысь”».

Ёрдысьяс 14:16

Самсонлӧн гӧтырыс бӧрдӧмӧн шуис верӧсыслы: «Тэ мустӧмтан менӧ, ме абу муса тэныд. Менам войтырлы висьталӧм нӧдкывтӧ мыйла он гӧгӧрвоӧд меным?» Самсон вочавидзис сылы: «Ме весиг бать-мамлы эг гӧгӧрвоӧд, и тэныд ог».

Ёрдысьяс 14:17

Гаж мунігчӧжыс гӧтырыс бӧрдӧмнас дӧзмӧдіс Самсонӧс. Сизимӧд луннас Самсон гӧгӧрвоӧдіс сылы нӧдкывсӧ, ӧд гӧтырыс пикӧ воштіс сійӧс. Гӧтырыс гӧгӧрвоӧдіс нӧдкывсӧ аслас войтырлы.

Ёрдысьяс 16:15

Далида шуис Самсонлы: «Тэ шуан, мый радейтан менӧ, а сьӧлӧмыд абу мекӧд! Тэ куимысь нин ылӧдлін менӧ да эн висьтав меным ыджыд выныд йылысь».

Ёрдысьяс 16:17

да восьтіс ассьыс гусяторсӧ: «Менсьым юрсиӧс ньӧтчыдысь на эз шырлыны, ӧд мам кынӧмсянь ме Енлы торйӧдӧм назорей. Вундыны кӧ менсьым юрсиӧс, вынӧй бырас. Ме вынтӧмма да мукӧд йӧзыс кодь лоа».