2 Петыр 2:15 - Коми Библия 2023

¹⁵ Найӧ кежисны веськыд туйсьыс да ылалісны. Найӧ мунӧны Восорлӧн Валаам пиыс кок туйӧд, кодлы лёкногӧн шедӧдны озырлунсӧ вӧлі сьӧлӧм сертиыс.

2 Петыр 2:15 ပူးပေါင်းရင်းမြစ်များ

Ӧксыяслӧн 3 небӧг 18:18

Илля вочавидзис: «Ог ме вай шогсӧ Израильлы, а тэ да тэнад батьыдлӧн рӧдыс. Ті эновтінныд Господьлысь тшӧктӧмъяссӧ да кутінныд юрбитны Ваал идолъяслы.

Ӧксыяслӧн 3 небӧг 19:10

Илля вочавидзис: «Господьӧй, Тэ – Ен Саваоф. Ме век кесъялі тэныд став сьӧлӧмсянь. Израиль войтыр ӧтдортіс Тэнсьыд йитӧдтӧ, мый Тэ кӧрталін накӧд. Найӧ жуглісны Тэнсьыд висьпуктанінъястӧ, виалісны шыпуртӧн пророкъястӧ, ӧтнам ме ловйӧн коли. Ӧні корсьӧны вины тшӧтш менӧ».

Неемий 13:2

Ӧд тайӧ войтыръясыс эз вочаавны Израиль войтырӧс ваӧн да няньӧн, а мӧдарӧ, медалісны Валаамӧс, мед ёрны найӧс. Но миян Енным бергӧдіс ёрӧмсӧ бурсиӧмӧ.

Шусьӧгъяс 28:4

Енлысь Индӧдсӧ вунӧдысь лёк вӧчысьясӧс ошкӧ, а Индӧд серти олысь лёк вӧчысьяслы паныд сувтӧ.

Езекиль 9:10

Та вӧсна Ме ог жалит найӧс, ог бурсьӧлӧмтчы на дінӧ. Ме мынтыся налы олан туйныс серти».

Осий 14:8

Израиль войтыр бара овмӧдчас олив пуяслӧн вуджӧр улӧ, найӧ пондасны быдтыны нянь, кутасны дзоридзавны виноград моз, нимавны ливанса вина моз.

Микей 6:5

Войтырӧй, эн вунӧд, мый мӧвпыштіс вӧчны моавса Валак ӧксы, мый сылы вочавидзис Веорлӧн Валаам пиыс, мый вӧлі тіянкӧд Ситтимсянь Галгалӧдз. Ставсӧ тайӧс уськӧд тӧд вылад, медым тӧдін Господьлысь веськыдлунсӧ.

Лыд 22:23

Осёл аддзис, мый туй вылын сулалӧ Господьлӧн анделыс перйӧм шыпуртӧн, да вешйис видз-му вылӧ. Валаам кутіс кучкавны осёлсӧ, медым бӧр бергӧдны сійӧс туй вылӧ.

Лыд 22:28

Сэки Господь сетіс осёллы сёрнитны морт моз. Осёл шыасис Валаам дінӧ: «Мый ме тэныд вӧчи? Тэ коймӧдысь нин менӧ кучкалан».

Лыд 22:32

Господьлӧн андел юаліс сылысь: «Мыйла тэ куимысьсӧ нӧйтін осёлтӧ? Ме локті сувтӧдны тэнӧ, ӧд тэнад туйыд абу шогмана Меным.

Лыд 31:16

Валаамлӧн туйдӧдӧм серти найӧ кежӧдісны Израиль пиянӧс Господьысь, бергӧдісны найӧс юрбитны Пеорлы. Та вӧсна Господьлысь войтырсӧ суис бырӧдӧм.

Матвей 26:9

Тайӧ выйсӧ эськӧ позис ыджыд донысь вузавны, а сьӧмсӧ гӧльяслы сетны».

Ап. уджъяс 1:18

Лёк уджсьыс босьтӧм сьӧм вылас сійӧ ньӧбис му. Сэні лёкногӧн усис, кынӧмыс потіс, весиг гырк пытшкӧсыс ортсӧ петіс.

Ап. уджъяс 13:10

«Тэ, омӧльыслӧн пи, веськыдлуныслы паныд сувтысь, тырӧмыд быдпӧлӧс лёкнас да пӧръясьӧмнас. Чайтан, и водзӧ верман пӧръясьӧмнад чукльӧдлыны Господьлысь веськыд туйсӧ?

2 Петыр 2:13

Налы лоӧ мынтысьӧма лёк вӧчӧмсьыныс. Найӧ яндысьтӧмӧсь да пежӧсь, радейтӧны гажӧдчыны лунъюгыднас, пукалӧны тіянкӧд ӧти пызан сайын, но пӧръясьӧны.

Иуда 1:11

Курыд шог налы! Найӧ мунӧны Каин туйӧд, горшасьӧны сьӧм вылӧ, Валаам моз ылалӧмаӧсь. Корей моз найӧ паныд кыпӧдчӧны, та вӧсна Корейӧс моз найӧс лоӧ бырӧдӧма.

Восьтӧм 2:14

Но Менам эм мыйсюрӧ тэныд паныд: тіян пӧвстын эмӧсь найӧ, кодъяс кутчысьӧны Валаамлӧн велӧдӧмӧ. Сійӧ велӧдіс Валакӧс кежӧдны Израиль войтырӧс ылӧгас, медым найӧ сёйисны идоллы вайӧм сёян да кырсалісны.

Ӧксыяслӧн 1 небӧг 12:23

Ме ог лэдз ачымӧс мыж вӧчны Господьлы паныд – ог дугды кевмысьны тіян вӧсна. Ме веськӧда тіянӧс бур да веськыд туй вылӧ.