2 Коринфӧ 8:20 - Коми Библия 2023

²⁰ Ми огӧ кӧсйӧй, медым тайӧ уна сетӧмторсӧ чукӧртігӧн кодкӧ шуасис миян вылӧ.

2 Коринфӧ 8:20 ပူးပေါင်းရင်းမြစ်များ

Ӧксыяслӧн 4 небӧг 12:15

Крам дзоньталӧм вӧсна кывкутысьяс вӧчисны ассьыныс уджнысӧ пӧръясьтӧг, та вӧсна налысь эз корлыны сьӧм видзӧм йылысь пасйӧдъяс.

Матвей 10:16

Ме мӧдӧда тіянӧс ыжъясӧс моз кӧинъяс пӧвстӧ. Лоӧй змей кодь сюсьӧсь да гулю кодь рамӧсь.

Римӧ 14:16

Энӧ лэдзӧй серамвыв лэптыны сійӧ, мый ті лыддянныд бурӧн.

1 Коринфӧ 16:3

Бӧрйӧй ас пӧвстсьыныд некымын мортӧс. Кор воа тіянӧ, сета налы эскӧдан гижӧд да мӧдӧда найӧс Ерусалимӧ, медым нуасны сэтчӧ чукӧртӧм сьӧмнытӧ.

2 Коринфӧ 11:12

Ме ог сет некутшӧм помка налы, кодъяс ошйысьӧны, мый найӧ кесъялӧны Енмыслы миян моз.

2 Коринфӧ 8:19

Вичкояс бӧрйисны тайӧ воксӧ ветлыны миянкӧд, медым чукӧртны сетӧмтор. Тайӧ уджсӧ ми вӧчам Господьӧс ошкӧм могысь. Тайӧн петкӧдлам, мый ми дасьӧсь тіян моз тшӧтш отсасьны.

2 Коринфӧ 8:21

Ми ставсӧ зілям вӧчны веськыда огӧ сӧмын Господь водзын, тшӧтш йӧзыс водзын.

Ефесӧ 5:15

Сідзкӧ, сюся видзӧдӧй ас бӧрсяныд: олӧй мывкыдаяс моз, а энӧ вежӧртӧмъяс моз.

1 Фессалоникаӧ 5:22

Ылыстчӧй быдпӧлӧс лёксьыс.