Ёрдысьяс 11:35 - Коми Библия 2023

³⁵ Нывсӧ аддзӧм бӧрын Еффай косяліс паськӧмсӧ да горӧдіс: «Нылӧй, тэ уськӧдін менӧ кок йывсьым! Тэ шог вайин меным! Ме кыв сеті Господьлы, и бӧрсӧ босьтны ме ог вермы».

Ёрдысьяс 11:35 ပူးပေါင်းရင်းမြစ်များ

Ӧксыяслӧн 2 небӧг 18:33

Ӧксы шогӧ усис. Сійӧ чеччис да кайис стенвывса жырйӧ. Мунігмозыс бӧрдӧмӧн шуаліс: «Авессалом пиӧй, Авессалом пиӧй! Бурджык, ме кӧ кулі тэ пыдди, пиукӧй!»

Ӧксыяслӧн 2 небӧг 3:31

Давид шуис Йоавлы да став тышкайӧзыслы: «Косялӧй паськӧмнытӧ, пасьталӧй шогалан паськӧм да бӧрдӧй Авенир вӧсна». Ачыс Давид ӧксы восьлаліс шойсӧ нуысьяс бӧрся.

Иов 1:20

Иов чеччис да косяліс вылыс паськӧмсӧ, юрсисӧ шырис да кымынь уськӧдчис муас.

Псалтыр 15:4

Мед содасны шогъясыс налӧн, кодъяс юрбитӧны мукӧд енъяслы. Ме ог вай налы кисьтан вись пыдди вир, ог казьтыв налысь нимъяссӧ.

Лыд 14:6

Навлӧн Исус пиыс да Ефуннилӧн Калев пиыс, кодъяс мукӧдыскӧд ветлісны видзӧдлыны Ханаан му, косялісны паськӧмнысӧ

Ап. уджъяс 23:14

Найӧ локтісны аркирейяс да юрнуӧдысьяс дінӧ да шуисны: «Ми кыв сетім Ен водзын, мый воманым дзик нинӧм огӧ босьтӧй, кытчӧдз огӧ виӧй Павелӧс.

Нав Исус 7:6

Исус косяліс паськӧмсӧ да кымынь уськӧдчис муас Господьлӧн куд водзӧ. Тадзи рытӧдзыс куйліс израильса юрнуӧдысьяскӧд. Юрнысӧ найӧ ставныс коялісны муӧн.