Ап. уджъяс 13:27 - Коми Библия 2023

²⁷ Ерусалимын олысьяс да налӧн юралысьяс эз тӧдны, мый Исус эм Мездысь. Кор Сійӧс мыждісны, иніс пророкъяслӧн шуӧмыс, мый лыддьӧны быд шойччан лунӧ.

Ап. уджъяс 13:27 ပူးပေါင်းရင်းမြစ်များ

Олӧм 50:20

Ті мӧвпалінныд лёк вӧчны меным, но Енмыс тайӧс бергӧдіс бур вылӧ, медым видзны уна йӧзлысь олӧмсӧ.

Матвей 22:29

Исус вочавидзис: «Гижӧдъяссӧ да Енлысь вынсӧ ті онӧ тӧдӧй, та вӧсна ылалӧмныд.

Лука 22:34

Исус вочавидзис: «Петыр, тэныд шуа: талун петук чукӧсттӧдз на тэ куимысь соссян, мый тӧдан Менӧ».

Лука 23:13

Пилат чукӧртіс аркирейясӧс, юралысьясӧс да войтырсӧ,

Лука 24:20

Аркирейясным юралысьяскӧд мыждісны сійӧс да сетісны тувъявны крестӧ.

Иоан 15:21

Ставсӧ тайӧс найӧ вӧчасны Менам ним вӧсна, ӧд найӧ оз тӧдны Менӧ Мӧдӧдысьӧс.

Иоан 16:3

Найӧ вӧчасны тадзи, ӧд Батьӧс да Менӧ найӧ оз тӧдны.

Иоан 5:39

Ті тӧдмаланныд-туяланныд Гижӧдъяссӧ, медым тіянлы вичмис помтӧм олӧм, а Гижӧдъясыс висьталӧны Ме йылысь.

Иоан 8:28

Исус шуис налы: «Морт Пиӧс кыпӧдӧм бӧрын ті тӧдмаланныд, мый Ме збыльысь Сійӧ, кодӧн шуа Ачымӧс. Ме нинӧм ог вӧч Ассянь, Ме висьтала сӧмын сійӧ, мыйӧ велӧдіс Менӧ Батьӧй.

Ап. уджъяс 15:21

Мӧисейлысь Индӧдсӧ ӧд важысянь висьталӧны быд карын да быд шойччан лунӧ лыддьӧны синагогаын».

Ап. уджъяс 28:23

Урчитӧм лунӧ локтіс Павел ордӧ зэв уна йӧз. Павел асывсяньыс рытӧдзыс висьтавліс налы Енлӧн Юралӧм йылысь. Мӧисей Индӧд да пророк гижӧдъяс вылӧ мыджсьӧмӧн эскӧдіс найӧс Исус йылысь.

Ап. уджъяс 3:17

Вокъяс, ме тӧда, ті асланыд юралысьяс моз вӧчинныд тайӧс гӧгӧрвотӧг.

Римӧ 11:25

Вокъяс, мед ті энӧ мӧвпалӧй ас мывкыдсяньныд, висьтала тіянлы тайӧ гусяторсӧ – Израиль войтырӧс суис чорзьӧдчӧм, но эз ставнысӧ. Чорзьӧдчӧмыс кыссяс сэтчӧдз, кытчӧдз мукӧд войтыръясысь оз мездмы индӧм лыдыс.

1 Коринфӧ 2:8

Тайӧ муюгыдас юралысьяс пӧвстысь некод эз тӧд Енлысь мывкыдлунсӧ. Тӧдісны кӧ, найӧ эськӧ эз тувъявны дзирдлуна Господьӧс.

2 Коринфӧ 3:14

Налӧн пемдӧма вежӧрныс. Важ Йитӧд йылысь Гижӧдсӧ лыддигӧн на вылын ӧнӧдз куйлӧ тайӧ вевттьӧдыс, ӧд сійӧс вештӧ сӧмын Кристос.

2 Коринфӧ 4:4

Найӧ оз эскыны, ӧд тайӧ муюгыдас ыджыдалысь омӧльыс пемдӧдӧма налысь вежӧрсӧ, мед найӧ эз аддзыны Бур Юӧрлысь югыдсӧ, коді восьтӧ Кристослысь дзирдлунсӧ, а Кристос эм Енлӧн пертасыс.

1 Тимофейлы 1:13

Водзынсӧ ме омӧльті Кристосӧс, вӧтлі-дзескӧді Сылы эскысьясӧс да лёк вӧчи налы. Но Кристос вӧлі бур сьӧлӧма ме дінӧ, ӧд тадзисӧ ме вӧчи гӧгӧрвотӧмла да эскытӧмла.