Ап. уджъяс 25:7 - Коми Библия 2023

⁷ Кор Павел локтіс, сійӧс кытшалісны Ерусалимысь воӧм иудейяс. Найӧ пондісны чорыда мыжавны Павелӧс унаторйысь, но подулавнысӧ эз вермыны.

Ап. уджъяс 25:7 ပူးပေါင်းရင်းမြစ်များ

Ездра 4:15

Корам видзӧдлыны воддза ӧксыяслысь казьтылан небӧгъяссӧ. Сэтысь тӧдмалан, мый тайӧ карыс, збыльысь, паныд кыпӧдчысьяслӧн кар, кысянь локтӧ лёкыс ӧксыяслы да налӧн муяслы. Тайӧ карас важысянь нин шызьӧм-гызьӧмыс мунӧ, та вӧсна и бырӧдӧма вӧлі сійӧс.

Эсфир 3:8

Аман шуис Артаксеркс ӧксылы: «Эм ӧти войтыр, коді разалӧма тэнад му пасьтала. Тайӧ войтырыс олӧ мукӧд войтыръяс пӧвстын, но наысь торйӧдчӧмӧн. Налӧн индӧдыс торъялӧ мукӧд войтыръяслӧн индӧдысь, и найӧ оз овны ӧксылӧн тшӧктӧмъяс серти. Ӧксыӧй, тайӧс тадзи оз позь кольны.

Псалтыр 35:11

Енмӧй, нюжӧд Ассьыд буралӧмтӧ Тэнӧ тӧдысьяс дінӧ, петкӧдлы Ассьыд веськыдлунтӧ сӧстӧм сьӧлӧмаяслы.

Матвей 15:1

Сэки Ерусалимысь Исус дінӧ воисны фарисейяс да Индӧдӧ велӧдысьяс. Найӧ шуисны Сылы:

Лука 23:10

Сэні сулалысь аркирейяс да Индӧдӧ велӧдысьяс ӧтарӧ мыжалісны Исусӧс.

Лука 23:2

Найӧ мыжалӧмӧн висьталісны: «Ми аддзылім, мый тайӧ Мортыс шызьӧдӧ миянлысь войтырӧс, ӧлӧдӧ кесарлы вот мынтӧмысь, асьсӧ ыдждӧдлӧ ӧксыӧн да Кристосӧн».

Ап. уджъяс 21:28

горзісны: «Израиль войтыр, отсалӧй босьтны тайӧ мортсӧ! Сійӧ быдлаын велӧдӧ-сёрнитӧ миян войтырлы паныд, Индӧдлы паныд да тайӧ вежаиныслы паныд. Весиг грекъясӧс вайӧдӧма татчӧ, пежалӧ вежаинсӧ».

Ап. уджъяс 24:13

Та вӧсна найӧ оз вермыны подулавны ассьыныс мыжалӧмнысӧ.

Ап. уджъяс 25:24

сэсся шыасис: «Агриппа ӧксы да ставныд локтысьяс! Ті асьныд аддзанныд тайӧ мортсӧ. Ерусалимын да тані иудейяс норасисны меным сы вылӧ, ӧти вомӧн горзісны, колӧ пӧ вины сійӧс.

1 Фессалоникаӧ 2:16

Найӧ оз лэдзны миянлы бурвисьтавлыны ентӧдтӧмъяслы, медым найӧ мездмисны. Тадзи найӧ содтӧны ассьыныс мыжъяссӧ. Но Енлӧн скӧрлуныс суис нин найӧс.