2 Петыр 2:14 - Коми Библия 2023

¹⁴ Налӧн синныс пыр ӧзъялӧ нывбабаяс вылӧ, найӧ оз пӧтлыны мыжсӧ вӧчӧмсьыс, ылӧдлӧны жеб эскысьясӧс. Сьӧлӧмныс налӧн тырӧма горшлунӧн, найӧ ёрӧмыслӧн пиян.

2 Петыр 2:14 ပူးပေါင်းရင်းမြစ်များ

Иов 31:7

Менам воськовъясӧй кӧ кежисны веськыд туйысь, сьӧлӧмӧй кӧ син бӧрся вӧтчис, ки пыдӧсӧ кӧ пежыс ляксис,

Иов 31:9

Менам сьӧлӧмӧй кӧ ыштыліс ань вылӧ, ме кӧ кыйӧдлі матыссалысь гӧтырсӧ сылӧн ӧдзӧс дорас,

Шусьӧгъяс 5:6

Сійӧ оз кӧсйы тӧдны олан туйсӧ, оз тӧд, кытчӧ вайӧдас сылӧн туйыс.

Шусьӧгъяс 6:25

Сьӧлӧмад эн ышты сылӧн мичлуныс вылӧ, [синмыд мед оз корсь сійӧс,] син лапйӧдлӧмнас мед оз тывйышт тэнӧ.

Исай 1:16

Сӧстӧммӧдчӧй, весалӧй асьнытӧ, медым водзӧ Ме эг нин аддзы тіянлысь лёк уджъяснытӧ. Дугдӧй вӧчны лёксӧ,

Исай 34:5

– Енэжысь коланасӧ бырӧдӧм бӧрын Менам шыпуртӧй усяс Эдом вылӧ, медым дзикӧдз бырӧдны войтырӧс, кодӧс Ме мыжді.

Исай 65:20

Сэні оз кув пузчужӧм кага, пӧрысь морт кутас тырвыйӧ овны ассьыс олан лунъяссӧ. Коді кулас сё арӧсаӧн, сійӧс лыддясны том кулысьӧн, а коді оз ов сё арӧсӧдз, сійӧс шуасны ёрӧмаӧн.

Еремей 13:23

– Вермас-ӧ эфиопияса морт вежны аслас кучиклысь рӧмсӧ, леопард – ассьыс чутъяссӧ? Ті, кодъяс велалінныд вӧчны лёксӧ, верманныд-ӧ вӧчны бурсӧ?

Езекиль 13:18

мый Господь Ыджыдыс тадзи висьталӧ: курыд шог тіянлы, аньяс, кодъяс вуранныд килутш кӧртӧдъяс, вӧчанныд ыджыд да ичӧт чышъянъяс, медым йӧзӧс ылӧгас тывйыштны. Менсьым войтырӧс тывйыштанныд, но олӧмнытӧ видзны онӧ вермӧй.

Матвей 12:34

Вижля йылӧм! Верманныд-ӧ бурсӧ висьтавны, асьныд кӧ лёкӧсь? Ӧд мыйӧн тырӧма мортыслӧн сьӧлӧмыс, сійӧ вомсьыс и петӧ.

Матвей 23:14

Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті дӧваяслысь керкасӧ куштанныд да асьнытӧ петкӧдлӧм могысь дыр кевмысянныд. Таысь тіянӧс чорыда мыждасны.

Матвей 25:41

Сэсся шуйгаладорын сулалысьяслы Сійӧ шуас: ”Вешйӧй Ме дінысь, ёрӧмаяс. Мунӧй омӧльыслы да сылӧн анделъяслы дасьтӧм куслытӧм биӧ.

Матвей 5:28

Ме шуа тіянлы: ань вылӧ ыштӧмӧн видзӧдысь сьӧлӧмас гозъякост олӧм пежаліс нин.

