2 Коринфӧ 5:9 - Коми Библия 2023

⁹ Та вӧсна, олам-ӧ Сы дінын али огӧ на, сьӧлӧмсянь зілям шогмыны Господьлы.

2 Коринфӧ 5:9 ပူးပေါင်းရင်းမြစ်များ

Олӧм 4:7

Вӧчан кӧ бурсӧ, лэпты юртӧ. А он кӧ вӧч бурсӧ, со, ӧдзӧс дорад мыжыс кыйӧдчӧ. Сійӧ кыскӧ тэнӧ ас дорас, но тэ ыджыдав сы вылын».

Исай 56:7

Ме вайӧда Аслам вежа керӧс вылӧ, сета налы нимкодясьны Аслам кевмысян керкаын. Меным шогманаӧсь лоӧны налӧн сотан да мукӧд висьясыс, висьпуктанін вылӧ вайӧмторъясыс. Менам керкаӧй кутас шусьыны став войтыръяслӧн кевмысян керкаӧн.

Иоан 6:27

Энӧ тӧждысьӧй бырана сёян вӧсна, а тӧждысьӧй помтӧм олӧмсӧ сетысь сёян вӧсна. Тайӧ сёянсӧ сетас тіянлы Морт Пи, кодӧс пасйӧма Ачыс Ен Бать».

Ап. уджъяс 10:35

Быд войтыр пӧвстысь Сійӧ сибӧдӧ найӧс, кодъяс олӧны веськыда да Сыысь полӧмӧн.

Римӧ 14:18

Кристослы тадзи кесъялысь шогмана Енмыслы да пыдди пуктана йӧзӧн.

Римӧ 14:8

Олам кӧ ми – Господьлы олам, кулам кӧ – Господьлы кулам. Ловъяӧсь-ӧ, кулӧмаӧсь-ӧ – ми Господьлӧн.

Римӧ 15:20

Мед эз ло вӧчӧма мукӧдлӧн подув вылын, ме зіли висьтавны Бур Юӧрсӧ сэні, кӧні Кристос нимсӧ эз на кывлыны.

1 Коринфӧ 15:58

Муса вокъяс, сулалӧй зумыда да вӧрзьывтӧг. Быд кадӧ кесъялӧй Господьлы сьӧлӧмсяньныд. Тӧдӧй, мый ті кесъяланныд Господьлы онӧ весьшӧрӧ.

2 Коринфӧ 5:6

Сійӧн ми пыр повтӧмӧсь, кӧть тӧдам, мый тайӧ вир-яяс олігӧн ми ылынӧсь Господьысь.

2 Коринфӧ 5:8

Ми повтӧмӧсь, ёнджыка на кӧсъям петны тайӧ вир-яйсьыс да овмӧдчыны гортӧ, Господь дінӧ.

Ефесӧ 1:6

Сідзкӧ, ошкамӧй Енсӧ дзирдлуна буралӧмсьыс. Тайӧ буралӧмсӧ Сійӧ козьналіс миянлы Аслас муса Пиыс пыр.

Колосӧ 1:10

Кевмысям, медым ті быдторйын вӧлінныд Господьлы шогманаӧсь, и медым бурсӧ вӧчӧмӧн вайинныд вотӧс да быдминныд Енсӧ тӧдмалӧмас.

Колосӧ 1:29

Та могысь ме уджала да вермася ме пытшкын олысь Кристос вынӧн.

1 Фессалоникаӧ 4:1

Вокъяс, тіянлы висьтавлім нин, медым олінныд Ен водзын шогмана ногӧн. Дерт, ті дзик тадзи и оланныд. Но Исус Кристос нимӧн ышӧдам да корам тіянӧс: олӧй нӧшта на бурджыка.

1 Фессалоникаӧ 4:11

Зільӧй овны лӧня. Быдӧн мед вӧчӧ ассьыс удж, ас ки помысь шедӧдӧ олӧм вылас. Тадзи ми велӧдлім тіянӧс.

1 Тимофейлы 4:10

Ми ёна мырсям да нуам лёкӧдӧмсӧ, ӧд лачанымӧс кутам ловъя Ен вылӧ. Сійӧ – быдӧнлы Мездысь, торйӧн нин эскысьяслы.

Еврейяслы 12:28

Миянлы сетӧма вӧрзьывтӧм Юраланін. Сідзкӧ, аттьӧалам Енсӧ да кесъялам Сылы шогмана ногӧн, Сыысь полӧмӧн да вежавидзӧмӧн,

Еврейяслы 4:11

Сідзкӧ, кутам зільны пырны Енлӧн шойччанінӧ, медым тайӧ кывзысьтӧм йӧзыс моз эгӧ кольӧй Енлӧн шойччанінӧ пыртӧг.

2 Петыр 3:14

Сідзкӧ, мусаясӧй, тайӧс виччысиганыд тӧждысьӧй, медым сувтны Ен водзӧ сӧстӧмӧн да мыжтӧмӧн, мед тіян сьӧлӧмын вӧлі лӧньлун.