2 Коринфӧ 7:10 - Коми Библия 2023

¹⁰ Ӧд Ен кӧсйӧм серти шогсьӧмыд бергӧдӧ мыжъясысь, а тасянь воӧ мездмӧм. Сідзкӧ, та йылысь жалитны оз ков! А мувывса шогъясыд вайӧдӧны кулӧмӧдз.

2 Коринфӧ 7:10 ပူးပေါင်းရင်းမြစ်များ

Олӧм 30:1

Ракель гӧгӧрвоис, мый оз вермы чужтыны Яковлы кага. Та вӧсна кутіс вежавны аслас чойыслы. Яковлы сійӧ шуис: «Сет меным челядь, а он кӧ – ме кула».

Ӧксыяслӧн 2 небӧг 12:13

Давид шуис Нафанлы: «Ме мыжа Господь водзын». Нафан шуис: «Господь ӧні вештіс тэ вылысь мыжтӧ. Тэ он кув.

Ӧксыяслӧн 2 небӧг 13:4

Сійӧ юаліс Амнонлысь: «Висьтав, ӧксы пиӧй, мыйысь тэ лунысь-лун косьман?» Амнон шуис: «Авессалом воклысь Фамар чойсӧ ме радейта».

Ӧксыяслӧн 2 небӧг 17:23

Кор Ахитофел аддзис, мый сылысь вӧзйӧмсӧ ӧтдортісны, пуксис осёл вылӧ да муніс гортас, аслас карӧ. Гортсаясыслы висьталіс, мый вӧчны керканас, сэсся та бӧрти джагӧдчис. Сылысь шойсӧ пуктісны батьыслӧн дзебанінӧ.

Ӧксыяслӧн 3 небӧг 21:4

Ахав муніс гортас скӧрмӧмӧн да шогӧ усьӧмӧн, ӧд изреельса Навот шуис, ог пӧ сет тэныд аслам батьяслысь мусӧ. Гортас Ахав [инас эз ӧшйы,] водіс вольпасяс да мӧдарӧ бергӧдчис, весиг эз кут сёйны.

Шусьӧгъяс 15:13

Сьӧлӧмыд кӧ долыд, чужӧмыд югыд, сьӧлӧмыд кӧ шогалӧ, лолыд нюкыртчӧ.

Шусьӧгъяс 15:15

Шудтӧм мортлӧн став олан луныс шогӧн тырӧма, долыд сьӧлӧмалы быд лун гажа.

Шусьӧгъяс 17:22

Долыд сьӧлӧмыд бурдӧдӧ, нюкыртчӧм лолыд лыястӧ косьтӧ.

Шусьӧгъяс 18:14

Мӧдӧс кывзытӧг вочавидзысь – вежӧртӧм, сійӧ асьсӧ янӧдӧ.

Еклесиаст 7:3

Шогсьӧмыд бурджык сералӧм дорысь, ӧд сьӧлӧмыдлы бур, кор чужӧмыд шог.

Еремей 31:9

Найӧ петасны бӧрдӧмӧн, а Ме вайӧда найӧс бурӧдӧмӧн, нуӧда найӧс визув ва дінӧ шыльыд туйӧд, кӧні найӧ оз крукасьны, ӧд Ме – Израиль войтырлӧн бать, Ефрем – Менам медводдза чужысьӧй.

Езекиль 7:16

Ловйӧн кольысьяс керӧсӧ пышъясны, гулюяс моз кырта потасӧ дзебсясны. Быдӧн пондас ымзыны-бӧрдны аслас мыж вӧснаыс.

Иона 3:10

Ен аддзис, мый ниневияса олысьяс эновтчисны лёксьыс. Сэки Сійӧ вештіс мыждӧмсӧ на вылысь да эз бырӧд Ниневия карӧс.

Иона 3:8

Пасьталӧй шогалан паськӧм да вевттьӧй наӧн тшӧтш пемӧсъяснытӧ. Горзӧмӧн шыасьӧй Ен дінӧ, бергӧдчӧй мыжъяссьыныд да эновтчӧй виалӧм-дзескӧдӧмсьыныд.

Иона 4:9

Ен юаліс Ионалысь: «Быдмӧгыс понда ӧмӧй татшӧма скӧрмин?» Мӧдыс вочавидзис: «Да. Весиг овнысӧ ог кӧсйы».

Матвей 26:75

Сэки Петырлы тӧд вылас уси Исуслӧн шуӧмыс: «Петук чукӧсттӧдз на тэ куимысь соссян Меысь». Петыр петіс да курыда бӧрддзис.

Лука 15:10

Висьтала тіянлы: тадзи тшӧтш нимкодясьӧны Енлӧн анделъяс ӧти морт вӧсна, коді бергӧдчӧ мыжъяссьыс».

Лука 18:13

А вот перйысь сулаліс бокын да весиг синсӧ эз лысьт лэптывны енэжланьыс, сӧмын морӧсас кучкалӧмӧн шуаліс: ”Енмӧй, ло бур сьӧлӧма ме дінӧ, мыжа морт дінӧ!”

Ап. уджъяс 11:18

Тайӧс кылӧм бӧрын найӧ лӧнисны да ошкисны Енмӧс шуалӧмӧн: «Тыдалӧ, Енмыс ентӧдтӧмъяслы тшӧтш сетӧма позянлун бергӧдчыны мыжъяссьыс, мед и налӧн вӧлі олӧм».

Ап. уджъяс 3:19

Бергӧдчӧй мыжъяссьыныд Енлань, медым Сійӧ вештас тіянлысь мыжъяснытӧ.

2 Коринфӧ 12:21

Ме ог кӧсйы, медым тіянӧ выльысь локтігӧн Енмыс янӧдіс менӧ тіян понда. Сэки меным ковмас бӧрдны уна мыж вӧчысь вӧсна, кодъяс ӧнӧдз на эз бергӧдчыны пеж вӧчӧмысь, кырсалӧмысь да лэдзчысьӧм оласногысь.

2 Коринфӧ 7:9

Ме нимкодяся ог тіян шогӧ усьлӧм понда, а нимкодяся сы понда, мый тіян шогсьӧмныд бергӧдіс тіянӧс мыжъяссьыныд. Тайӧ шогсьӧмыс вӧлі Ен кӧсйӧм серти, сідзкӧ, нинӧм лёксӧ ми эгӧ вӧчӧй тіянлы.

Еврейяслы 12:17

Ті ӧд тӧданныд, мый бӧрыннас Исав кӧсйис босьтны бурсиӧмсӧ, но сійӧс вӧлі ӧтдортӧма. Исав бӧрдӧмӧн корис бурсиӧм, но вежны батьыслысь мӧвпъяссӧ эз нин вермы.

Ӧксыяслӧн 1 небӧг 30:6

Став йӧзыс ёна шогсисны, быдӧн шогсис аслас ныв-пиыс вӧсна. Найӧ весиг кӧсйисны изъявны Давидӧс, та вӧсна сылы вӧлі вывті сьӧкыд.