2 Коринфӧ 5:17 - Коми Библия 2023

¹⁷ Сідзкӧ, коді Кристос пытшкын, сійӧ – выль олысь. Важыс кольӧма, ӧні ставыс выль.

2 Коринфӧ 5:17 ပူးပေါင်းရင်းမြစ်များ

Псалтыр 51:10

А ме Енлӧн керкаын вежӧдысь олив пу кодь, лача кута Енлӧн буралӧмыс вылӧ нэмъяс чӧж.

Исай 45:17

Но Господь мездас Израильӧс, сійӧс лоӧ мездӧма пыр кежлӧ! Тіянӧс оз ло янӧдӧма, тіянлы некор оз ло юръяндзим.

Езекиль 11:19

Ме сета налы ӧти сьӧлӧм да пукта на пытшкӧ выль лов. Нетшышта морӧс кудсьыныс из сьӧлӧмнысӧ да сы пыдди пукта яй сьӧлӧм,

Езекиль 18:31

Дугдӧй мыж вӧчны, олӧй выль сьӧлӧмӧн да выль лолӧн. Мыйла тіянлы кувнысӧ, Израиль войтыр?

Езекиль 36:26

Ме сета тіянлы выль сьӧлӧм, пукта тіян пытшкӧ выль лов. Нетшышта морӧс кудсьыныд из сьӧлӧмнытӧ да сы пыдди пукта яй сьӧлӧм.

Матвей 12:33

«Бур пу вайӧ бур вотӧс, лёк пу – лёкӧс. Путӧ донъялӧны вотӧс сертиыс.

Матвей 24:35

Енэжыс да муыс бырас, а Менам кывъясӧй оз бырны.

Лука 5:38

Выль винатӧ кисьтӧны выль кучик дозйӧ. Сэки кыкнанныс дзонь колясны.

Иоан 14:20

Сійӧ лунӧ ті тӧдмаланныд, мый Ме – Бать пытшкын, ті – Ме пытшкынӧсь, а Ме – тіян пытшкын.

Иоан 15:2

Вотӧс вайтӧм увъяссӧ Сійӧ кералӧ, а вотӧс вайысь увсӧ Сійӧ весалӧ, медым вайис унджык вотӧс на.

Иоан 15:5

Ме эм виноград пуыс, ті – увъясыс. Коді олӧ Ме пытшкын, а Ме сы пытшкын, сійӧ вайӧ уна вотӧс. Ӧд Метӧг ті нинӧм онӧ вермӧй вӧчнысӧ.

Иоан 17:23

Ме кӧ на пытшкын, а Тэ – Ме пытшкын, сэки найӧ ставныс лоасны ӧтвыв. Тадзи муюгыдыс тӧдмалас, мый Тэ Менӧ мӧдӧдін, и найӧ мусаӧсь Тэныд, кыдзи Ме муса Тэныд.

Иоан 3:3

Исус вочавидзис: «Веськыда, веськыда висьтала тэныд: мортыс кӧ оз выльысь чуж, сійӧ оз вермы аддзыны Енлысь Юраланінсӧ».

Иоан 3:5

Исус вочавидзис: «Веськыда, веськыда висьтала тэныд: мортыс кӧ оз чуж васянь да Ловсянь, сійӧ оз вермы пырны Енлӧн Юраланінӧ.

Римӧ 16:10

Чолӧм Апелеслы. Сійӧ Кристос вӧсна уна сьӧкыд пыр муніс. Чолӧм Аристовуллӧн гортсалы.

Римӧ 16:11

Чолӧм менам Иродион рӧдвужлы. Висьталӧй чолӧм Наркислӧн гортсаяс пиысь налы, кодъяс эскӧны Господьлы.

Римӧ 16:3

Висьталӧй чолӧм Прискиллалы да Акиллы. Найӧ мекӧд ӧтвыв кесъялӧны Исус Кристослы.

Римӧ 16:7

Чолӧм менам войтырысь Андрониклы да Юниялы, кодъяскӧд ме пукавлі дзескыдінын. Найӧ пыдди пуктана йӧз апостолъяс пӧвстын, и найӧ меысь водз эскисны Кристослы.

