Ап. уджъяс 26:29 - Коми Библия 2023

²⁹ «Ӧдйӧ ли, ог ли, но кевма Енлы, мед тэ да ті ставныд, менӧ кывзысьяс, лоинныд ме кодьӧсь, сӧмын тайӧ чепъястӧгыс», – шуис Павел.

Ап. уджъяс 26:29 ပူးပေါင်းရင်းမြစ်များ

Ӧксыяслӧн 2 небӧг 18:33

Ӧксы шогӧ усис. Сійӧ чеччис да кайис стенвывса жырйӧ. Мунігмозыс бӧрдӧмӧн шуаліс: «Авессалом пиӧй, Авессалом пиӧй! Бурджык, ме кӧ кулі тэ пыдди, пиукӧй!»

Ӧксыяслӧн 4 небӧг 5:3

Нывка шуис Нееманлӧн гӧтырлы: «Ветлас кӧ менам ыджыдӧй Самарияын олысь пророк дінӧ, пророк эськӧ бурдӧдас сійӧс проказасьыс».

Петӧм 16:3

«Бурджык миянлы вӧлі кувны Египет муын Господьлӧн ки помысь, – шуасисны Израиль пиян. – Сэні миян вӧліны яй тыра пӧртъяс, и няньсӧ ми пӧттӧдз сёйлім. А ӧні ті вайӧдінныд татчӧ овтӧминас, медым став тайӧ войтырыс тшыгйысла куліс».

Еремей 13:17

Ті кӧ онӧ кывзӧй тайӧ кывъяссӧ, менам сьӧлӧмӧй пондас гусьӧн бӧрдны, кутас курыда бӧрдны тіян ышнясьӧм вӧсна. Менам синваӧй пондас лэччыны шорӧн, ӧд Господьлысь войтырсӧ лоӧ нуӧдӧма пленӧ.

Еремей 38:20

Еремей шуис Седекейлы: «Оз сетны. Кывзы Господьӧс. Кывзы, мый ме висьтала тэныд. Сэки тэныд бур лоӧ, и тэ ловйӧн колян.

Лыд 11:29

Но Мӧисей шуис сылы: «Ме вӧсна-ӧ тэ тӧждысян? Ме эськӧ кӧсйи, медым Господь став Аслас войтыр вылӧ мӧдӧдіс Ассьыс Ловсӧ, и ставныс вӧліны пророкъясӧн!»

Иоан 5:34

Дерт, меным оз ков йӧзлӧн висьталӧмыс. Ме шуа тайӧс сы могысь, медым ті мездминныд.

Ап. уджъяс 12:6

Петкӧдан лунлы паныда войӧ Петыр узис кык шыпурта костын. Сійӧс вӧлі дорӧма кык чептӧн, а дзескыдін ӧдзӧс дорын сулалісны видзысьяс.

Ап. уджъяс 21:33

Веськӧдлысь матыстчис Павел дінӧ, сэсся тшӧктіс босьтны сійӧс да дорны чепъясӧн. Ачыс юасис, коді сійӧ да мый сійӧ вӧчис.

Ап. уджъяс 25:14

Найӧ олісны сы ордын унакодь лун. Сэки Фест висьталіс ӧксылы Павел йылысь: «Тані пукалӧ морт, сійӧс Феликс кольӧма дзескыдінӧ.

Римӧ 10:1

Вокъяс, ме сьӧлӧмсянь кӧсъя, мед Израиль мездмас, та йылысь кевмыся Енлы.

1 Коринфӧ 4:8

Тіян ставыс эм, ті ёна нин озырминныд. Ӧні ті – ӧксыяс, а ми – некод. Дерт, ме ёна кӧсъя, медым ті збыльысь вӧлінныд ӧксыясӧн, сэки эськӧ тіянкӧд ӧтвыв вермим ӧксыавны!

1 Коринфӧ 7:7

Ме эськӧ кӧсйи, медым быдӧн оліс ме моз гӧтыртӧг. Но Енмыс быдӧнлы вичмӧдӧ торъя сетӧмтор: ӧтилы – сэтшӧмӧс, мӧдлы – татшӧмӧс.

2 Коринфӧ 11:1

Кора тіянӧс, терпитыштӧй менсьым мывкыдтӧмлунӧс. Чайта, ті терпитыштанныд менӧ,

Ефесӧ 6:20

Енмыс мӧдӧдіс менӧ висьтавлыны Бур Юӧрсӧ, та понда ӧні ме дзескыдінын. Кевмысьӧй ме вӧсна, медым висьтавлі сійӧс повтӧг да колана ногӧн.

Колосӧ 1:28

Сы йылысь ми висьтавлам быдӧнлы, велӧдам-туйдӧдам став мывкыдлунӧн, медым сувтӧдны быдӧнӧс Ен водзӧ Кристос пытшкын сӧвмӧмаясӧн.