Ап. уджъяс 12:19 - Коми Библия 2023

¹⁹ Ирӧд корсис Петырӧс, но ставыс вӧлі весьшӧрӧ. Видзысьясӧс юасьӧм бӧрын сійӧ тшӧктіс вины найӧс. Сэсся Ирӧд муніс Иудеяысь Кесарияӧ да кольччис сэтчӧ.

Ап. уджъяс 12:19 ပူးပေါင်းရင်းမြစ်များ

Ӧксыяслӧн 3 небӧг 20:43

Скӧрмӧмӧн да шогӧ усьӧмӧн израильса ӧксы муніс гортас Самарияӧ.

Эсфир 6:12

Та бӧрын Мардокей бӧр локтіс ӧксы керкаӧ, а Аман шогсьӧмысла юрсӧ тупкӧмӧн тэрмасьӧмӧн муніс гортас.

Еремей 36:26

Ӧксы тшӧктіс аслас рӧдысь Ерахмеэллы, Азриэллӧн Серай пилы да Авдиэллӧн Шелемей пилы босьтны Барук гижалысьӧс да Еремей пророкӧс, но Господь дзебис найӧс.

Матвей 2:1

Исус чужис Иудея муын, Виплием карын, Ирӧд ӧксы веськӧдлан кадӧ. Исуслӧн чужӧм мысти асыввылысь Ерусалим карӧ воисны кодзув тӧдысьяс.

Матвей 2:13

Тӧдысьяслӧн мунӧм бӧрын Господьлӧн андел петкӧдчис Ӧсиплы вӧтас да шуис: «Чеччы, босьт кагатӧ мамыскӧд да пышйы Египет муӧ. Ов сэні менам шутӧдз. Ирӧд кутас корсьны кагатӧ, мед вины Сійӧс».

Матвей 2:16

Ирӧд кор тӧдмаліс, мый тӧдысьяс ылӧдлісны сійӧс, ёна скӧрмис. Сійӧ мӧдӧдіс шыпуртаясӧс, медым виавны Виплием карысь да сы гӧгӧрысь кык арӧса да ичӧтджык пи кагаясӧс, кодъяс чужисны сійӧ кадӧ, мый йылысь тӧдысьяс юӧртісны Ирӧдлы.

Ап. уджъяс 12:18

Асывнас Петырлӧн вошӧмысь шыпуртаяс ёна шызисны.

Ап. уджъяс 12:4

Петырӧс босьтісны да йӧртісны дзескыдінӧ. Шыпуртаяслы тшӧктісны видзны сійӧс нёльӧн-нёльӧн да нёльысь вежласьӧмӧн. Ирӧд шуис Ыджыд лун бӧрын петкӧдны сійӧс йӧз водзӧ.

Ап. уджъяс 12:6

Петкӧдан лунлы паныда войӧ Петыр узис кык шыпурта костын. Сійӧс вӧлі дорӧма кык чептӧн, а дзескыдін ӧдзӧс дорын сулалісны видзысьяс.

Ап. уджъяс 16:27

Пуксьӧдӧмаясӧс видзысьыс садьмис да аддзис, мый ӧдзӧсъяс восьсаӧсь. Сэки перйис шыпуртсӧ да кӧсйис вины асьсӧ, чайтіс, мый пышйӧмаӧсь ставныс.

Ап. уджъяс 21:8

Аскинас ми, Павелкӧд ветлысьяс, мунім сыкӧд Кесарияӧ. Сэні пырим буръюӧртысь Филип ордӧ да кольччим сэтчӧ. Филипӧс вӧлі бӧрйӧма Ерусалимын сизим отсасьысь лыдӧ.

Ап. уджъяс 25:13

Кымынкӧ лун мысти локтісны Кесарияӧ Агриппа ӧксы да Вереника, мед чолӧмавны Фестӧс.

Ап. уджъяс 27:42

Тышкайӧз кӧсйисны нин вины пукалысьясӧс, медым вартчиганыс некод эз пышйы.

Ап. уджъяс 8:40

Бӧрынджык Филипӧс аддзисны Азот карысь. Кесарияӧ мунігӧн сійӧ быд карын висьтавліс Бур Юӧр.

Ӧксыяслӧн 1 небӧг 23:14

Давид дзебсясис овтӧминын, сэсся муніс Зиф овтӧминса керӧсӧ. Саул быд лун корсис Давидӧс, но Енмыс эз сет сійӧс Саул киӧ.