2 Коринфӧ 5:20 - Коми Библия 2023

²⁰ Сідзкӧ, ми – Кристослӧн мӧдӧдӧмаяс, и Ачыс Енмыс шыасьӧ миян пыр йӧзыс дінӧ. Кристос нимӧн ми корам: бурасьӧй Енмыскӧд!

2 Коринфӧ 5:20 ပူးပေါင်းရင်းမြစ်များ

Ӧксыяслӧн 4 небӧг 17:13

Быд пророк да тӧдысь-аддзысь пыр Господь ӧлӧдліс Израильӧс да Иудаӧс: «Бергӧдчӧй асланыд лёк туйясысь. Олӧй Менам индӧд-тшӧктӧмъяс серти, мый Ме тшӧкті тіян батьяслы да висьтавлі тіянлы пророкъяс пыр, кодъяс кесъялісны Меным».

2 Каднебӧг 36:15

Господь, налӧн батьяслӧн Ен, выльысь и выльысь мӧдӧдліс на дінӧ юӧртысьясӧс, ӧд Сійӧ жалитіс Ассьыс войтырсӧ да Ассьыс оланінсӧ.

Неемий 9:29

Тэ ӧлӧдлін найӧс, медым найӧ бергӧдчисны Тэнад Индӧд дінӧ, но найӧ пыксисны, эз кывзыны Тэнсьыд тшӧктӧмъястӧ, мыж вӧчӧмӧн торкисны Тэнсьыд Индӧдтӧ, мый вайӧ олӧм мортыслы, коді сы серти олӧ. Найӧ пыксисны-асныралісны, эз кывзыны Тэнӧ.

Иов 22:21

Раммӧдчы Ен водзын, Иов, та пыр тэныд локтас быд бурыс.

Иов 33:23

Но сюрас кӧ андел, сюрс пытшкысь ӧти, коді сувтас висьысь дор да индас сылы веськыд туй,

Иов 33:6

Ен водзын ме – тэ кодь жӧ, миянӧс тэкӧд ӧти сёйысь вӧчӧма,

Шусьӧгъяс 13:17

Вежӧра морт тӧдӧмлуннас олӧ, а вежӧртӧм петкӧдлӧ ассьыс вежӧртӧмлунсӧ.

Исай 27:5

Но дорйӧмсӧ сійӧ мед Месянь корсьӧ, мед бурасьӧ Мекӧд да дугдӧ тышкасьны.

Еремей 38:20

Еремей шуис Седекейлы: «Оз сетны. Кывзы Господьӧс. Кывзы, мый ме висьтала тэныд. Сэки тэныд бур лоӧ, и тэ ловйӧн колян.

Еремей 44:4

Ме выльысь и выльысь мӧдӧдлі тіян дінӧ Ассьым кесйӧгъясӧс – пророкъясӧс. Ме тшӧкті налы юӧртны тіянлы, мед ті энӧ вӧчӧй татшӧм пежсӧ, ӧд Ме мустӧмта татшӧмторсӧ.

Малакий 2:7

Поплӧн вомысь мед петас Ен йылысь тӧдӧмлуныс, сысянь йӧзыс виччысьӧны велӧдӧмсӧ, сійӧ ӧд Господь Саваофсянь юӧр вайысьыс.

Лука 10:16

Тіянӧс кывзысь Менӧ кывзӧ, тіянӧс ӧтдортысь Менӧ ӧтдортӧ, а Менӧ ӧтдортысь ӧтдортӧ Менӧ Мӧдӧдысьӧс».

Лука 14:23

Мӧдыс вочавидзас: ”Пет карсьыс, ветлы туйяс-потшӧсъяс пӧлӧн да тшӧкты локнысӧ, медым менам керкаӧй вӧлі тыр.

Иоан 20:21

Исус шуис налы мӧдысь: «Лӧнь олӧм тіянлы! Кыдзи Бать мӧдӧдіс Менӧ, сідзи Ме мӧдӧда тіянӧс».

Римӧ 5:10

Ми кӧ, Енмыслы коркӧя паныд сувтысьяс, бурасим Сыкӧд Пиыслӧн кулӧм пыр, дерт нин, ӧні ми, бурасьӧмаяс, мездмам Кристослӧн олӧм пыр.

2 Коринфӧ 12:10

Ме нимкодяся вынтӧмлун дырйи, менӧ лёкӧдігӧн, дзескӧдігӧн, вӧтлігӧн да Кристос вӧсна сьӧкыдсӧ нуигӧн. Ӧд кор ме вынтӧм, сэки ён!

2 Коринфӧ 3:6

Сійӧ сетіс миянлы сямлун кесъявны Выль Йитӧдлы, мыйӧн веськӧдлӧ Лов, а оз шыпаса Индӧд. Ӧд шыпаса Индӧдыс вайӧ кулӧм, а Лолыс сетӧ олӧм.

2 Коринфӧ 5:11

Ми тӧдам, мый сэтшӧм Господьысь полӧмыс, та вӧсна зілям эскӧдны тшӧтш мукӧдсӧ. Енмыслы ми восьсаӧсь, чайтам, тіян сьӧлӧмлы тшӧтш восьсаӧсь.

2 Коринфӧ 6:1

Ми, Енкӧд ӧтвыв уджалысьяс, корам тіянӧс: сибӧдӧй Енлысь буралӧмсӧ, мед сійӧ эз ло весьшӧрӧ.

Ефесӧ 6:20

Енмыс мӧдӧдіс менӧ висьтавлыны Бур Юӧрсӧ, та понда ӧні ме дзескыдінын. Кевмысьӧй ме вӧсна, медым висьтавлі сійӧс повтӧг да колана ногӧн.

Колосӧ 1:20

медым Сы пыр сетны бурасьӧм да Сылӧн крествывса вирнас бурӧдны Аскӧдыс мувывсасӧ да енэжвывсасӧ.

1 Фессалоникаӧ 4:8

Сідзкӧ, тайӧ тшӧктӧмсӧ ӧтдортысь оз мортӧс ӧтдорт, а Енсӧ, коді сетіс миянлы Ассьыс Вежа Ловсӧ.