64 Господьӧй, мынты налы уджъясныс серти.
Господьлӧн гӧлӧс шыыс вына, Господьлӧн гӧлӧс шыыс ён.
Но Господь Саваоф веськыда мыждӧ, Сійӧ тӧдӧ мортлысь сьӧлӧмсӧ да мӧвпъяссӧ. Господьӧй, сет меным аддзыны, кыдзи Тэ водзӧс перъян налысь, ӧд ассьым тӧжд-могӧс ме вайи Тэ водзӧ.
– Господьӧй, Тэ тӧдан ставсӧ! Эн вунӧд менӧ, отсав меным, водзӧс перйы менӧ дзескӧдысьяслысь. Он кӧ ӧдйӧджык водзӧс перйы, найӧ виасны менӧ. Тэ тӧдан, мый Тэ вӧсна найӧ лёкӧдӧны менӧ.
Чуксалӧй Вавилонлы паныд ньӧввужйӧн лыйсьысьясӧс, кытшалӧй Вавилон кар, медым некод эз пышйы сэтысь. Мынтысьӧй сылы уджъясыс серти, вӧчӧй сыкӧд сідзи, кыдзи сійӧ вӧчис. Ӧд сійӧ кыпӧдчис Господьлы паныд, Израильлӧн вежа Енлы паныд.
Израиль войтыр, тіян син водзын Ме мынтыся Вавилонлы да Калдея муын олысьяслы став лёксьыс, мый найӧ вӧчисны Сионын, – висьталӧ Господь.
Куштысь-бырӧдысь уськӧдчас Вавилон вылӧ, вавилонса тышкайӧзӧс лоӧ босьтӧма, налысь ньӧвъяссӧ лоӧ чегъялӧма, ӧд Господь – водзӧс перйысь Ен, Сійӧ мынтысяс налы.
Пышйӧй Вавилонысь, видзӧй ассьыныд олӧмнытӧ, медым Вавилонлӧн мыжъяс вӧсна энӧ кулӧй, ӧд воис кад, кор Господь мынтысьӧ Вавилонлы, водзӧс перйӧ сылысь.
Кузнеч Ӧльӧксан вӧчис меным уна лёксӧ. Господь Ачыс мед перъяс сылысь водзӧссӧ ставсьыс.
Мынтысьӧй сылы сійӧн жӧ, мыйӧн ачыс мынтысис тіянлы. Кык пӧвстӧн мынтысьӧй сылӧн уджъяссьыс. Чашаас, кытысь сійӧ юкталіс тіянӧс, дасьтӧй сылы винасӧ кык пӧв курыдджыкӧс на.
Найӧ гораа горӧдісны: «Вежа да збыль Ыджыдӧй! Кор нин Тэ мыждан мувывса олысьясӧс да перъян налысь водзӧссӧ миян вир вӧсна?»
