2 Коринфӧ 6:1 - Коми Библия 2023

¹ Ми, Енкӧд ӧтвыв уджалысьяс, корам тіянӧс: сибӧдӧй Енлысь буралӧмсӧ, мед сійӧ эз ло весьшӧрӧ.

2 Коринфӧ 6:1 ပူးပေါင်းရင်းမြစ်များ

Еремей 8:8

Ті шуаннныд, ми пӧ мывкыда йӧз, миян пӧ эм Господьлӧн Индӧдыс. Но, збыльвылас, Индӧдӧ велӧдысьяс Индӧдсӧ гижигӧн бергӧдісны сійӧс ылӧгас.

Матвей 23:37

«Ерусалим, Ерусалим! Пророкъясӧс виалысь да тэ дінӧ ыстӧмаясӧс изъялысь! Кымынысь Ме кӧсйи чукӧртны тэнсьыд ныв-питӧ, кыдзи лэбач чукӧртӧ ассьыс пиянсӧ борд улас, но ті энӧ кӧсйӧй.

Ап. уджъяс 11:23

Воӧм бӧрас Варнава аддзис, мый сэні Енлӧн буралӧмыс, да ёна нимкодясис. Сійӧ ышӧдіс быдӧнӧс став сьӧлӧмнас кутчысьны Господь дінӧ.

Ап. уджъяс 14:3

Вокъяс дыркодь олісны сэні да повтӧг висьтавлісны Господь йылысь. На пыр Господь вӧчис шензьӧданаторъяс да петкӧдліс индысьпасъяс, тайӧн вынсьӧдіс Аслас буралӧм йылысь висьталӧмсӧ.

Римӧ 12:1

Вокъяс, Енлӧн ыджыд буралӧмыс вӧсна кора тіянӧс: сетӧй асьнытӧ Енлы ловъя, вежа да шогмана вись пыдди. Тайӧ лоӧ бур мывкыда кесъялӧм Енмыслы.

1 Коринфӧ 3:9

Ми – Енлӧн уджъёртъяс, а ті – Сылӧн кӧдзӧм муыс, Сылӧн тэчасыс.

2 Коринфӧ 10:1

Ӧткымынӧн ме йылысь шуӧны, мый ме, Павел, на дінын рам, а кор ылын наысь, сэки ме чорыд накӧд. Но ме шыася тіян дінӧ Кристос бурлунӧн да мелілунӧн.

Галатӧ 2:21

Енлысь буралӧмсӧ ме ог ӧтдорт. Ӧд веськыдлунсӧ кӧ вермим босьтны Индӧдыс пыр, сідзкӧ, Кристос весьшӧрӧ куліс.

Галатӧ 3:4

Весьшӧрӧ ӧмӧй сы мында сьӧкыдсӧ ті нуинныд? Дерт, энӧ весьшӧрӧ.

1 Фессалоникаӧ 3:5

Та вӧсна ме эг нин вермы виччысьнысӧ, а мӧдӧді тіян дінӧ Тимофейӧс, медым тӧдмавны тіян эскӧмныд йылысь, эз-ӧ ылӧдлы тіянӧс омӧльыс, эз-ӧ ло весьшӧрӧ миян уджным.

Титлы 2:11

Енмыс петкӧдліс Ассьыс буралӧмсӧ, медым став йӧзсӧ мездыны.

Еврейяслы 12:15

Видзчысьӧй, мед тіян пӧвстысь некод эз вошты Енлысь буралӧмсӧ. Некутшӧм курыд вуж мед оз вужъясь тіян пӧвстӧ, оз вай тіянлы лёксӧ да оз пежав некодӧс.

Еврейяслы 12:25

Видзчысьӧй, медым энӧ бергӧдчӧй тіянлы Висьталысьысь! Енмыс сёрнитіс му вылас Израиль войтыркӧд, но найӧ бергӧдчисны Сыысь. Та вӧсна найӧс вӧлі мыждӧма. Сідзкӧ, миянӧс ёнджыка на лоӧ мыждӧма, огӧ кӧ кывзӧй енэжсянь Висьталысьӧс.

Еврейяслы 4:1

Енлӧн кӧсйысьӧмыс, мый ми вермам пырны Сылӧн шойччанінӧ, ӧнӧдз на вына. Сідзкӧ, кутам тӧждысьны, мед тіян пиысь некод эз сёрмы пырны Енлӧн шойччанінӧ.

1 Петыр 4:10

Енмыслӧн сетӧмторйыс унапӧлӧс. Сійӧ быдӧнлы козьналіс сетӧмторсӧ, медым ті кесъялінныд ӧта-мӧдныдлы. Сідзкӧ, бур ногӧн вӧдитчӧй Енсянь сетӧмторнас.

Ӧксыяслӧн 1 небӧг 14:45

Йӧзыс шуисны Сауллы: «Мед оз ло тадз! Сійӧ ӧд вайис Израильлы ыджыд вермӧм да мездӧм. Ми кыв сетам ловъя Господь водзын: сылӧн юр вывсьыс весиг юрси сі оз усь. Ен отсӧгӧн талун сійӧ вермис филистимсаясӧс». Тадзи йӧзыс мездісны Ионафанӧс, и сійӧ ловйӧн коли.