Римӧ 16:9

Чолӧм Урбанлы, сійӧ миянкӧд ӧтвылысь кесъялӧ Кристослы. Чолӧм муса Стакий ёртлы.

Римӧ 7:6

Ӧні ми кулім Индӧдыслы, мынім сылӧн став кӧртӧдысь. Ми кесъялам Енмыслы выль ногӧн, Лов серти, а огӧ важ мозыс, Индӧдлӧн шыпас серти.

Римӧ 8:1

Сідзкӧ, ӧні абу некутшӧм мыждӧм Исус Кристос пытшкын олысьяслы, кодъяс олӧны Лов серти, а оз вир-яй серти.

1 Коринфӧ 1:30

Енмыс йитіс тіянӧс Исус Кристоскӧд, коді лои миянлы мывкыдлуннас. Сы пыр Енмыс вештысис миян вӧсна, вӧчис миянӧс веськыдӧн да вежа войтырӧн.

1 Коринфӧ 13:11

Ичӧтдырйи ме сёрниті, вежӧрті да мӧвпалі кага моз. А верстямми да, коли ассьым кага оласногӧс.

2 Коринфӧ 12:2

Тӧда ӧти мортӧс, Кристослы эскысьӧс, кодӧс дас нёль во сайын вӧлі кыпӧдӧма коймӧд енэжас. Вир-яйын-ӧ сійӧ вӧлі, лолын-ӧ, ме ог тӧд, Ен тӧдӧ.

2 Коринфӧ 5:16

Ӧнісянь ми некодӧс огӧ донъялӧй морт видзӧдлас серти. Водзын кӧ Кристосӧс донъялім морт видзӧдлас серти, ӧні огӧ.

2 Коринфӧ 5:19

Исус Кристос пыр Енмыс бурӧдіс Аскӧдыс став йӧзсӧ да оз нин лыддьы найӧс мыжаӧн. Енмыс сетіс миянлы бурасьӧмыс йылысь кывсӧ.

2 Коринфӧ 5:21

Кристослӧн эз вӧв некутшӧм мыж, но Енмыс пуктіс Сы вылӧ миянлысь мыжъяснымӧс, медым Сы пыр ми лоим Ен водзын веськыдӧн.

Галатӧ 3:28

Иудей-ӧ тэ либӧ грек, кесйӧг-ӧ либӧ мездлуна морт, айлов-ӧ либӧ ань – Исус Кристос пытшкын торъялӧмыс абу.

Галатӧ 5:6

Тэ кӧ Исус Кристос пытшкын, вундыштчӧмыд-ӧ, абу-ӧ вундыштчӧмыд – тайӧ нинӧм оз сет. Колана сӧмын муслуна эскӧм.

Галатӧ 6:15

Тэ кӧ Исус Кристос пытшкын, вундыштчӧмыд-ӧ, абу-ӧ вундыштчӧмыд – тайӧ нинӧм оз сет. Колӧ, медым выль морт тэ вӧлін.

Ефесӧ 2:10

Ми – Енлӧн вӧчӧмторъяс. Сійӧ ӧтувтӧма миянӧс Исус Кристоскӧд, медым ми вӧчим бур уджъяс, мый Енмыс водзвыв дасьтӧма миянлы.

Ефесӧ 2:15

тадзи Аслас вир-яйнас бырӧдіс на костысь лёксьӧмсӧ. Сійӧ пуктіс пом Индӧдлы да сэтчӧ пырысь быд тшӧктӧмлы да велӧдӧмлы, медым иудейясӧс да мукӧд войтырӧс бурӧдны ӧта-мӧдныскӧд. Сійӧ йитіс найӧс Аскӧдыс да вӧчис наысь ӧти выль олысьӧс.

Филипӧ 4:21

Чолӧмалӧй Исус Кристослы став эскысьсӧ. Мекӧд олысь вокъяс ыстӧны тіянлы чолӧм.