Еклесиаст 2:3 - Коми Библия 2023

³ Ме шуи гажӧдны ассьым вир-яйӧс винаӧн. Ме сетчи тайӧ йӧйталӧмас, но видзи мывкыдлунӧс аслам сьӧлӧмын. Ме кӧсйи тӧдны, мый вайӧ бурсӧ мортлы, да мый сылы колӧ вӧчны енэж улас ассьыс дженьыд нэмсӧ олігӧн.

Еклесиаст 2:3 ပူးပေါင်းရင်းမြစ်များ

Олӧм 47:9

Яков вочавидзис: «Сё комын во ме ола-ветлӧдла му вылас. Тайӧ абу на дыр. Менам батьяс дырджык на олісны. А менам олан лунъясӧй дженьыдӧсь да шогӧн тырӧмаӧсь».

Иов 14:14

Кутас-ӧ мортыс кулӧм бӧрас бара овны? Сьӧкыда мырсигӧн ме виччыся, кор нин локтас менӧ вежысь.

Псалтыр 104:15

«Энӧ вӧрӧдӧй Менсьым мавтыштӧмаясӧс, Менам пророкъяслы энӧ вӧчӧй лёксӧ».

Шусьӧгъяс 20:1

Винаыд дурмӧдӧ, сурыд тышкасьны ыззьӧдӧ, мывкыдтӧм сійӧ, кодӧс юӧмыс ылӧдлӧ.

Еклесиаст 1:17

Ме шуи тӧдмавны, мый сійӧ мывкыдлуныс, вежӧртӧмлуныс да йӧйлуныс. Но гӧгӧрвои, мый тайӧ тӧв бӧрся вӧтлысьӧм кодь.

Еклесиаст 10:19

Гажтӧ вӧчӧны нимкодясьӧм могысь, и винаыд олӧмтӧ гажӧдӧ, но ставсьыс мынтысьӧ сьӧм.

Еклесиаст 12:13

Ставыслы, мый тэ кылін, кывкӧртӧдыс татшӧм: пов Енсьыс да ов Сылӧн тшӧктӧмъяс серти. Тайӧ тшӧктӧмыс – быд мортлы.

Еклесиаст 2:24

Мырсян-пессян олӧмас мортлы сёйӧм-юӧм да нимкодясьӧм дорысь бурджыкыс абу. Ме гӧгӧрвои, мый и тайӧ – Енсянь.

Еклесиаст 5:18

Енмыс кӧ сетӧ мортлы озырлун да овмӧс-эмбур, лэдзӧ сы помысь овны-вывны, босьтны ассьыс пайсӧ да нимкодясьны мырсян-пессян олӧмас, тайӧ сылы – Енсянь козин.

Еклесиаст 6:12

Коді тӧдӧ, мый бурджык мортыслы, кодлӧн олӧмыс мунӧ вуджӧр моз весьшӧрӧ? Коді вермас висьтавны мортлы, мый лоӧ сы бӧрын шонді улас?

Еклесиаст 7:18

Бур, тэ кӧ кутчысян воддза тшӧктӧмас и мӧдсьыс он ӧтдортчы, ӧд Енсьыс полысьӧс бырӧдӧмыс оз су.

Еклесиаст 7:25

Ме став сьӧлӧмӧс пукті, медым туявны-тӧдмавны да корсьны мывкыдлунсӧ да вежӧрлунсӧ. Ме гӧгӧрвои, мый лёк вӧчӧмыс петӧ вежӧртӧмлунсянь, мывкыдтӧм олӧмыс – йӧйлунсянь.

Еклесиаст 8:15

Ме ошки нимкодясьӧм, ӧд мортлы сёйӧм-юӧмысь да нимкодясьӧмысь бурджыкыс шонді улас абу. Нимкодясьӧмыс лоӧ сыкӧд став олан лунъяс чӧжыс, мыйтӧм Енмыс сетӧ сылы мырсьыны-пессьыны шонді улас.

Матвей 6:24

Морт оз вермы кесъявны кык ыджыдлы. Ӧтисӧ кӧ радейтӧ, мӧдсӧ мустӧмтӧ. Ӧтисӧ кӧ пыдди пуктӧ, мӧдсӧ увтыртӧ. Ті онӧ вермӧй кесъявны Енлы, кесъяланныд кӧ озырлунлы».

Ефесӧ 5:18

Энӧ коддзӧдчӧй винаӧн, ӧд тасянь овлӧ олӧмас лэдзчысьӧмыс. Мӧдарӧ, сетӧй Ловлы тыртны асьнытӧ.

Ёрдысьяс 9:13

Но сійӧ шуис: ”Менам винаӧй гажӧдӧ енъясӧс да йӧзӧс. Ме кӧ кута ӧвтчыны мукӧд пуяс весьтын, дугда вина сетны”.

Ӧксыяслӧн 1 небӧг 25:36

Авигея локтіс гортас. Навал вӧлі лӧсьӧдӧма ӧксылы кодь ыджыд гаж. Сійӧ гажӧдчис да кодаліс. Авигея кыв эз шу сылы асылӧдзыс.