Ап. уджъяс 14:19 - Коми Библия 2023

¹⁹ Антиокияысь да Иконияысь локтісны сэтчӧ кодсюрӧ иудейяс. Кор апостолъяс повтӧг бурвисьтавлісны, иудейяс эскӧдісны йӧзсӧ, мед найӧ ылыстчасны апостолъясысь. Иудейяс шуисны: «Налӧн висьталӧмныс абу збыль, найӧ сӧмын пӧръясьӧны». Тадзи найӧ кыпӧдісны йӧзсӧ апостолъяслы паныд, йӧзыс изъялісны Павелӧс да кыскисны кар саяс, чайтісны, мый кулӧма нин.

Ап. уджъяс 14:19 ပူးပေါင်းရင်းမြစ်များ

Еремей 22:19

Сійӧс гуаласны осёлӧс моз. Сылысь шойсӧ кыскасны да шыбитасны ерусалимса дзиръя сайӧ.

Ап. уджъяс 13:14

А найӧ Пергиясянь мунісны писидияса Антиокия карӧ. Шойччан лунӧ найӧ пырисны синагогаӧ да пуксисны.

Ап. уджъяс 13:45

Кор иудейяс аддзисны уна йӧзӧс, тырисны лӧглунӧн. Найӧ пондісны паныд шуасьны да омӧльтны Павеллысь велӧдӧмсӧ.

Ап. уджъяс 14:1

Иконияын Павел да Варнава мунісны синагогаӧ да висьталісны сэні Енлысь кывсӧ. Иудейяс да грекъяс пиысь сэки унаӧн эскисны.

Ап. уджъяс 14:18

Тадзи висьталӧмнас найӧ ӧдва ӧлӧдісны йӧзсӧ налы вись вайӧмысь да мӧдӧдісны гортаныс. Павел да Варнава кольччисны Листраӧ да велӧдісны сэні йӧзсӧ.

Ап. уджъяс 14:2

Иудейяс, кодъяс эз эскыны, паныд кыпӧдісны ентӧдтӧмъясӧс, кӧдзисны налы сьӧлӧманыс вокъяс вылӧ скӧралӧм.

Ап. уджъяс 14:21

Дервияын Павел да Варнава висьтавлісны Евангелльӧ став карыслы, бура уна велӧдчысь сэні лои. Сэсся бӧрсӧ локтісны Листра, Икония да Антиокия пыр.

Ап. уджъяс 14:26

Сэсянь кывтісны Антиокияӧ, ӧд буретш тані найӧс вӧлі сетӧма Енлӧн буралан киӧ, мед вӧчны Енлысь уджсӧ, кодӧс помӧдз вайӧдісны.

Ап. уджъяс 14:4

Йӧзыс карас юксисны кык пельӧ: ӧтияс вӧліны иудейяс дор, мӧдъяс – апостолъяс дор.

Ап. уджъяс 14:5

Ентӧдтӧмъяс да иудейяс асланыс юралысьяскӧд шуисны уськӧдчыны Павел да Варнава вылӧ, медым янӧдны да изъявны найӧс.

Ап. уджъяс 15:26

Павел да Варнава вокъяс дасьӧсь олӧмнысӧ сетны миян Господь Исус Кристос вӧсна.

Ап. уджъяс 17:13

Кор Фессалоникаын иудейяс кылісны, мый Павел Верияын висьтавлӧ Енлысь кывсӧ, локтісны сэтчӧ да пондісны шызьӧдны сэтчӧс йӧзсӧ.

Ап. уджъяс 22:20

Кор Тэ йылысь висьталысь Степанӧс виисны, ме вӧлі сэні, видзи виысьяслысь паськӧмсӧ да лыдди виӧмсӧ бурторйӧн”.

Ап. уджъяс 7:58

Сэсся петкӧдісны сійӧс кар сайӧ да пондісны изъявны. Изъялысьяс пукталісны вылыс паськӧмнысӧ Савл нима том мортлӧн кок дорӧ.

Ап. уджъяс 9:16

Ме петкӧдла сылы, мыйта сьӧкыд ковмас нуны сылы Менам ним вӧсна».

1 Коринфӧ 15:31

Вокъяс, ме быд лун куланвыйын – тайӧ збыль, кыдзи збыль и сійӧ, мый ме ошйыся тіянӧн Исус Кристос Господьным водзын.

2 Коринфӧ 11:23

Кристослӧн кесъялысьяс? Гашкӧ, менӧ лыддянныд дзик йӧйӧн, но висьтала тіянлы: ме кесъялі Кристослы наысь ёнджыка на. Уджалі ныр вылӧ усьтӧдз, менӧ ёна нӧйтлісны, на дорысь унджыкысь вӧлі дзескыдінын, унаысь куланвыйын.

2 Коринфӧ 11:25

римсаяс куимысь кучкавлісны беддьӧн, ӧтчыдысь изъялісны. Куимысь веськавлі корабль вӧйигӧн, лун да вой вӧлі саридзын.

2 Коринфӧ 11:26

Ме пыр туйын. Менӧ унаысь сулісны виччысьтӧмторъяс каръясын, овтӧминын, юяс да саридз вылын. Меным унаысь ковмис видзчысьны лёк вӧчысьясысь, ас йӧзысь, мукӧд войтырысь да ылӧгвокъясысь.

1 Фессалоникаӧ 2:14

Вокъяс, мый вӧлі Иудеяын Исус Кристослы эскысь вичкояскӧд, тайӧ лои тшӧтш тіянкӧд. Сэні Ен вичкояс уна сьӧкыд нуисны иудейяссянь, а ті – ас войтырсянь.

2 Тимофейлы 3:11

кор менӧ вӧтлісны да суисны сьӧкыдлунъяс Антиокияын, Иконияын да Листраын. Ме муні сэки ыджыд вӧтлӧмъяс пыр, и Господь ставсьыс менӧ мездіс.