Ап. уджъяс 16:31 - Коми Библия 2023

³¹ Найӧ воча шуисны: «Эскы Господь Исус Кристослы, сэки мездман тэ да став тэнад гортсаыд».

Ап. уджъяс 16:31 ပူးပေါင်းရင်းမြစ်များ

Олӧм 17:7

Ме кӧртала тэкӧд да тэсянь чужысьяскӧд нэмъяс кежлӧ йитӧд, Ме лоа тэнад да тэсянь чужысьяслӧн Енмӧн.

Олӧм 18:19

Ӧвраамӧс Ме бӧрйи висьтавны аслас пиянлы да сысянь чужысьяслы, мед ветласны Господь туйӧд, оласны веськыда да мыждасны збыльыс серти. Сэки Ме, Господь, вӧча ставсӧ, мый кӧсйыси Ӧвраамлы».

Исай 45:22

Шыасьӧй Ме дінӧ, му помъясын олысьяс, и ті мездманныд. Ӧд Ме – Енмыс, и мӧдыс абу.

Еремей 32:39

Ме сета налы ӧти кӧсйӧм да ӧти туй, медым став олӧм чӧжныс найӧ вежавидзӧмӧн полісны Меысь, ӧд тайӧ лоӧ налы да налӧн челядьлы бур вылӧ.

Аввакум 2:4

Эскытӧм морт абу веськыд, а веськыда олысь эскӧмнас кутас овны.

Марк 16:16

Коді эскас да пыртчас, сійӧ мездмас. Коді оз эскы, сійӧс лоӧ мыждӧма.

Иоан 1:12

Сійӧс сибӧдысьяслы, Сылы эскысьяслы, Сійӧ сетіс лоны Енлӧн ныв-пиӧн.

Иоан 20:31

Но тайӧс гижӧма, медым ті эскинныд, мый Исус эм Кристос, Ен Пи. Эсканныд кӧ, Сылӧн нимыс пыр тіянлы вичмас олӧм.

Иоан 3:36

Коді эскӧ Пиыслы, сылӧн эм помтӧм олӧм. Коді оз эскы Пиыслы, сылӧн оз ло олӧмыс, но Енлӧн скӧрлуныс лоӧ сы вылын.

Иоан 6:40

Менӧ Мӧдӧдысьӧй кӧсйӧ, медым быдӧнлы, коді аддзӧ Писӧ да эскӧ Сылы, вичмис помтӧм олӧм. Медбӧръя лунӧ Ме ловзьӧда найӧс».

Иоан 6:47

Веськыда, веськыда висьтала тіянлы: Меным эскысьлӧн эм помтӧм олӧм.

Ап. уджъяс 15:11

Но ми эскам, мый Господь Исус Кристослӧн буралӧмсянь ми мездмам на моз».

Ап. уджъяс 16:15

да сійӧ став гортсаыскӧд пыртчис. Сэсся шуис миянлы: «Ті кӧ лыддянныд менӧ Господьлы эскысьӧн, пырӧй менам керкаӧ да олӧй ме ордын». Сійӧ корӧмӧн корис миянӧс ас дорас.

Ап. уджъяс 16:32

Вокъяс висьталісны сылы да сылӧн гортсаыслы Господьлысь кывсӧ.

Ап. уджъяс 18:8

Крисп нима морт, синагогаса юралысь, став гортсаыскӧд эскис Господьлы. Нӧшта унаӧн на Коринфын Павелӧс кывзӧм бӧрын тшӧтш эскисны да пыртчисны.

Ап. уджъяс 4:12

да абу сетӧма йӧзлы енэж улас мӧд нимсӧ, код пыр миянлы позьӧ мездмыны».

Ап. уджъяс 8:36

Сэккості найӧ воисны вадорӧ, евнук шуис: «Со ваыс. Мый менӧ кутӧ пыртчӧмысь?»

Римӧ 11:16

Медводдза пӧжасыс кӧ вежа, сідзкӧ, кӧтасыс ставнас вежа. Пулӧн вужйыс кӧ вежа, вожъясыс тшӧтш вежаӧсь.

Галатӧ 3:14

Тадзи лои, медым Ӧвраамлы кӧсйысьӧм бурсиӧмыс вуджис быд войтырлы Исус Кристос пыр, да медым кӧсйысьӧм Ловсӧ ми сибӧдім эскӧмӧн.

Галатӧ 3:22

Гижӧдыс йӧртіс ставнысӧ мыж улас. Та вӧсна кӧсйысьӧмасӧ эскысьяс вермасны босьтны Исус Кристослы эскӧм пыр.

Галатӧ 3:26

Исус Кристослы эскӧм пыр ті ставныд – Енлӧн ныв-пи.