2 Коринфӧ 7:15 - Коми Библия 2023

¹⁵ Ӧні, тіянӧс казьтылігӧн, сылӧн сьӧлӧмас ёнджыка на содӧ тіян дінӧ муслуныс, ӧд ті ёна кывзысьӧмныд сылысь, полӧмӧн да пыдди пуктӧмӧн сибӧдӧмныд сійӧс.

2 Коринфӧ 7:15 ပူးပေါင်းရင်းမြစ်များ

Олӧм 43:30

Ӧсиплӧн сьӧлӧмас ыпнитіс муслун вокыс дінӧ. Йӧз водзас сійӧ муртса эз бӧрддзы, та вӧсна ӧдйӧ петіс мӧд жырйӧ да бӧрдіс сэні.

Ӧксыяслӧн 3 небӧг 3:26

Ловъя кага мамлӧн сьӧлӧмас ыпнитіс муслун пиыс дінӧ. Сійӧ шуис ӧксылы: «Ыджыдӧй, сет ловъя кагасӧ тайӧ аньыслы. Эн ви сійӧс!» А мӧд аньыс шуис: «Керыштӧй сійӧс. Мед оз ло меным ни тэныд».

Ездра 10:9

Куим лунӧн Иуда да Венямин чужанкотырысь став айуловыс чукӧртчис Ерусалимӧ. Тайӧ вӧлі ӧкмысӧд тӧлысьлӧн кызьӧд лунӧ. Йӧзыс полӧмнысла тіралӧмӧн пукалісны зэр улын Енлӧн крам водзын изэрд вылын.

Ездра 9:4

Ме дінӧ чукӧртчисны найӧ, кодъяс полісны локтӧмаяслӧн мыж вӧсна Израиль Енлӧн мыждӧмысь. Шогалӧмӧн ме пукалі рытъя вись ваян кадӧдз.

Иов 21:6

Кор ме мӧвпала мекӧд лоӧмтор йылысь, менӧ дзӧрӧм босьтӧ, став вир-яйӧй тіралӧ.

Псалтыр 2:11

Кесъялӧй Господьлы полӧмпырысь, [Сы водзын] нимкодясьӧй вежавидзӧмӧн.

Сьылан 5:4

Менам мусукӧй ӧдзӧс розьӧдыс кисӧ нюжӧдіс, и менам пытшкӧсӧй пондіс пессьыны.

Исай 66:2

Ставсӧ тайӧс вӧчӧма Менам киӧн, ставыс тадзи лои, – висьталӧ Господь. – Но Ме видзӧдла коньӧр да рам морт вылӧ, коді вежавидзӧ Менам кывйысь.

Осий 13:1

– Ефремлӧн сёрнитігӧн йӧзыс тіралісны. Израиль чужанкотыръяс пӧвстын сійӧ вӧлі медтӧдчана, но Ваал вӧсна сійӧ мыжмис да куліс.

Иоан 16:21

Кага вайысь ань сьӧкыдалӧ, кор воӧ кад чужтыны. Но чужтӧм бӧрас сылӧн сьӧкыдалӧмыс вунӧ нимкодьысла, ӧд муюгыдас морт чужис.

Ап. уджъяс 16:29

Видзысь корис би, котӧрӧн пырис Павел да Сила дінӧ да тіралӧмӧн уськӧдчис на водзӧ.

1 Коринфӧ 2:3

Тіян дінӧ ме локті жебӧн да полысьӧн, сьӧлӧмӧй ёна тіраліс.

2 Коринфӧ 2:9

Сійӧ гижӧдсӧ ме гижлі тіянлы, медым тӧдмавны, быдторйын-ӧ ті кывзысянныд.

2 Коринфӧ 6:12

Ми восьтім тіянлы сьӧлӧмнымӧс, но тіян сьӧлӧмныд тупкыса миянлы.

Ефесӧ 6:5

Кесйӧгъяс, кывзысьӧй асланыд мувывса ыджыдъяслысь Кристослысь моз. Кесъялӧй налы восьса сьӧлӧмӧн, полігтырйи да пыдди пуктӧмӧн.

Филипӧ 1:8

Ен тӧдӧ, ме ёна радейта тіянӧс Исус Кристослӧн муслунӧн.

Филипӧ 2:12

Мусаяс, кор ме вӧлі тіян дінын, ті пыр кывзысинныд менсьым. Сідзкӧ, ӧні, кор абу тіянкӧд, ёнджыка на кывзысьӧй да тӧждысьӧй асланыд мездмӧм вӧсна полӧмӧн да тіралӧмӧн.

Колосӧ 3:12

Сідзкӧ, лоӧй бур сьӧлӧмаӧсь, меліӧсь, авъяӧсь да рамӧсь, терпитӧй ӧта-мӧднытӧ. Ті ӧд Енлӧн бӧрйӧмаяс, вежаяс да Сылӧн мусаяс.

2 Фессалоникаӧ 3:14

Коді оз вӧч тайӧ гижӧдас висьталӧм серти, сійӧс кутӧй тӧд выланыд. Татшӧм мортыскӧд энӧ кутӧй некутшӧм йитӧд. Тадзи ті янӧданныд сійӧс.

1 Иоан 3:17

Вермас-ӧ Енлӧн муслуныс лоны сійӧ морт пытшкас, кодлӧн ставыс эм, но вокыслысь гӧльлунсӧ аддзигӧн сійӧ чорзьӧдӧ сьӧлӧмсӧ да оз отсав сылы?