2 Коринфӧ 7:4 - Коми Библия 2023

⁴ Ме ёна эска тіянлы да ошйыся тіянӧн. Шогъяс вылӧ видзӧдтӧг ме ёна нимкодяся, ӧд ті ёна бурӧданныд менӧ.

2 Коринфӧ 7:4 ပူးပေါင်းရင်းမြစ်များ

Ап. уджъяс 5:41

Веськӧдлан котыр дінысь апостолъяс мунісны долыдпырысь, ӧд Господь Исуслӧн ним вӧсна найӧ шогмисны увтыртӧм туйӧ.

Римӧ 5:3

Сьӧкыдсӧ нуигӧн тшӧтш нимкодясям, ӧд тӧдам: сьӧкыдсӧ нуӧмыс чужтӧ зумыдлун,

1 Коринфӧ 1:4

Быд кадӧ аттьӧала ассьым Енмӧс тіянысь, ӧд Сійӧ сетӧма тіянлы буралӧмсӧ Исус Кристос пытшкын.

2 Коринфӧ 1:14

Дерт, ті мыйтакӧ ӧні гӧгӧрвоанныд нин миянӧс. Сідзкӧ, миян Господь Исус Кристослӧн лунӧ ми вермам ӧтмоза ошйысьны ӧта-мӧдӧн.

2 Коринфӧ 1:4

Сійӧ бурӧдӧ миянӧс быд шог дырйи, медым ми тшӧтш вермим бурӧдны шогӧ усьӧмаясӧс Енсянь бурӧдӧмӧн.

2 Коринфӧ 10:8

Меным абу яндзим, весиг кӧ ёнджыка на ошйыся. Ӧд ме ошйыся сыӧн, мый Господь пуктіс миянӧс ыджыдавны тіянӧс ёнмӧдӧм могысь, эз жугӧдӧм могысь.

2 Коринфӧ 11:21

Меным зэв яндзим, эгӧ лысьтӧй тадзи вӧчнысӧ да. Кодкӧ лысьтӧ кӧ ошйысьны мыйӧнкӧ, шуа мывкыдтӧм морт моз: ме тшӧтш ошйыся.

2 Коринфӧ 2:14

Ошкӧм Енлы! Кристос пыр Сійӧ быд кадӧ сетӧ миянлы вермӧм да миян пыр быдлаын паськӧдӧ Кристос йылысь чӧскыд дука тӧдӧмлунсӧ.

2 Коринфӧ 3:12

Та вылӧ лача кутӧмӧн ми сёрнитам повтӧг.

2 Коринфӧ 7:14

Ме ошйысьлі Тит водзын тіянӧн, да меным абу яндзим таысь. Ми ставсӧ висьтавлім тіянлы веськыда, и Тит водзын миян ошйысьӧмным тшӧтш вӧлі веськыд.

2 Коринфӧ 8:24

Сідзкӧ, петкӧдлӧй на дінӧ ассьыныд муслунтӧ, сэки быд вичко аддзас, мый ми ошйысям тіянӧн огӧ весьшӧрӧ.

Филипӧ 1:14

Менам дзескыдінын пукалӧмӧй ышӧдіс уна вокӧс. Найӧ ёнджыка на повтӧг кутісны висьтавлыны Енлысь кывсӧ.

Филипӧ 1:20

Лача кута, мый меным нинӧмысь лоӧ яндысьнысӧ, но воддза мозыс лоа повтӧмӧн да кута водзӧ вайны Кристослы ошкӧмсӧ аслам вир-яйын – олӧмӧн али кулӧмӧн.

Филипӧ 1:26

Сэки, тіян дінӧ выльысь локтігӧн, Исус Кристос пытшкын ті верманныд ёнджыка на ошйысьны меӧн.

Филипӧ 2:17

Весиг ковмас кӧ кисьтны ассьым вирӧс да вайны ачымӧс вись пыдди тіян эскӧмныд вӧсна, тіянкӧд ӧтвыв кута нимкодясьны.

Колосӧ 1:24

Ӧні ме нимкодяся тіян вӧсна сьӧкыдалігӧн. Кристослӧн вир-яйыс вӧсна, Сылӧн вичкоыс вӧсна, аслам вир-яйын сьӧкыдсӧ нуигӧн ме тырта Кристос шогъяслысь лыдсӧ.

1 Фессалоникаӧ 2:19

Миян Господь Исус Кристос локтігӧн ог ӧмӧй тіянӧн кутӧй ошйысьны Сы водзын? Абу-ӧ ті миян лачаыс, нимкодьлуныс да ошйысян юркытшыс?

1 Фессалоникаӧ 2:2

Ті тӧданныд, мый таысь водзджык Филип карын ми уна сьӧкыд нуим, миянӧс янӧдісны да нӧйтісны. Но та вылӧ видзӧдтӧг, Ен отсӧгӧн, восьсӧн да повтӧг висьтавлім тіянлы Сылысь Бур Юӧрсӧ.

2 Фессалоникаӧ 1:4

Та вӧсна ми ошйысям тіянӧн Ен вичкоясын, ӧд быдпӧлӧс сьӧкыдсӧ нуигӧн да тіянӧс вӧтлігӧн ті зумыда эсканныд.

Филимонлы 1:7

Вокӧй, тэнад муслуныд ёна долыдмӧдӧ да ышӧдӧ миянӧс, ӧд тэ лӧньӧдан вежа войтырлысь сьӧлӧмсӧ.

Яков 1:2

Вокъяс, долыда нимкодясьӧй, кор тіянлы ковмас нуны быдпӧлӧс сьӧкыдсӧ.