31 Господь оз эновт пыр кежлӧ.
Ми ставным коркӧ кулам, лоам муӧ кисьтӧм ва кодьӧн, кодӧс бӧр он курав. Но Енмыс оз кӧсйы бырӧдны мортсӧ. Мӧдарӧ, Сійӧ зільӧ сибӧдны ӧтдортӧмаӧс.
Соломонлӧн мыжъясыс вӧсна Ме янӧда Давидлысь рӧдсӧ, но ог пыр кежлӧ”».
Найӧ мед лача кутасны Ен вылӧ, мед оз вунӧдны Енлысь уджъяссӧ, а Енлысь тшӧктӧмъяссӧ мед видзасны сьӧлӧманыс.
Кор Тэ ӧтдортлін Израиль войтырӧс, Тэ чирыштлін найӧс этш тӧдӧмӧн. Асыв тӧв моз Тэ вӧтлін найӧс Аслад вына пӧльыштӧмнад.
Ме ог кут помтӧг мыждыны, ог кут пыр скӧравны, ӧд тадзи кӧ кута вӧчны, сэки Ме водзын дзикӧдз нюкыртчас мортлӧн лолыс, нюкыртчас Меӧн вӧчӧм ловъя олысь.
Господь тадзи висьталӧ: – Выліын енэжсӧ он вермы муртавны, уліын муюгыдлысь подувсӧ он вермы туявны, тадзи жӧ Ме ог вермы ӧтдортны Израиль войтырӧс сыысь, мый найӧ вӧчисны, – висьталӧ Господь.
Ме кӧртала накӧд пыр кежлӧ йитӧд: Ме ог бергӧдчы наысь, а пыр кута вӧчны налы бурсӧ. Ме пукта налӧн сьӧлӧмӧ вежавидзӧм, медым найӧ эз кежны Меысь.
«Тэ ӧмӧй он аддзы, мый тайӧ йӧзыс шуалӧны, Господь пӧ ӧтдортіс сійӧ кык чужанкотырсӧ, кодӧс водзынджык бӧрйис. Тадзи найӧ увтыртӧны Менсьым войтырӧс, весиг войтырӧн оз лыддьыны.
Тэ кодь мӧд енмыс абу! Тэ прӧститан мыжъяс, Ассьыд коляс войтыртӧ лёк вӧчӧмысь он мыжды. Тэ он скӧрав нэмъяс чӧж, ӧд Тэ бур сьӧлӧма.
Господь тадзи висьталӧ: – Вӧрӧглӧн лыдыс лыдтӧм-тшӧттӧм, найӧ вынаӧсь, но найӧс кераласны, и найӧ бырасны. Иуда, тэныд Ме мӧдӧдлі уна сьӧкыдлун, но водзӧ ог кут сьӧктӧдны тэнӧ.
Аслас ыджыд нимыс вӧсна Господь оз коль тіянӧс, Ассьыс войтырсӧ. Господь бӧрйис тіянӧс, мед ті вӧлінныд Сылӧн войтырӧн.
