Ёрдысьяс 14:20 - Коми Библия 2023

²⁰ А Самсонлысь гӧтырсӧ сетісны Самсонлӧн кӧлысьвывса ёртыс сайӧ.

Ёрдысьяс 14:20 ပူးပေါင်းရင်းမြစ်များ

Сьылан 5:1

– Аслам сад йӧрӧ локті ме, чоюкӧй-гӧтырпуӧй, чӧскыд турун да смирна чукӧрті, вина-йӧв ме юи, мазі позйысь ма сёйи. (Мукӧдъяс:) – Сёйӧй, ёртъяс! Коддзымӧнныд юӧй, радейтчысьяс! (Ныв:)

Еремей 9:5

Быдӧн пӧрйӧдлӧ ассьыс ёртсӧ, оз висьтав збыльсӧ. Найӧ кывнас пӧръясьӧны, мудзтӧдзныс лёксӧ вӧчӧны.

Микей 7:5

Ёртыдлы эн эскы, матыссаыд вылӧ лачатӧ эн кут. Вомтӧ каличав весиг гӧтырыд водзын, коді тэкӧд ӧти вольпасьын куйлӧ.

Иоан 13:18

Ме ог висьтав ставныд йылысь, ӧд Ассьым бӧрйӧмаясӧс Ме тӧда. Но гижӧма: ”Мекӧд сёйысьыс сувтас Меным паныд”. Тайӧ кывъясыслы колӧ инны.

Иоан 3:29

Верӧспуӧн шуӧны сійӧс, кодлӧн эм гӧтырпу. Верӧспулӧн ёртыс орччӧн сулалӧ да нимкодясьӧмӧн кывзӧ сылысь сёрнисӧ. Ме тшӧтш тадзи нимкодяся, и менам нимкодьлунӧй помтӧм-дортӧм.

Ёрдысьяс 15:2

шуис сылы: «Ме чайті, мый тэ мустӧмтан сійӧс, та вӧсна ме сеті сійӧс тэнад кӧлысьвывса ёртыд сайӧ. Но гӧтырыдлӧн ичӧтджык чой эм, сы дорысь на мичаджык, верман чойсӧ босьтны сы пыдди».

Ёрдысьяс 15:6

«Коді тайӧс вӧчис?» – юалісны филистимсаяс. Налы вочавидзисны: «Самсон, тимнаса мортлӧн зятьыс, сы вӧсна мый тимнаса морт сетіс Самсонлысь гӧтырсӧ кӧлысьвывса ёртыс сайӧ». Филистимсаяс мунісны Тимнаӧ да сотісны тайӧ аньсӧ да сылысь батьсӧ [керканас].

Ӧксыяслӧн 1 небӧг 18:19

Но кор воис ӧтлаасян кадыс, Саул сетіс Мерова нывсӧ мехоласа Адриэл сайӧ.