Ап. уджъяс 21:24 - Коми Библия 2023

²⁴ Босьт найӧс аскӧдыд да сӧстӧммӧдчы накӧд. Мынтысь на вӧсна, мед шырасны юрнысӧ. Сэки ставныс тӧдмаласны, мый тэ кутчысян Индӧдӧ, и тэ йылысь кывлӧмторйыс абу збыль.

Ап. уджъяс 21:24 ပူးပေါင်းရင်းမြစ်များ

Иов 1:5

Кор став сизимнан пи ордас вӧлі пасйӧма гажсӧ, Иов корліс пиянсӧ ас ордас, медым вежӧдны-сӧстӧммӧдны найӧс. Сійӧ чеччыліс водз асывнас да быдӧн вӧсна торйӧн вайліс сотан вись. [Нӧшта ӧти ӧшкӧс вайліс ставныслӧн мыж вӧсна.] Иов мӧвпаліс, гашкӧ пӧ, пиянӧй гажӧдчиганыс мыжмисны да сьӧлӧманыс сералісны Енсӧ. Иов быд пӧрйӧ тадзи вӧчліс.

Иов 41:25

Левиафан кодь мӧдыс му вылас абу, сійӧ нинӧмысь оз пов,

Петӧм 19:10

Господь шуис сылы: «Мун войтырыд дінӧ, вежӧд найӧс талун да аски. Найӧ мед мыськаласны паськӧмнысӧ,

Петӧм 19:14

Мӧисей лэччис войтырыс дінӧ да вежӧдіс найӧс, и найӧ мыськалісны паськӧмнысӧ.

Лыд 6:13

Назореялан кад йылысь индӧдыс татшӧм. Кор назореялан лунъясыс помасясны, назорейӧс колӧ вайӧдны вежа чом пыранін дорӧ.

Лыд 6:18

Назорей мед шырас вежа чом пыранін дорын ассьыс юрсисӧ – назореялан пассӧ, сэсся мед шыбитас биӧ, кӧні сотӧны бурасян вись.

Лыд 6:5

Кад чӧжыс, мый кежлӧ кыв сетіс Господь водзын назореявнысӧ, сійӧ мед оз шырсьы. Сійӧ вежа, юрсиыс мед быдмӧ.

Лыд 6:9

Виччысьтӧг кӧ назорейкӧд орччӧн кодкӧ кувсяс, и та вӧсна пежасяс назорейлӧн юрсиыс, сэки сійӧ мед сӧстӧммӧдчан лунӧ, мӧд ногӧн кӧ, пежасьӧмсянь сизимӧд лунӧ, юрсисӧ шырас.

Иоан 11:55

Матыстчис иудейяслӧн Ыджыд лун. Сиктъясысь унаӧн локтісны Ерусалимӧ, медым сӧстӧммӧдчыны Ыджыд лун водзвылын.

Иоан 3:25

Ӧтчыд Иоанлӧн велӧдчысьясыс венӧ воисны иудейяскӧд сӧстӧммӧдчӧм йылысь.

Ап. уджъяс 18:18

Павел бура дыр на оліс Коринфын. Сэсся вокъяскӧд колльӧдчӧм бӧрын кывтіс Прискиллакӧд да Акилкӧд Сирияӧ. Кенкреяын сійӧ шырис юрсӧ, ӧд Ен водзын сылӧн кӧсйысьӧмыс помасис.

Ап. уджъяс 21:26

Сэки Павел босьтіс аскӧдыс тайӧ йӧзсӧ да мӧд луннас сӧстӧммӧдчис накӧд. Сэсся муніс крамӧ да висьталіс, кор помасясны налӧн сӧстӧммӧдчан лунъясыс да кор лоӧ вайӧма быдӧн вӧсна вись.

Ап. уджъяс 24:18

Менӧ аддзылісны крамысь сӧстӧммӧдчӧм бӧрын. Йӧз чукӧрыс да шызьӧмыс сэні матӧ эз вӧв.

1 Коринфӧ 9:20

Иудейяскӧд ме куті ачымӧс иудей моз, медым вайӧдны найӧс Кристос дінӧ. Индӧд серти олысьяскӧд куті ачымӧс на моз, медым вайӧдны найӧс Кристос дінӧ.

Галатӧ 2:12

Яковсянь мӧдӧдӧмаяс вотӧдз Петыр ӧтлаын сёйис мукӧд войтыръясысь эскысьяскӧд. Но Яковлӧн йӧз локтӧм бӧрын сійӧ пондіс сайласьны да ӧтдортчыны, ӧд поліс вундыштчӧм дор сулалысьясысь.

Ёрдысьяс 13:5

ӧд тэ сьӧктан да чужтан пиӧс, коді мам кынӧмсяньыс лоӧ Енлы торйӧдӧм назорей. Сылысь юрсисӧ шырны оз позь. Сійӧ сувтас мездыны Израильӧс филистимсаяслӧн киысь».