Ап. уджъяс 28:15 - Коми Библия 2023

¹⁵ Сэні вокъяс кывлӧмаӧсь миян локтӧм йылысь. Найӧ воча локтісны миянлы, ӧтияс Аппия вузасянінӧдз, мӧдъяс – Куим шойччан керка нима сиктӧдз. Найӧс аддзӧм бӧрын Павел долыдмис да аттьӧаліс Енмӧс.

Ап. уджъяс 28:15 ပူးပေါင်းရင်းမြစ်များ

Петӧм 4:14

Господь скӧрмис Мӧисей вылӧ да шуис: «Тэнад эм Аарон вок, Левий чужанкотырысь. Ме тӧда, мый сійӧ кужас [тэ пыдди] сёрнитны. Сійӧ локтӧ нин тэ дінӧ. Тэнӧ аддзас да, сьӧлӧмыс пондас нимкодясьны.

Иоан 12:13

Пальма росъяс босьтӧмӧн найӧ петісны Исуслы воча да горзісны: – Осанна! Бурсиӧма Господь нимӧн Локтысьӧс, Израильлысь Ӧксысӧ!

Ап. уджъяс 1:15

Сійӧ лунъясӧ чукӧртчис сё кызь гӧгӧр велӧдчысь. На шӧрӧ сувтӧмӧн Петыр шуис:

Ап. уджъяс 10:23

Петыр корис найӧс керкаас, вердіс-юкталіс, сэсся мӧд луннас петіс накӧд туйӧ. Сыкӧд тшӧтш мунісны Иоппияысь кодсюрӧ вокъяс.

Ап. уджъяс 10:25

Пыриганыс Корнилий воча петіс Петырлы да копыртчис сы водзӧ.

Ап. уджъяс 11:1

Апостолъяслы да мукӧд вокъяслы Иудеяын кывсис, мый ентӧдтӧмъяс сибӧдӧмаӧсь Енлысь кывсӧ.

Ап. уджъяс 11:12

Лов тшӧктіс меным майшасьтӧг мунны накӧд. Мекӧд тшӧтш мунісны тайӧ квайт вокыс. Кор ми локтім сійӧ мортыс ордӧ,

Ап. уджъяс 12:17

Петыр сетіс кинас пас, медым найӧ лӧнясны. Сэсся висьталіс налы, кыдзи Господь петкӧдіс сійӧс дзескыдінысь. «Юӧртӧй та йылысь Яковлы да мукӧд вокъяслы», – шуис Петыр. Та бӧрын петіс на дінысь да муніс мӧдлаӧ.

Ап. уджъяс 21:5

Вежон мысти ми бара петім туйӧ. Ставныс гӧтыръясныскӧд да челядьныскӧд колльӧдісны миянӧс кар сайӧдзыс. Сэні вадорас ми сувтім пидзӧс выланым да кевмысим.

Ап. уджъяс 28:14

Сэтысь ми аддзим вокъясӧс, найӧ корисны миянӧс олыштны на ордын вежон. Та бӧрын сэсся мунім Римӧ.

Римӧ 15:24

Испанияӧ мунігӧн пырала тіян дінӧ. Кӧсъя аддзысьлыны тіянкӧд, медым вермим ӧтлаын нимкодясьыштны. Лача кута, мый сэсся отсаланныд меным водзӧ туйӧ петны.

2 Коринфӧ 2:14

Ошкӧм Енлы! Кристос пыр Сійӧ быд кадӧ сетӧ миянлы вермӧм да миян пыр быдлаын паськӧдӧ Кристос йылысь чӧскыд дука тӧдӧмлунсӧ.

Галатӧ 4:14

Висьӧмӧй вылӧ видзӧдтӧг ті сибӧдінныд менӧ, энӧ кедзовтӧй да энӧ эновтӧй. Сибӧдінныд Ен анделӧс моз, Исус Кристосӧс моз.

1 Фессалоникаӧ 3:7

Та вӧсна, вокъяс, став тайӧ сьӧкыдсӧ нуигӧн да миянӧс вӧтлігӧн тіян эскӧмныд ышӧдіс миянӧс.

Еврейяслы 13:3

Тӧждысьӧй дзескыдінын пукалысьяс вӧсна, быттьӧ ті на моз пукаланныд дзескыдінын. Энӧ вунӧдӧй найӧс, кодъясӧс нӧйтӧны, ті ӧд асьныд тӧданныд, мый сэтшӧм дойыс.

Нав Исус 1:9

Ме тшӧкта тэныд: ло зумыд да повтӧм! Эн тірав да эн пов, ӧд Господь, тэнад Енмыд, лоӧ тэкӧд быдлаын, кытчӧ тэ мунан».

Ӧксыяслӧн 1 небӧг 30:6

Став йӧзыс ёна шогсисны, быдӧн шогсис аслас ныв-пиыс вӧсна. Найӧ весиг кӧсйисны изъявны Давидӧс, та вӧсна сылы вӧлі вывті сьӧкыд.