Ап. уджъяс 18:26 - Коми Библия 2023

²⁶ Сійӧ повтӧг сёрнитіс синагогаын. Акил да Прискилла сійӧс кывзӧм бӧрын корисны ас ордас да стӧчджыка висьталісны сылы Господьлӧн туй йылысь.

Ап. уджъяс 18:26 ပူးပေါင်းရင်းမြစ်များ

Шусьӧгъяс 1:5

Мывкыда морт кывзас да сюсьджык лоӧ, вежӧра морт аддзас аслыс туйдӧдӧм,

Шусьӧгъяс 25:12

Мывкыд мортлӧн ӧлӧдӧмыс сійӧс кывзысьлы пельтӧ мичмӧдысь зарни исерга кодь.

Шусьӧгъяс 9:9

Мывкыд мортӧс туйдӧд, и сылӧн содас мывкыдлуныс. Веськыда олысьӧс велӧд, и сылӧн содас тӧдӧмлуныс.

Исай 58:1

Горзы гораджыка, эн кут асьтӧ, буксан шы моз гораа горзы! Инды Менам войтырлы налӧн лёк уджъяс вылӧ, инды Яков рӧдлы налӧн мыжъяс вылӧ.

Марк 10:15

Веськыда висьтала тіянлы: коді оз сибӧд Енлысь Юралӧмсӧ кага моз, сійӧ оз пыр Енлӧн Юраланінӧ».

Лука 19:26

Ӧксы шуас: ”Висьтала тіянлы: кодлӧн эм, сылы сетасны. Кодлӧн абу, сылысь бӧръясӧ босьтасны.

Лука 24:27

Мӧисей да пророк небӧгъяссянь Исус пондіс гӧгӧрвоӧдны налы став Гижӧдсьыс Ас йывсьыс шуӧмсӧ.

Иоан 7:17

Коді кӧсйӧ вӧчны Ен кӧсйӧм серти, сійӧ тӧдмалас, Енсянь-ӧ тайӧ велӧдӧмыс, либӧ Ассянь Ме висьтала.

Ап. уджъяс 14:3

Вокъяс дыркодь олісны сэні да повтӧг висьтавлісны Господь йылысь. На пыр Господь вӧчис шензьӧданаторъяс да петкӧдліс индысьпасъяс, тайӧн вынсьӧдіс Аслас буралӧм йылысь висьталӧмсӧ.

Ап. уджъяс 18:18

Павел бура дыр на оліс Коринфын. Сэсся вокъяскӧд колльӧдчӧм бӧрын кывтіс Прискиллакӧд да Акилкӧд Сирияӧ. Кенкреяын сійӧ шырис юрсӧ, ӧд Ен водзын сылӧн кӧсйысьӧмыс помасис.

Ап. уджъяс 18:25

Сійӧ сибӧдіс ”Господь туй” йылысь велӧдӧмсӧ да сьӧлӧмсяньыс висьтавліс-велӧдіс Господь йылысь ставсӧ веськыда. Но ачыс тӧдіс сӧмын Иоанлысь пыртӧмсӧ.

Ап. уджъяс 19:8

Куим тӧлысь чӧж Павел ветлӧдліс синагогаӧ да повтӧг сёрнитіс сэні, эскӧдӧмӧн висьтавліс Енлӧн Юралӧм йылысь.

Ап. уджъяс 28:23

Урчитӧм лунӧ локтіс Павел ордӧ зэв уна йӧз. Павел асывсяньыс рытӧдзыс висьтавліс налы Енлӧн Юралӧм йылысь. Мӧисей Индӧд да пророк гижӧдъяс вылӧ мыджсьӧмӧн эскӧдіс найӧс Исус йылысь.

Ап. уджъяс 8:31

Мӧдыс шуис: «Кыдзи нӧ верма гӧгӧрвонысӧ, абу кӧ гӧгӧрвоӧдысьыс?» Сійӧ корис Филипӧс пуксьыны орччӧн.

1 Коринфӧ 12:21

Син оз вермы шуны килы: «Тэ меным ковтӧм». Юр оз вермы шуны коклы: «Тэ меным ковтӧм».

1 Коринфӧ 3:18

Асьнытӧ энӧ ылӧдлӧй. Тайӧ муюгыдас кӧ лыддьӧ кодкӧ асьсӧ мывкыдаӧн, медводз сійӧ мед лоӧ мывкыдтӧмӧн. Сэки сійӧ збыльысь лоӧ мывкыда.

1 Коринфӧ 8:2

Мортыс кӧ чайтӧ, мый сійӧ мыйкӧ тӧдӧ, збыльвылас сійӧ нинӧм на оз тӧд.

Еврейяслы 6:1

Сідзкӧ, огӧ кольччӧй Кристослӧн велӧдӧмын медводдза воськовъясас, но кутам быдмыны-верстяммыны тыр арлыдаӧдз. Миянлы абу нин колана выльысь велӧдны тіянӧс лёк уджъясысь бергӧдчӧм да Енлы эскӧм йылысь,

2 Петыр 3:18

Быдмӧй буралӧмас да миян Мездысь Исус Кристос Господьнымӧс тӧдмалӧмас. Сылы ошкӧмыс ӧні да нэмъяс чӧж. Аминь.