2 Коринфӧ 6:9 - Коми Библия 2023

⁹ Ми огӧ нималӧй, но миянӧс ставныс тӧдӧны. Миянӧс лыддьӧны кулӧмаясӧн, но ми ловъяӧсь. Миянӧс нӧйтӧны, но огӧ кулӧй.

2 Коринфӧ 6:9 ပူးပေါင်းရင်းမြစ်များ

Ап. уджъяс 17:18

Кодсюрӧ философъяс, эпикура да стоика велӧдӧмӧ кутчысьысьяс, вензисны Павелкӧд. Ӧтияс шуалісны, сійӧ пӧ нинӧм абусӧ сӧрӧ! Мӧдъяс шуалісны, кутшӧмкӧ пӧ тӧдтӧм енъяс йылысь висьталӧ. Павел жӧ висьталіс налы Исус йылысь да кулӧмысь ловзьӧм йылысь.

Ап. уджъяс 19:26

Ті асьныд аддзанныд да кыланныд, мый вӧчӧ тайӧ Павелыс. Сійӧ висьтавлӧ, киӧн вӧчӧмторъясыд пӧ абу енъяс, и уна йӧзӧс нин эскӧдіс Ефесын да став Асияын.

Ап. уджъяс 25:19

Найӧ вензисны асланыс эскӧм кузя да кутшӧмкӧ кувлӧм Исус понда. Но Павеллӧн висьталӧм серти, Сійӧ ловъя.

Ап. уджъяс 25:26

Меным весиг нинӧм гижнысӧ ыджыднымлы, та вӧсна вайӧді сійӧс тіян водзӧ, торйӧн нин тэ водзӧ, Агриппа ӧксы. Эска, мый тэнад донъялӧм бӧрын менам эм мый гижнысӧ.

Римӧ 8:36

Гижӧма: «Тэ вӧсна быд лун миянӧс виалӧны, лыддьӧны начкыны дасьтӧм ыжъясӧн».

1 Коринфӧ 11:32

А мыждӧ кӧ, миянӧс бур вылӧ велӧдӧ, медым тайӧ муюгыдсаыскӧд ӧтвыв эгӧ веськалӧй мыждӧм улӧ.

1 Коринфӧ 15:31

Вокъяс, ме быд лун куланвыйын – тайӧ збыль, кыдзи збыль и сійӧ, мый ме ошйыся тіянӧн Исус Кристос Господьным водзын.

1 Коринфӧ 4:9

Но ме чайта, Енмыс пуктіс миянӧс, апостолъясӧс, медбӧръя лыдас. Ми кулӧм вылӧ мыждӧмаяс кодьӧсь, муюгыдас быд олысьлы – анделъяслы и йӧзыслы – ми лоим видзӧданторйӧн.

2 Коринфӧ 11:6

Гашкӧ, ме ог сяммы мичаа сёрнитны, но тӧдӧмлунӧй менам тырмымӧн. Тайӧс ме петкӧдлі тіянлы унаысь да уна ногӧн.

2 Коринфӧ 4:2

Ми огӧ вӧчӧй гусясӧ да янӧданасӧ, огӧ ылӧдчӧй, Енлысь кывсӧ висьтавлам торкавтӧг. Ми восьсӧн висьталам збыльсӧ да быдӧнлы сетам донъявны асьнымӧс Ен водзын.

2 Коринфӧ 5:11

Ми тӧдам, мый сэтшӧм Господьысь полӧмыс, та вӧсна зілям эскӧдны тшӧтш мукӧдсӧ. Енмыслы ми восьсаӧсь, чайтам, тіян сьӧлӧмлы тшӧтш восьсаӧсь.