Ап. уджъяс 24:26 - Коми Библия 2023

²⁶ Сійӧ виччысис, гашкӧ, Павел сетас сьӧм, мед лэдзасны дзескыдінысь. Та вӧсна тшӧкыда корлывліс Павелӧс да сёрнитліс сыкӧд.

Ап. уджъяс 24:26 ပူးပေါင်းရင်းမြစ်များ

2 Каднебӧг 19:7

Полӧй Господьысь, ставсӧ вӧчӧй веськыда, ӧд Господь, миян Енным, мустӧмтӧ пӧръясьӧм, леститчӧм да козин босьтӧм».

Иов 15:34

Тадзи кушмас Ентӧг олысьлӧн оланіныс, би ньылыштас козин босьтны радейтысьлысь керкасӧ.

Петӧм 23:8

Эн босьт козин, ӧд козин босьтӧмыс синтӧммӧдӧ синмаӧс, и сійӧ мыждӧ веськыда вӧчысьӧс.

Шусьӧгъяс 17:23

Ентӧг олысь гусьӧн козинтӧ босьтӧ, медым торкны веськыда мыждӧмсӧ.

Шусьӧгъяс 17:8

Мортыд чайтӧ, мый сылӧн козиныс – шуд вайысь из: быдлаысь, кытчӧ мунас, шуд аддзас.

Шусьӧгъяс 19:6

Унаӧн леститчӧны нималана йӧз водзын, козин сетысьыдлы быдӧн ёрт.

Шусьӧгъяс 29:4

Веськыда мыждӧмнас ӧксы ёнмӧдӧ ассьыс мусӧ, а козинъяс радейтысь – куштӧ сійӧс.

Исай 1:23

Тэнад юралысьясыд – Индӧд торкысьяс, найӧ ӧтувтчӧны гусясьысьяскӧд. Найӧ радейтӧны козинъяс, босьтӧны бокыса сьӧм. Батьтӧм-мамтӧмӧс найӧ оз дорйыны, дӧвалысь корӧмсӧ нинӧмӧ пуктӧны.

Исай 33:15

Сійӧ, коді олӧ веськыда да висьталӧ збыльсӧ, коді оз кӧсйы озырмӧдчыны мукӧдсӧ дзескӧдӧмӧн, коді оз босьт козин, а мыждӧ веськыда, коді оз кӧсйы ӧтувтчыны вир кисьтысьяскӧд, коді мустӧмтӧ лёк вӧчысьяслысь уджъяссӧ.

Исай 56:11

Найӧ горш понъяс, некор оз пӧтлыны. Найӧ мывкыдтӧм ыж видзысьяс, быдӧн мунӧ аслас туйӧд, быдӧн корсьӧ мыйкӧ аслыс курыштны.

Езекиль 22:27

Ерусалимса юралысьяс кыйдӧс чашйысь кӧинъяс кодьӧсь. Озырмӧдчӧм могысь найӧ вир кисьтӧны да йӧзӧс виалӧны.

Езекиль 33:31

Менам войтырӧй чукӧртчӧ тэ дінӧ, пуксьӧ тэ водзӧ да кывзӧ тэнсьыд кывъястӧ, но на серти оз ов. Найӧ мичаа сёрнитӧны, но сьӧлӧмпытшса кӧсйӧмныс – ылӧдлӧмӧн озырмӧдчыны.

Осий 4:18

Налӧн кодалӧмыс – зывӧк, найӧ сетчисны кырсалӧмӧ, налӧн юралысьяслы муса яндысьтӧм олӧмыс.

Микей 3:11

Ёрд вылын юралысьяс козин босьтӧны, попъяс сьӧм вылӧ велӧдӧны, водзвыв висьталӧмысь пророкъяс сьӧм корӧны. Найӧ мӧвпалӧны, мый Господь отсалӧ налы, шуалӧны, Господь пӧ миянкӧд, шогыс пӧ оз су миянӧс.

Микей 7:3

Налӧн киныс кыптӧ лёк вӧчны, найӧ кужӧмӧн лёксӧ вӧчӧны. Веськӧдлысь козин корӧ, ёрдысь сьӧм босьтӧ, юралысь аслас лёк кӧсйӧмъяс йылысь сёрнитӧ. Найӧ ставныс збыльсӧ гугӧдӧны.

Матвей 17:3

Сэки велӧдчысьяс аддзисны Мӧисейӧс да Илляӧс, найӧ сёрнитісны Исускӧд.

Ап. уджъяс 24:17

Уна во кольӧм бӧрти ме ӧні локті Ерусалимӧ, медым ас войтырлы сетны чукӧртӧм сьӧм да вайны Енлы вись.

1 Коринфӧ 6:9

Ті ӧмӧй онӧ тӧдӧй, мый лёксӧ вӧчысьяслы оз вичмы Енлӧн Юраланіныс. Энӧ ылӧдлӧй асьнытӧ! Кырсалысьлы, идоллы юрбитысьлы, гозъякост олӧм пежалысьлы, пеж оласногалы, ӧта-мӧдныскӧд узьлысь айуловлы,

Индӧд 16:19

Веськыда мыждӧмсӧ энӧ торкӧй, чужӧм вылӧ энӧ видзӧдӧй, козинъяс энӧ босьтӧй. Ӧд козин босьтӧмыс синтӧммӧдӧ мывкыда мортӧс, и сійӧ мыждӧ веськыда вӧчысьӧс.

2 Петыр 2:3

Медым курыштны мыйкӧ аслыныс, найӧ тывйыштасны тіянӧс мудер сёрнинаныс. Но налы мыждӧмыс важӧн нин дась, найӧс бырӧдӧмыс матын нин.

Ӧксыяслӧн 1 небӧг 12:3

Ӧні Господь водзын да Сылӧн мавтыштӧмаыс водзын висьталӧй, босьтлі-ӧ ме кодлыськӧ ӧшсӧ либӧ осёлсӧ? Пӧръявлі-ӧ да дзескӧдлі-ӧ кодӧскӧ? Сибӧдлі-ӧ кодсянькӧ козин, медым сылӧн лёк вӧчӧм вылӧ синмӧс тупкыны? Висьталӧй, и ме ставсӧ бӧр сета тіянлы».

Ӧксыяслӧн 1 небӧг 8:3

Найӧ эз ветлыны батьыслӧн туйӧд да эз веськыда мыждыны йӧзсӧ, а сетчисны горшасьӧмӧ да босьтісны козинъяс.