Бӧрданкыв 3:39 - Коми Библия 2023

³⁹ Мыйла нӧ, сідзкӧ, элясьӧ ловъя мортыс? Сійӧ ӧд сьӧкыдалӧ аслас мыж вӧсна.

Бӧрданкыв 3:39 ပူးပေါင်းရင်းမြစ်များ

Ӧксыяслӧн 4 небӧг 3:13

Елисей шуис израильса ӧксылы: «Мыйла тэ локтін ме дінӧ? Мун аслад бать-мамыдлӧн пророкъяс дінӧ». «Ог мун, – вочавидзис израильса ӧксы. – Господь вайӧдіс миянӧс, куим ӧксыӧс, татчӧ, мед сетны миянӧс моавсаяс киӧ».

Ӧксыяслӧн 4 небӧг 6:32

Елисей пукаліс гортас карса юрнуӧдысьяскӧд, кор ӧксы мӧдӧдіс сы дінӧ ассьыс мортсӧ. Но сылӧн локтӧдз на, Елисей шуис юрнуӧдысьяслы: «Аддзанныд, морт виысьлӧн пиыс мӧдӧдіс ме дінӧ мортӧс, медым керыштны менсьым юрӧс. Кор мортыс локтас, пӧдлалӧй сы водзын ӧдзӧссӧ да ёна пыкӧй сійӧс. Со, сы бӧрся локтысь ыджыдыслӧн кок шыыс кылӧ!»

Ӧксыяслӧн 4 небӧг 6:33

Налӧн сёрнитігкості пырис на дінӧ ӧксылӧн мӧдӧдӧм мортыс да шуис, кыдзи ӧксы тшӧктіс: «Тайӧ ыджыд шогсӧ ыстіс миянлы Господь! Мый меным водзӧ виччысьны Сысянь?»

Ездра 9:13

Ми ёна сьӧкыдалім лёк уджъясным да ыджыд мыжным вӧсна. Но Тэ, миян Енмӧй, чорыда мыждӧм пыдди бурсьӧлӧмтчин миян дінӧ да мездін тайӧ коляс войтырсӧ.

Иов 11:6

восьтас тэныд мывкыдлуныслысь гусяторъяссӧ, сэки эськӧ тэныд кык пӧв унджык ковмас нуны сьӧкыдсӧ. Тӧд, мый тэнсьыд уна мыж Енмыс вунӧдіс.

Иов 15:13

Мыйла тэнад лолыд пыксьӧ Енмыслы, мыйла тэнад вомысь петӧны татшӧм кывъясыс?

Шусьӧгъяс 19:3

Йӧйлун вӧснаыс мортыдлӧн торксьӧ олӧмыс, а сьӧлӧмыс скӧралӧ Господь вылӧ.

Исай 51:20

Лэчкӧ шедӧм антилопа моз тэнад пияныд вынтӧммисны, куйлӧны быд туйвежын. Найӧ пӧтісны Господьлӧн скӧрлунысь, тэнад Енлӧн чорыда мыждӧмысь.

Еремей 10:19

Курыд шог меным! Менам дойӧй ёна висьӧ, но ме шуи, мый тайӧ дойсӧ ме верма нуны.

Еремей 30:15

Мыйла тэ ойзан аслад дойыд вӧсна, бурдлытӧм висьӧмыд вӧсна? Тэ вывті уна лёксӧ вӧчин, тэнад мыжъясыд лыдтӧм-тшӧттӧмӧсь, та вӧсна Ме вӧчи тэныд тадзисӧ.

Бӧрданкыв 3:22

– Господьлӧн буралӧмыс вӧсна ми эгӧ бырӧй, Сылӧн буралӧмлы абу помыс.

Левит 26:41

мый вӧсна Ме [скӧрмӧмӧн] налы паныд сувті, вӧтлі найӧс вӧрӧг муӧ. Сэні найӧ мынтысясны мыжсьыныс, и налӧн вундыштчытӧм сьӧлӧмныс раммас Ме водзын.

Левит 26:43

Кор налӧн эновтӧм да кушмӧм муыс кутас шойччыны, сійӧ водзӧс босьтас аслас шойччытӧмысь. Найӧ мынтысясны мыжсьыныс, мый мустӧмтісны-зывӧктісны Менсьым индӧд-тшӧктӧмъясӧс.

Микей 7:9

Ме мыжа Господь водзын, та вӧсна меным колӧ нуны Сылысь скӧрлунсӧ, кытчӧдз Сійӧ оз видлав менсьым мыжӧс да оз бурсьӧлӧмтчы ме дінӧ. Сэки Сійӧ петкӧдас менӧ югыдас, и ме аддза Сылысь веськыдлунсӧ.

Лыд 11:11

Мӧисей шыасис Господь дінӧ: «Мыйла Тэ пикӧ воштін менӧ, Ассьыд кесйӧгтӧ? Мый вӧсна Тэ он бурсьӧлӧмтчы ме дінӧ? Мыйла Тэ тайӧ войтырыс вӧсна та ыджда сьӧкыдсӧ ме вылӧ пуктін?

Лыд 16:41

Мӧд луннас став Израиль войтыр шуасис Мӧисей да Аарон вылӧ: «Ті виинныд Господьлысь войтырсӧ!»

Лыд 17:12

Израиль пиян шуисны Мӧисейлы: «Ми кулам, ми ставным кулам!

Восьтӧм 16:9

Ёна пӧжӧмысла йӧзыс сотчисны да лёкӧдісны Енлысь нимсӧ, ӧд тайӧ бырӧданторъясыс вӧліны Енсянь. Но йӧзыс эз бергӧдчыны Енлань да эз ошкыны Сійӧс.