Ап. уджъяс 2:22 - Коми Библия 2023

²² Израиль войтыр, кывзӧй! Назаретса Исусӧс сувтӧдіс тіянлы Ачыс Енмыс. Сійӧ петкӧдліс тайӧс тіянлы шензьӧданаторъясӧн да индысьпасъясӧн, кодъясӧс вӧчис тіян пӧвстын Исус пыр. Тайӧс ті асьныд тӧданныд.

Ап. уджъяс 2:22 ပူးပေါင်းရင်းမြစ်များ

Исай 41:14

Эн пов, Яков-номыр, этша лыда Израиль, Ме отсала тэныд, – висьталӧ Господь, тэнад Мездысь, Израильлӧн вежа Ен. –

Матвей 12:28

Ме кӧ Ен Лолӧн вӧтлала пеж ловъясӧс, сідзкӧ, Енлӧн Юралӧмыс воис тіянӧдз.

Матвей 2:23

Сэтчӧ воӧм бӧрын найӧ овмӧдчисны Назарет карӧ. Тадзи иніс пророкъяс пыр шуӧмыс, мый Сійӧс шуасны Назаретсаӧн.

Матвей 9:8

Тайӧс аддзӧм бӧрын йӧзыс шензьӧмӧн ошкисны Енмӧс, ӧд та ыджда вын сетӧма мувывса йӧзлы.

Лука 11:20

Ме кӧ Ен вынӧн вӧтлала пеж ловъясӧс, сідзкӧ, Енлӧн Юралӧмыс воис тіянӧдз.

Лука 18:37

Сылы висьталісны, Назаретса Исус пӧ локтӧ.

Лука 24:18

На пиысь Клеоп нима вочавидзис: «Буракӧ, Тэ дзик ӧтнад Ерусалимӧ локтысьясысь он тӧд, мый сэні лои тайӧ лунъясӧ?»

Иоан 1:45

Филип аддзис Нафанаилӧс да шуис сылы: «Ми аддзим Сійӧс, код йылысь вӧлі висьталӧма Мӧисей Индӧдын да пророк гижӧдъясын. Тайӧ Назаретысь Исус, Ӧсиплӧн пи».

Иоан 10:37

Ме кӧ ог вӧч Батьлысь уджъяссӧ, энӧ эскӧй Меным.

Иоан 11:47

Аркирейяс да фарисейяс чукӧртісны веськӧдлан котыр да сёрнитісны: «Мый миянлы вӧчны? Тайӧ Мортыс уна шензьӧданатор вӧчӧ.

Иоан 12:17

Найӧ, кодъяс вӧліны Исускӧд, кор Сійӧ чукӧстіс Лазарӧс дзебанінысь да ловзьӧдіс сійӧс, висьталісны йӧзыслы

Иоан 15:24

Ме кӧ эг вӧч налӧн син водзын сійӧ уджъяссӧ, кодъясӧс некод эз вӧчлы, сэки эськӧ найӧ эз вӧвны мыжаӧсь. Ӧні найӧ аддзылісны Менсьым уджъясӧс, но Менӧ да Менсьым Батьӧс мустӧмтӧны.

Иоан 19:19

Пӧвтор вылӧ Пилат тшӧктіс гижны: «Назаретса Исус, иудейяслӧн Ӧксы». Гижӧдсӧ ӧшӧдісны крест вылас.

Иоан 3:2

Войнас сійӧ локтіс Исус дінӧ да шуис Сылы: «Велӧдысьӧй, ми тӧдам, мый Тэ Енсянь локтӧм Велӧдысь. Тэ моз некод оз вермы вӧчны шензьӧданаторъяссӧ, оз кӧ ло сыкӧд Ен».

Иоан 4:48

Исус шуис сылы: «Ті онӧ эскӧй, онӧ кӧ аддзылӧй индысьпасъяс да шензьӧданаторъяс!»

Иоан 5:36

Но Ме йылысь висьталӧ мӧдтор, Иоан висьталӧмысь на мӧрччанаджык. Батьлӧн тшӧктӧм серти вӧчӧм уджъясӧй петкӧдлӧны, мый Менӧ Батьӧй мӧдӧдіс.

Иоан 6:14

Сэки найӧ, кодъяс аддзылісны Исуслысь шензьӧданатор вӧчӧмсӧ, шуисны: «Тайӧ збыльысь сійӧ Пророкыс, кодлы колӧ вӧлі локны муюгыдас».

Иоан 6:27

Энӧ тӧждысьӧй бырана сёян вӧсна, а тӧждысьӧй помтӧм олӧмсӧ сетысь сёян вӧсна. Тайӧ сёянсӧ сетас тіянлы Морт Пи, кодӧс пасйӧма Ачыс Ен Бать».

