Ап. уджъяс 19:35 - Коми Библия 2023

³⁵ Йӧзсӧ ӧлӧдӧм бӧрын карса кывкутысь шыасис: «Ефесса войтыр! Ставныс тӧдӧны, мый Ефес карным видзӧ-дӧзьӧритӧ ыджыд Артемида енлысь крамсӧ да енэжсянь усьӧм сылысь изсерпассӧ.

Ап. уджъяс 19:35 ပူးပေါင်းရင်းမြစ်များ

Иоан 9:31

Ми тӧдам, мый Ен оз кывзы мыжаясӧс. Но коді бурӧ пуктӧ Енсӧ да олӧ Сылӧн кӧсйӧм серти, Енмыс кывзӧ сійӧс.

Ап. уджъяс 18:19

Ефесӧ воӧм бӧрын Павел янсӧдчис Акилкӧд да Прискиллакӧд. Ачыс муніс синагогаӧ да сёрнитіс сэні иудейяскӧд.

Ап. уджъяс 19:26

Ті асьныд аддзанныд да кыланныд, мый вӧчӧ тайӧ Павелыс. Сійӧ висьтавлӧ, киӧн вӧчӧмторъясыд пӧ абу енъяс, и уна йӧзӧс нин эскӧдіс Ефесын да став Асияын.

Ап. уджъяс 19:34

Но кор йӧзыс тӧдмалісны, мый сійӧ иудей, ӧти вомӧн горӧдісны: «Ефесса Артемида – медыджыдыс!» Тадзи кык час чӧж горзісны.

Ап. уджъяс 19:36

Таысь некод оз вермы соссьыны. Та вӧсна лӧньӧй, энӧ лоӧй юртӧм петукъяс кодьӧсь!

Ефесӧ 2:12

Сэки ті олінныд Кристостӧг, энӧ вӧлӧй Израиль войтырӧн. Енма-тіа костын йитӧдыс эз вӧв, тіянлы эз вичмыв Сылӧн кӧсйысьӧмыс, ті олінныд тайӧ муюгыдас Енсӧ тӧдтӧг да лачатӧг.

1 Тимофейлы 4:2

Татшӧм велӧдӧмыс петӧ пӧръясьысьяссянь, кык бана шаньгаяссянь, кодъяс воштӧмаӧсь яндзимнысӧ.