2 Коринфӧ 5:13 - Коми Библия 2023

¹³ Ми кӧ ас вежӧрынӧсь – тайӧ тіянлы, абу кӧ – Енмыслы.

2 Коринфӧ 5:13 ပူးပေါင်းရင်းမြစ်များ

Еремей 29:26

”Софоний, Господь пуктіс тэнӧ попӧ Иодай поп пыдди, медым Господьлӧн крамын тэ видзӧдін йӧйталысьяс бӧрся, кодъяс кӧсйӧны пророкавны, дорин найӧс чепъясӧн да топӧдін кокнысӧ тшемилӧ костӧ.

Марк 3:21

Та йылысь кылісны Исуслӧн матыссаясыс. Найӧ локтісны Сыла, ӧд сёрнитісны, Сійӧ пӧ абу Ас вежӧрас.

Римӧ 12:3

Меным сетӧм буралӧм вӧсна висьтала тіянлы быдӧнлы: энӧ мӧвпалӧй ас йывсьыныд вывті, коланасьыс унджык, но мӧвпалӧй ышнясьтӧг, Енмӧн сетӧм эскӧм сертиныд.

2 Коринфӧ 11:1

Кора тіянӧс, терпитыштӧй менсьым мывкыдтӧмлунӧс. Чайта, ті терпитыштанныд менӧ,

2 Коринфӧ 12:11

Тіян водзын ошйысигӧн ме вӧлі мывкыдтӧм морт кодь, ті ӧд асьныд менӧ вайӧдінныд та выйӧдзыс. Дерт, ме нинӧм кодь, но тіянлы аслыныд колӧ вӧлі ошкыны менӧ, ме ӧд нинӧмӧн абу лёкджык ”ыджыд апостолъясысь”.

2 Коринфӧ 12:6

Дерт, ме ог ло мывкыдтӧмӧн, кута кӧ ошйысьны, ме ӧд збыльсӧ висьтала. Но ме ог кут ошйысьны, медым кодкӧ эз мӧвпав ме йылысь унджык сыысь, мый аддзӧ ме пытшкысь либӧ кылӧ месянь.

2 Коринфӧ 7:12

Ме гижи тіянлы эг сы вӧсна, коді вӧчис лёксӧ либӧ кодлы вӧчисны лёксӧ, а гижи тіянлы, медым ті гӧгӧрвоинныд Ен водзын, кутшӧма ми тӧждысям тіян вӧсна.

Колосӧ 1:24

Ӧні ме нимкодяся тіян вӧсна сьӧкыдалігӧн. Кристослӧн вир-яйыс вӧсна, Сылӧн вичкоыс вӧсна, аслам вир-яйын сьӧкыдсӧ нуигӧн ме тырта Кристос шогъяслысь лыдсӧ.

1 Фессалоникаӧ 1:5

Ми висьтавлім тіянлы Бур Юӧрсӧ Вежа Лов вынӧн да ыджыд эскӧмлунӧн, эгӧ сӧмын кывйӧн. Ті бура тӧданныд, кыдзи ми кутім асьнымӧс тіянын олігӧн да отсасим тіянлы.

2 Тимофейлы 2:10

Та вӧсна ме муна став сьӧкыд пырыс. Вӧча тайӧс Енлӧн бӧрйӧмаяс вӧсна, медым найӧ тшӧтш босьтісны Исус Кристоссянь мездмӧмсӧ да помасьлытӧм дзирдлунсӧ.