Марк 13:22

Ӧд ылӧгкристосъяс да ылӧгпророкъяс локтасны да пондасны вӧчны шензьӧданаторъяс, медым ылӧдны, позяс кӧ, весиг бӧрйӧмаясӧс.

Иоан 5:44

Ті сибӧданныд ошкӧмсӧ ӧта-мӧдсяньныд, но ӧти Енсянь петысь ошкӧмсӧ онӧ корсьӧй. Сідзкӧ, кыдзи ті верманныд эскыны!

Римӧ 16:18

Татшӧм йӧзыс кесъялӧны оз Исус Кристос Господьнымлы, но асланыс рушкулы. Мича сёрнинас найӧ кокньыда ылӧдлӧны восьса сьӧлӧмаясӧс.

1 Коринфӧ 11:19

Дерт, колӧ, медым ті мӧвпалӧмнад торъялінныд, татшӧм ногӧн воссьӧ, коді тіян пиысь шогмана Енмыслы.

Ефесӧ 2:3

Коркӧ ми ставным вӧлім на кодьӧсь: олім шогмытӧма, вир-яйлӧн кӧсйӧм серти. Татшӧм оласногысь миянӧс мукӧдсӧ моз виччысис Енлӧн скӧрлуныс.

Ефесӧ 4:14

Сідзкӧ, миянлы оз нин ков ылавны кагаяс моз быдпӧлӧс тӧвйыв велӧдӧмӧ. Ӧд татшӧм велӧдӧмыс петӧ наян да ылӧдчысь йӧзсянь.

Колосӧ 2:18

Некод мед оз ылӧд тіянӧс аслас рамлунӧн, анделъяслы юрбитӧмӧн да ылӧг аддзылӧмъяснас ошйысьӧмӧн. Морт вежӧрнаныс мӧвпалігӧн найӧ вылӧ пуктӧны асьнысӧ.

2 Петыр 2:18

Тшап да ковтӧм сёрнинаныс найӧ ӧзтӧны вир-яйлысь лёкколӧмсӧ да зільӧны кыскыны лэдзчысьӧм оласногӧ найӧс, кодъяс муртса на мынӧмаӧсь ылалӧм йӧзысь.

2 Петыр 2:3

Медым курыштны мыйкӧ аслыныс, найӧ тывйыштасны тіянӧс мудер сёрнинаныс. Но налы мыждӧмыс важӧн нин дась, найӧс бырӧдӧмыс матын нин.

2 Петыр 3:16

Татшӧмторъяссӧ сійӧ висьталӧ быд гижӧдын. Мыйсюрӧ сэтысь сьӧкыд гӧгӧрвонысӧ. Та вӧсна ичӧт мывкыда йӧз да жеб эскысьяс мукӧд Гижӧдсӧ моз мӧдарӧ бергӧдӧны сылысь гижӧдъяссӧ. Тадзи кӧлалӧны ас выланыс бырӧдӧмсӧ.

1 Иоан 2:16

Ӧд тайӧ муюгыдас ыджыдалӧ вир-яйлӧн кӧсйӧм, синмыдлы колӧм да ыкшаасьӧм. Тайӧ абу Батьсянь, ставыс тайӧ муюгыдыслӧн.

Иуда 1:11

Курыд шог налы! Найӧ мунӧны Каин туйӧд, горшасьӧны сьӧм вылӧ, Валаам моз ылалӧмаӧсь. Корей моз найӧ паныд кыпӧдчӧны, та вӧсна Корейӧс моз найӧс лоӧ бырӧдӧма.

Восьтӧм 12:9

Ыджыд гундырӧс, важ змейӧс, вӧлі шыбитӧма му вылӧ. Сылӧн нимыс – омӧль да сӧтана, сійӧ – муюгыдысь став йӧзсӧ ылӧдлысь. Сыкӧд тшӧтш вӧлі шыбитӧма му вылас сылысь анделъяссӧ.