Ап. уджъяс 28:8 - Коми Библия 2023

⁸ Сійӧ кадас Публийлӧн батьыс куйліс биа висьӧмӧн да кынӧм висьӧмӧн. Павел пырис сы дінӧ, кевмысис да сы вылӧ кисӧ пуктылӧмӧн бурдӧдіс сійӧс.

Ап. уджъяс 28:8 ပူးပေါင်းရင်းမြစ်များ

Матвей 10:1

Исус корис дас кыкнан велӧдчысьсӧ да сетіс налы вын вӧтлавны пеж ловъясӧс да бурдӧдавны йӧзӧс быд висьӧм-доймӧмысь.

Матвей 10:8

Висьысьясӧс бурдӧдалӧй, кулӧмаясӧс ловзьӧдӧй, проказаысь сӧстӧммӧдӧй, пеж ловъясӧс вӧтлалӧй. Дон мынтытӧг босьтінныд, дон босьттӧг и сетӧй.

Матвей 12:13

Сэсся Исус шуис висьысьлы: «Нюжӧд китӧ». Сійӧ нюжӧдіс, и киыс пырысь-пыр бурдіс, лои мӧдыс кодь.

Матвей 9:18

Исуслӧн сёрнитігкості локтіс ӧти юралысь, копыртчис Сы водзӧ да шуис: «Менам нылӧй муртса на куліс. Лок, пуктыв сы вылӧ китӧ, и сійӧ ловзяс».

Марк 16:18

Босьтасны кӧ кианыс змейӧс да юасны кӧ мыйкӧ кулантор, таысь налы лёкыс оз ло. Найӧ пуктасны кинысӧ висьысьяс вылӧ, и найӧ бурдасны».

Марк 5:23

да ёна корис: «Менам нылӧй куланвыйын. Лок, пуктыв сы вылӧ китӧ, мед бурдас да ловйӧн коляс».

Марк 6:5

Исус эз вермы сэні вӧчны шензьӧданаторъяс, сӧмын кымынкӧ висьысь вылӧ кисӧ пуктылӧмӧн бурдӧдіс найӧс.

Марк 7:32

Сы дінӧ вайӧдісны пыскыль кывъя пельтӧм мортӧс да корисны Исусӧс пуктывны кисӧ тайӧ мортыс вылӧ.

Лука 13:13

Исус пуктыліс кисӧ ань вылӧ, и сійӧ дзик пыр веськӧдчис да пондіс ошкыны Енмӧс.

Лука 4:40

Шонді лэччигӧн вайӧдісны Исус дінӧ быдсикас висьысьӧс. Кисӧ быдӧн вылӧ пуктылӧмӧн Сійӧ бурдӧдаліс найӧс.

Ап. уджъяс 28:7

Сэні матын вӧлі діӧн веськӧдлысь Публийлӧн оланіныс. Сійӧ нимкодьпырысь сибӧдіс миянӧс ас ордас да куим лун чӧж бура вердіс-юкталіс.

Ап. уджъяс 28:9

Тайӧ лоӧмторйыс бӧрын ді вылысь тшӧтш мукӧд висьысьяс пондісны локны, и ставныс бурдісны.

Ап. уджъяс 9:40

Петыр тшӧктіс петны ставныслы, ачыс пидзӧс вылас сувтӧмӧн кутіс кевмысьны. Сэсся шойланьыс бергӧдчӧмӧн шуис: «Тавита, чеччы!» Тавита восьтіс синсӧ, видзӧдліс Петыр вылӧ да пуксис.

1 Коринфӧ 12:28

Вичкоын Енмыс медводз сувтӧдіс апостолъясӧс, сэсся пророкъясӧс, сэсся велӧдысьясӧс. Мукӧдыслы Енмыс сетіс вын вӧчны шензьӧданаторъяс, мукӧдыслы – сямлун бурдӧдны, кодлыкӧ – отсасьны йӧзыслы, кодлыкӧ – веськӧдлыны, а кодлыкӧ – сёрнитны мукӧд кывъяс вылын.

1 Коринфӧ 12:9

кодлыкӧ Лолыс сетӧ эскӧм, кодлыкӧ – сямлун бурдӧдны.