Ап. уджъяс 9:27 - Коми Библия 2023

²⁷ Сэки Варнава отсаліс Савллы, вайӧдіс сійӧс апостолъяс дінӧ да висьталіс налы, мый Савл аддзылӧма Господьӧс, да Господь сёрнитӧма сыкӧд. Нӧшта висьталіс, кыдзи Савл Дамаскын повтӧг юӧртӧма Исус йылысь.

Ап. уджъяс 9:27 ပူးပေါင်းရင်းမြစ်များ

Ап. уджъяс 11:22

Та йылысь кывсис Ерусалимын эскысьяслы. Сэки найӧ мӧдӧдісны Антиокияӧ Варнаваӧс.

Ап. уджъяс 11:25

Сэсся Варнава муніс Тарсӧ корсьны Савлӧс и аддзӧм бӧрас локтіс сыкӧд Антиокияӧ.

Ап. уджъяс 12:25

Варнава да Савл вайӧм сьӧмсӧ сетісны вичколы, сэсся Ерусалимысь бӧр мунісны Антиокияӧ. Аскӧдныс найӧ босьтісны тшӧтш Иоанӧс, кодӧс шуисны Маркӧн.

Ап. уджъяс 13:2

Кор найӧ видзалӧмӧн кесъялісны Господьлы, Вежа Лов шуис: «Торйӧдӧй Меным Варнаваӧс да Савлӧс, Ме кори найӧс торъя удж вӧчны».

Ап. уджъяс 15:2

Павел да Варнава паныд сувтісны налы да дыр вензисны накӧд. Сэки шуисны мӧдӧдны Павелӧс, Варнаваӧс да ас йӧзсьыс кодсюрӧӧс апостолъяс да юрнуӧдысьяс дінӧ Ерусалимӧ, медым тайӧ сёрнинас воны ӧти кывйӧ.

Ап. уджъяс 4:13

Кор веськӧдлысьяс да юрнуӧдысьяс аддзисны Петыр да Иоанлысь повтӧмлунсӧ да казялісны, мый найӧ велӧдчытӧм йӧз, ёна шензисны. Гӧгӧрвоисны, мый найӧ вӧлӧмаӧсь Исускӧд.

Ап. уджъяс 4:29

Ӧні, Господьӧй, видзӧдлы налӧн повзьӧдлӧм вылӧ, отсав Аслад кесйӧгъяслы повтӧг висьтавны Тэнсьыд кывтӧ.

Ап. уджъяс 4:36

Иосей, Кипрын чужлӧм левит, кодӧс апостолъяс шуисны Варнава нимӧн, мый лоӧ ”бурӧдысь”,

Ап. уджъяс 9:17

Ананий муніс, пырис Иуда керкаӧ да Савл вылӧ кисӧ пуктӧмӧн шуис: «Савл вокӧй! Менӧ мӧдӧдіс тэ дінӧ Господь Исус, коді петкӧдчис тэныд туй вылын. Сійӧ мӧдӧдіс менӧ, медым тэ бара кутін аддзыны да тырин Вежа Лолӧн».

Ап. уджъяс 9:29

Сійӧ сёрнитліс да вензьывліс грек кывйӧн сёрнитысь иудейяскӧд, а найӧ пыр кӧсйисны вины сійӧс.

1 Коринфӧ 15:8

Медбӧрти петкӧдчис меным, апостолъяс пиысь медічӧтыслы.

1 Коринфӧ 9:6

Гашкӧ, сӧмын меным да Варнавалы колӧ уджавнысӧ, медым аслыным кынӧмпӧт перйыны?

Галатӧ 2:13

Сы моз тшӧтш вӧчисны мукӧд иудейяс, весиг Варнава вӧлі ылалӧма на моз.

Галатӧ 2:9

Яков, Петыр да Иоан, кодъясӧс лыддисны зумыд сюръяясӧн, гӧгӧрвоисны, мый Енмыс буралӧмнас корӧма менӧ. Сэки миянлы Варнавакӧд найӧ кинысӧ сетісны, медым вӧчны ӧтувъя удж. Сёрнитчим, мый найӧ мунасны иудейяс дінӧ, ми – мукӧд войтыръяс дінӧ.