Иоан 7:31

Йӧз пӧвстысь унаӧн эскисны Исуслы. Найӧ сёрнитісны: «Кор локтас Кристос, Сійӧ ӧмӧй тайӧ Мортыс дорысь унджык шензьӧданаторсӧ вӧчас?»

Иоан 9:33

Менӧ Бурдӧдысьыс кӧ эз вӧв Енсянь, нинӧм эськӧ вӧчны эз вермы».

Ап. уджъяс 13:16

Сэки сувтіс Павел, сетіс кинас пас да шуис: «Израиль войтыр да Енмысь полысьяс, кывзӧй!

Ап. уджъяс 14:27

Воӧм бӧраныс найӧ чукӧртісны эскысьясӧс да висьталісны ставсӧ, мый вӧчис на пыр Енмыс, кыдзи Сійӧ восьтіс ентӧдтӧмъяслы эскӧмас ӧдзӧссӧ.

Ап. уджъяс 2:19

Енэжын петкӧдла шензьӧданаторъяс, му вылын – индысьпасъяс: вир, би да тшын.

Ап. уджъяс 2:43

Йӧз пӧвстын паськаліс полӧм. Енмыс уна шензьӧданатор да индысьпас петкӧдліс апостолъяс пыр Ерусалимын.

Ап. уджъяс 21:28

горзісны: «Израиль войтыр, отсалӧй босьтны тайӧ мортсӧ! Сійӧ быдлаын велӧдӧ-сёрнитӧ миян войтырлы паныд, Индӧдлы паныд да тайӧ вежаиныслы паныд. Весиг грекъясӧс вайӧдӧма татчӧ, пежалӧ вежаинсӧ».

Ап. уджъяс 22:8

Ме юалі: ”Коді Тэ, Господьӧй?” Сійӧ шуис меным: ”Ме – Назаретса Исус, кодӧс тэ вӧтлан”.

Ап. уджъяс 24:5

Ми аддзылім: тайӧ мортыс пежалӧ гӧгӧр да став му пасьтала шызьӧдӧ иудей войтырӧс. Сійӧ назаретса велӧдӧмӧ кутчысьысьяслӧн веськӧдлысь.

Ап. уджъяс 26:26

Та йылысь бура тӧдӧ ачыс ӧксы, та вӧсна ме восьсӧн сёрнита сы водзын. Эска, тайӧ сылы абу гусятор, ӧд ставыс тайӧ эз гусьӧн вӧчсьы, кӧнкӧ пемыд пельӧсын.

Ап. уджъяс 26:9

Ме ачым быд ногыс паныд сувтлі Назаретса Исус нимлы. Чайті, тадзи колӧ вӧлі.

Ап. уджъяс 3:12

Петыр аддзис тайӧс да шуис йӧзыслы: «Израиль войтыр, мый ті шензьӧмӧн видзӧданныд миян вылӧ? Чайтанныд, ми ас вынӧн тайӧс вӧчим да миян вежавидзӧм понда сійӧ ветлӧдлӧ?

Ап. уджъяс 3:6

Петыр шуис: «Эзысь-зарни менам абу, но мый эм, сета тэныд. Назаретса Исус Кристос нимӧн чеччы да ветлӧдлы».

Ап. уджъяс 4:10

Сідзкӧ, ті да став Израиль войтыр, тӧдӧй, мый Назаретса Исус Кристос нимӧн, Сылӧн вын отсӧгӧн, тайӧ мортыс сулалӧ тіян водзын дзоньвидза. Ті тувъялінныд Исус Кристосӧс крестӧ, но Енмыс ловзьӧдіс Сійӧс.

Ап. уджъяс 5:35

Сэсся шуис веськӧдлан котырлы: «Израиль войтыр! Энӧ тэрмасьӧй тайӧ йӧзыскӧд мыйкӧ вӧчны.

Ап. уджъяс 6:14

Ми асьным кывлім, кыдзи сійӧ шуліс, Назаретса Исус пӧ жугӧдас тайӧ вежаинсӧ да вежас Мӧисейӧн важысянь лӧсьӧдӧм оласногсӧ».

2 Коринфӧ 12:12

Ме мудзлытӧг вӧчи тіян водзын индысьпасъяс, шензьӧданаторъяс да ыджыд уджъяс. Ставыс тайӧ петкӧдлӧ, мый ме збыльысь апостол.

Еврейяслы 2:4

Тайӧ висьталӧмсӧ Енмыс ёнмӧдіс тадзи: висьталысьяс пыр Сійӧ петкӧдліс индысьпасъяс, вӧчис шензьӧданаторъяс да быдпӧлӧс ыджыд уджъяс, Ас кӧсйӧм сертиыс Сійӧ юкліс Вежа Ловсянь сетӧмторъяс.