Бӧрданкыв 2:17 - Коми Библия 2023

¹⁷ Господь вӧчис, мый кӧсйис, збыльмӧдіс Ассьыс кывсӧ, важысянь шуӧмсӧ. Сійӧ жалиттӧг бырӧдіс тэнӧ, вӧрӧглы лэдзис нимкодясьны, тэнӧ мустӧмтысьясӧс вылӧ кыпӧдіс.

Бӧрданкыв 2:17 ပူးပေါင်းရင်းမြစ်များ

Ӧксыяслӧн 3 небӧг 9:7

сэки Ме бырӧда Израиль войтырӧс сійӧ му вывсьыс, мый Ме сеті налы. А тайӧ крамсӧ, мый Ме вежӧді-торйӧді Аслым, Ме ӧтдорта Аслам чужӧмбан водзысь, и Израиль войтыр лоӧ серамтуйын войтыръяс пӧвстын.

Исай 14:29

– Эн нимкодясь, Филистим му, мый тэнӧ нӧйтан бедьсӧ чегъялӧма. Змей вужсянь петас аспид, сійӧ чужтас лэбалысь змейӧс.

Еремей 18:11

Ӧні висьтав Иуда войтырлы да Ерусалимын олысьяслы, мый Господь тадзи висьталӧ: Ме дасьта тіянлы лёксӧ, Ме мӧдӧда тіянлы шог. Бергӧдчӧй асланыд лёк туйясысь, бӧрйӧй бур туйсӧ да вӧчӧй бурсӧ.

Еремей 4:28

Муыс пондас бӧрдны, выліын енэжыс пемдас. Ме шуи тадзи, и ог веж Ассьым кывйӧс.

Еремей 40:3

Ӧні Господь збыльмӧдіс Ассьыс кывсӧ да вӧчис сійӧ, мый шуис. Ті мыж вӧчинныд Господьлы паныд, ті энӧ кывзысьӧй Сылысь, та вӧсна шогыс суис тіянӧс.

Бӧрданкыв 1:5

Дзескӧдысьяс ыджыдалӧны Сион вылын, мустӧмтысьяс гажаа олӧны. Сионлӧн уна мыж вӧсна Господь ыстіс сылы шог. Сылысь челядьсӧ нуӧдісны пленӧ, дзескӧдысьяс вӧтлісны найӧс водзвыланыс.

Бӧрданкыв 2:8

Господь шуис жугӧдны Сионлысь стенъяссӧ. Сійӧ нюжӧдіс мурталан кӧв, Ассьыс кисӧ бырӧдӧмысь эз вешты. Ортсы пыкӧдъяссӧ жугліс, найӧ стенмыскӧд тшӧтш киссисны.

Бӧрданкыв 3:43

Тэ скӧралӧмӧн вӧтлін миянӧс, жалиттӧг виалін.

Бӧрданкыв 4:11

Господь койыштіс Ассьыс скӧрлунсӧ, кисьтіс Ассьыс ярлунсӧ, ӧзтіс Сионын би, сотіс сійӧс подулӧдзыс.

Езекиль 5:11

Ме Ачым кыв сетӧмӧн шуа, мый кушӧдз шыра тэнӧ, – висьталӧ Господь Ыджыдыс, – ӧд тэ пежалін Менсьым вежаинӧс аслад пеж уджъясӧн да зывӧкторъясӧн. Ме ог жалит тэнӧ, ог бурсьӧлӧмтчы тэ дінӧ.

Езекиль 8:18

Та вӧсна Ме кисьта на вылӧ Ассьым скӧрлунӧс, ог жалит найӧс да ог бурсьӧлӧмтчы на дінӧ. Мед гораа горзӧны Меным, но Ме ог кыв найӧс».

Езекиль 9:10

Та вӧсна Ме ог жалит найӧс, ог бурсьӧлӧмтчы на дінӧ. Ме мынтыся налы олан туйныс серти».

Даниил 9:12

Тэ збыльмӧдін Ассьыд кывтӧ, мый Тэ шуин миян йылысь да миян юралысь-веськӧдлысьяс йылысь. Тэ ыстін миян вылӧ ыджыд шог, татшӧм шогыс эз на вӧвлы му вылас, мый суис Ерусалим карӧс.

Микей 2:3

Та вӧсна Господь тадзи висьталӧ: – Ме шуи ыстыны лёксӧ тайӧ йӧзыс вылӧ. Ті онӧ вермӧй мынны сылӧн сийӧс улысь, онӧ вермӧй веськӧдчӧмӧн ветлӧдлыны, ӧд лёкыс кутас ыджыдавны.

Софоний 1:2

– Ме ставсӧ бырӧда му вывсьыс, – висьталӧ Господь, –

Закар 1:6

Но Менам кывъясӧй инісны. Сійӧ, мый йылысь Ме ӧлӧдӧмӧн висьтавлі Меным кесъялысь пророкъяс пыр, суис батьяснытӧ. Сэки найӧ бергӧдчывлісны мыжсьыныс шуалӧмӧн: ”Господь Саваоф кыдзи шуис, сідзи и вӧчис. Сійӧ вӧчис миянкӧд асланым бӧрйӧм туйным да лёк вӧчӧмным серти”».