Ап. уджъяс 13:20 - Коми Библия 2023

²⁰ Ставыс тайӧ кыссис матӧ нёльсё ветымын во. Та бӧрти сетіс налы ёрдысьясӧс Самуил пророклӧн олан кадӧдз.

Ап. уджъяс 13:20 ပူးပေါင်းရင်းမြစ်များ

Ӧксыяслӧн 2 небӧг 7:11

кыдзи вӧлі сэки, кор Ме пукті ёрдысьясӧс веськӧдлыны Аслам Израиль войтырӧн. Ме сета тэныд лӧнь олӧм, мезда тэнӧ став вӧрӧгсьыд. Ме, Господь, кӧсйыся тэныд, мый зумыдмӧда тэнсьыд рӧдтӧ.

Ӧксыяслӧн 4 небӧг 23:22

Израильын тадзисӧ эз на пасйывны Ыджыд лунсӧ ёрдысьяслӧн веськӧдлан кад бӧрти, кор Иудаын да Израильын юралісны ӧксыяс.

1 Каднебӧг 17:6

Израиль войтыркӧд ветлігъясӧ Ме эг тшӧктывлы израильса веськӧдлысьяслы – Менсьым войтырӧс видзысьяслы – лэптыны Меным сус пуысь керка.

Ап. уджъяс 3:24

Самуил да сы бӧрти став мукӧд пророкыс тшӧтш водзвыв висьтавлісны тайӧ лунъясыс йылысь.

Ёрдысьяс 2:16

Господь сувтӧдліс Израиль войтырлы ёрдысьясӧс, кодъяс мездылісны найӧс мырддялысьяслӧн киысь.

Ёрдысьяс 3:10

Господьлӧн Лолыс вӧлі Отниэл вылын. Сійӧ вӧлі ёрдысь и Израиль войтырӧн веськӧдлысь. Отниэл петіс тышӧ, и Господь сетіс сылӧн киӧ Месопотамияысь Кушан-Ришатаим ӧксыӧс. Тадзи Кушан-Ришатаим шедіс Отниэллӧн кипод улӧ.

Руфа 1:1

Израиль муын ёрдысьяслӧн веськӧдлан кадӧ вӧлі тшыгъялӧм. Иуда муысь ӧти морт эновтіс Виплием кар да овмӧдчис Моав муӧ. Сыкӧд тшӧтш мунісны гӧтырыс да кыкнан пиыс.

Ӧксыяслӧн 1 небӧг 12:11

Сэки Господь мӧдӧдіс Ероваалӧс, Варакӧс, Еффайӧс, Самуилӧс да мездіс тіянӧс став вӧрӧгысь, и ті олінныд повтӧг.

Ӧксыяслӧн 1 небӧг 3:20

Тадзи войвыв Дансянь лунвыв Бер-Шеваӧдз став Израиль тӧдмаліс, мый Самуилӧс Господь пуктӧма пророкӧ.