Ап. уджъяс 23:30 - Коми Библия 2023

³⁰ Сэсся кывсис меӧдз, мый иудейяс кыйӧдӧмӧн лӧсьӧдчӧны вины тайӧ мортсӧ. Та вӧсна дзик пыр мӧдӧді сійӧс тэ дінӧ. Мыжалысьяслы тшӧкті тэ водзын висьтавны, мыйысь найӧ мыжалӧны сійӧс. Ло дзоньвидза!»

Ап. уджъяс 23:30 ပူးပေါင်းရင်းမြစ်များ

Ап. уджъяс 15:29

Видзӧй асьнытӧ идоллы вайӧм сёянысь, вир юӧмысь, джагалӧм пемӧс яй сёйӧмысь да кырсалӧмысь, энӧ вӧчӧй мукӧдлы сійӧ, мый онӧ кӧсйӧй аслыныд. Тайӧ тшӧктӧмъяс сертиыс кӧ оланныд, бур лоас. Олӧй бура!»

Ап. уджъяс 23:12

Асывнас иудейяс пӧвстысь кодсюрӧ ас костаныс сёрнитчӧмӧн кыв сетісны, мый оз кутны сёйны-юны, кытчӧдз оз вины Павелӧс.

Ап. уджъяс 23:20

Сійӧ шуис: «Иудейяс сёрнитчӧмаӧсь корны тэнӧ, медым тэ аски вайӧдін Павелӧс веськӧдлан котыр водзӧ. Найӧ ылӧдлӧмӧн корасны бурджыка тӧдмавны, мыйысь Павелыс мыжа.

Ап. уджъяс 23:31

Тшӧктӧм серти тышкайӧз войнас нуӧдісны Павелӧс Антипатридаӧ.

Ап. уджъяс 23:35

шуис: «Тэнӧ мыжалысьяс кор локтасны, сэки кывза тэнӧ». Сэсся тшӧктіс нуӧдны Павелӧс дзескыдінӧ Ирӧдлӧн керкаӧ.

Ап. уджъяс 24:19

Сэні вӧліны Асияысь ӧткымын иудей. Налы эськӧ колӧ вӧлі сувтны тэ водзӧ да мыжавны менӧ, дерт, вӧлі кӧ мыйысь?

Ап. уджъяс 25:16

Ме шуи налы, мый римсаяс оз сетны вины мортӧс, кытчӧдз сійӧс оз сувтӧдны мыжалысьяс водзӧ, медым мортыс вермис паныд дорйысьны.

Ап. уджъяс 9:24

Тайӧ кывсис Савллы. Иудейяс лун и вой кыйӧдчисны карса дзиръя дорын, медым вины сійӧс.

2 Коринфӧ 13:11

Вокъяс, нӧшта висьтала тіянлы: нимкодясьӧй, вежсьӧй бурланьыс, сибӧдӧй меньсьым ышӧдана кывъясӧс, олӧй лӧня да ӧти сьӧлӧмӧн. Сэки муслунсӧ да лӧньлунсӧ сетысь Ен лоас тіянкӧд.