Бӧрданкыв 3:66 - Коми Библия 2023

⁶⁶ Вӧтӧд найӧс Аслад скӧрлунӧн, бырӧд найӧс енэж увсьыс, Господьӧй!

Бӧрданкыв 3:66 ပူးပေါင်းရင်းမြစ်များ

Ӧксыяслӧн 4 небӧг 14:27

Но Господь эз кӧсйы дзикӧдз бырӧдны Израиль войтырӧс енэж увсьыс, та вӧсна мездіс найӧс Йоаслӧн Еровам пиыс пыр.

Псалтыр 35:5

Весиг вольпасяс куйлігӧн сійӧ мӧвпалӧ лёксӧ вӧчны, сійӧ сувтӧма мыжаяслӧн туй вылӧ, оз зывӧкты лёксӧ.

Псалтыр 35:6

Господьӧй, Тэнад буралӧмыд – енэжӧдзыс, Тэнад збыльыд – кымӧръясӧдзыс.

Псалтыр 73:15

Ва петанінъяслы да шоръяслы Тэ восьтін туйяс, а ыджыд юяссӧ Тэ косьтін.

Псалтыр 8:3

Челядь да морӧсбердса кагаяс вомсянь Тэ кыпӧдан Аслыд ошкӧмсӧ, медым янӧдны Тэнӧ мустӧмтысьясӧс, медым тупкыны лӧгалысьяслысь да водзӧс перйысьяслысь вомсӧ.

Исай 66:1

Господь тадзи висьталӧ: – Енэжыс – Менам юралан пуклӧсӧй, муыс – Менам кок улӧй. Кутшӧм керка ті вӧчанныд Меным? Кӧні лоӧ Меным шойччаніныс?

Еремей 10:11

Висьталӧй мукӧд войтыръяслы, мый му вывсьыс и енэж увсьыс бырасны сійӧ енъясыс, кодъяс эз вӧчны енэжсӧ ни мусӧ.

Еремей 15:15

– Господьӧй, Тэ тӧдан ставсӧ! Эн вунӧд менӧ, отсав меным, водзӧс перйы менӧ дзескӧдысьяслысь. Он кӧ ӧдйӧджык водзӧс перйы, найӧ виасны менӧ. Тэ тӧдан, мый Тэ вӧсна найӧ лёкӧдӧны менӧ.

Бӧрданкыв 3:43

Тэ скӧралӧмӧн вӧтлін миянӧс, жалиттӧг виалін.

Осий 8:3

Но Израиль ӧтдортіс бурсӧ, та вӧсна вӧрӧг вӧтлӧ сійӧс.

Индӧд 25:19

Та вӧсна вуштӧй енэж улысь амалик войтырлысь нимсӧ, кор Господь, тіян Енныд, сетас тіянлы лӧнь олӧм да быд боксянь видзас тіянӧс вӧрӧгъясысь сійӧ муас, мый Господь, тіян Енныд, сетас тіянлы. Энӧ вунӧдӧй тайӧс!»

Индӧд 29:20

Господь оз прӧстит татшӧм мортсӧ, а ӧзъяс скӧрлунӧн да кисьтас сы вылӧ Ассьыс ярлунсӧ. Сы вылӧ усяс [тайӧ йитӧдсӧ торкӧмысь] став ёрӧмыс, мый гижӧма тайӧ [Индӧд] небӧгас. Господь вуштас енэж улысь сылысь нимсӧ.

Индӧд 7:24

Налысь ӧксыяссӧ Господь сетас тіян киӧ, и ті вуштыштанныд налысь нимъяссӧ енэж улысь. Некод оз вермы паныд сувтны, ті ставнысӧ бырӧданныд.