Ап. уджъяс 7:36 - Коми Библия 2023

³⁶ Мӧисей петкӧдіс Израиль войтырӧс Египетысь. Уна шензьӧданатор да индысьпас сійӧ вӧчис Египет муын, Гӧрд саридз вуджигӧн да нелямын во чӧж овтӧминын ветлӧдлігӧн.

Ап. уджъяс 7:36 ပူးပေါင်းရင်းမြစ်များ

Неемий 9:10

Тэ петкӧдлін индысьпасъяс да шензьӧданаторъяс фараонлы, сылӧн кесйӧгъяслы да сылӧн муын став олысьыслы, ӧд Тэ тӧдін, кутшӧм ёна египетса увтыртісны миянлысь батьяснымӧс. Тэ кыпӧдін Ассьыд нимтӧ, ӧнӧдз сійӧ ошкана.

Псалтыр 95:10

Висьталӧй войтыръяс пӧвстын: «Господь ӧксыалӧ! Муюгыдыс сулалӧ зумыда, сійӧ оз вӧрзьыв. Господь кутас веськыда мыждыны войтыръясӧс».

Псалтыр 95:8

ошкӧй Господьлысь нимсӧ, локтӧй Сылӧн крамбердса йӧръясӧ, вайӧй Сылы козинъяс,

Петӧм 12:41

Нёльсё комын во тыран лунӧ войнас Господьлӧн став войтырыс тышкайӧз моз петіс Египетысь.

Петӧм 14:21

Мӧисей нюжӧдіс кисӧ саридзлань, и Господь войбыд йӧткис васӧ ён асыв тӧлӧн. Ваыс вешйис ӧтарӧ-мӧдарӧ, и тыдовтчис саридз пыдӧсыс.

Петӧм 16:35

Израиль пиян сёйисны маннасӧ нелямын во чӧж, кытчӧдз эз воны Ханаан му дорӧдз, кӧні олісны йӧз.

Петӧм 3:20

Ме лэпта киӧс да мыжда Египетӧс шензьӧданаторъяс вӧчӧм пыр. Сӧмын та бӧрын фараон лэдзас тіянӧс.

Петӧм 33:1

Господь шуис Мӧисейлы: «Войтырыдкӧд, кодӧс тэ петкӧдін Египет муысь, мун сійӧ муас, мый Ӧвраамлы, Исааклы да Яковлы кыв сетӧмӧн Ме кӧсйыси сетны насянь чужысьяслы.

Иоан 4:48

Исус шуис сылы: «Ті онӧ эскӧй, онӧ кӧ аддзылӧй индысьпасъяс да шензьӧданаторъяс!»

Ап. уджъяс 13:18

Нелямын во чӧж Сійӧ вердіс найӧс овтӧминын.

Ап. уджъяс 7:42

Енмыс бергӧдчис наысь да эновтіс найӧс юрбитны тӧлысь-кодзувъяслы. Та йылысь гижӧма пророкъяслӧн небӧгын: – Израиль войтыр! Нелямын во чӧжнас овтӧминын вайлінныд-ӧ ті Меным начкӧм ыж-мӧскӧс да мукӧд вись?

Индӧд 8:4

Став тайӧ нелямын во чӧжыс тіян паськӧмныд эз важмывлы, и кокныд эз пыктавлы.

Еврейяслы 3:8

энӧ чорзьӧдӧй сьӧлӧмнытӧ, кыдзи ті вӧчинныд овтӧминын, кор кыпӧдчинныд Меным паныд да дӧзмӧдінныд Менӧ.

Еврейяслы 3:9

Сэні тіян батьясныд нелямын во чӧж аддзылісны Менсьым уджъясӧс, но дӧзмӧдісны Менӧ.

Еврейяслы 8:9

Тайӧ йитӧдыс оз ло сэтшӧм, кутшӧмӧс Ме кӧрталі налӧн батьяскӧд, кор босьті найӧс киӧдныс да петкӧді Египет муысь. Найӧ торкисны йитӧдӧс, мый Ме кӧрталі накӧд, та вӧсна Ме бергӧдчи наысь, – висьталӧ Господь. –