Бӧрданкыв 4:17 - Коми Библия 2023

¹⁷ Весьшӧрӧ отсӧгсӧ виччысигӧн миян синным мудзис. Башня вывсянь ми дзӧргим, виччысим войтырӧс, но сійӧ эз лок миянӧс мездыны.

Бӧрданкыв 4:17 ပူးပေါင်းရင်းမြစ်များ

Ӧксыяслӧн 4 небӧг 24:7

Египетса ӧксы эз нин петавлы тышӧ аслас муысь, ӧд вавилонса ӧксы босьтіс Египет кипод улысь став мусӧ Египет мудорса шорсянь Ефрат ю дорӧдз.

Исай 20:5

Сэки повзясны да яналасны найӧ, кодъяс лача кутісны Эфиопия вылӧ да ошйысисны Египетӧн.

Исай 28:18

Кулӧмыскӧд тіян йитӧдныд орас, пыдӧстӧминыскӧд тіян сёрнитчӧмныд торксяс. Кор вӧрӧг ыльӧбтас бырӧдны, сэки тіянӧс лоӧ талялӧма.

Еремей 2:18

Мый бурыс тэныд сыысь, мый тэ мунан Египетӧ, медым юны Нил юысь васӧ? Мый бурыс тэныд сыысь, мый тэ мунан Ассурӧ, медым юны Ефрат юысь васӧ?

Еремей 2:36

Мыйла тэ дугдывтӧг шӧйтан, ӧтарӧ-мӧдарӧ вежлалан ассьыд туйтӧ? Ассур моз Египет янӧдас тэнӧ.

Еремей 2:37

Тэ яналӧмӧн кутчысян юрад да петан Египетысь. Ӧд Господь ӧтдортіс найӧс, код вылӧ тэ лача кутан. Найӧ оз отсавны тэныд.

Еремей 8:20

– Вундан кадыс помасис, гожӧмыс колис, но ми абу на мездмӧмаӧсь.

Бӧрданкыв 1:19

Ме кори муса ёртъясӧс отсавны, но найӧ пӧрйӧдлісны менӧ. Попъяс да юрнуӧдысьяс корсьӧны кынӧмпӧт, медым ловйӧн кольны, но тшыгнысла найӧ кулӧны карас.

Бӧрданкыв 1:7

Коньӧр туйын олігӧн да оланінтӧг колигӧн Ерусалимлы тӧд вылас уси став бурыс, мый сылӧн водзынсӧ вӧлі. Войтырыс кулӧ дзескӧдысьлӧн киысь, Ерусалимлы некод оз отсав. Дзескӧдысьяс сералӧмӧн видзӧдӧны, кыдзи сійӧс бырӧдӧны.

Бӧрданкыв 5:6

Египетлысь ми корим отсӧг, Ассурлысь корим нянь.

Езекиль 29:16

Израиль войтыр лачасӧ оз нин кут Египет вылӧ. Египеткӧд лоӧмторйыс кутас казьтывны израильсаяслы мыжныс йылысь, мый отсӧгсӧ корисны Египетлысь. Сэки найӧ тӧдмаласны, мый Ме – Господь Ыджыдыс».