2 Коринфӧ 4:4 - Коми Библия 2023

⁴ Найӧ оз эскыны, ӧд тайӧ муюгыдас ыджыдалысь омӧльыс пемдӧдӧма налысь вежӧрсӧ, мед найӧ эз аддзыны Бур Юӧрлысь югыдсӧ, коді восьтӧ Кристослысь дзирдлунсӧ, а Кристос эм Енлӧн пертасыс.

2 Коринфӧ 4:4 ပူးပေါင်းရင်းမြစ်များ

Ӧксыяслӧн 3 небӧг 22:22

”Ме муна да кута висьтавлыны ылӧгсӧ сылӧн пророкъяс пыр”, – вочавидзис лов. Господь шуис: ”Ылӧдлы. Тэнад артмас. Мун да вӧч тадзи!”

Псалтыр 50:2

Давидлӧн Вирсавиякӧд узьӧм бӧрас сы дінӧ воліс Нафан пророк.

Исай 6:10

Чорзьӧд тайӧ войтырыслысь сьӧлӧмнысӧ, найӧ мед лоӧны сьӧкыд пеляӧсь, куньса синмаӧсь. Синнаныс мед оз аддзыны, пельнаныс мед оз кывны, сьӧлӧмнаныс мед оз гӧгӧрвоны, Мелань мед оз бергӧдчыны, медым Ме бурдӧді найӧс».

Матвей 13:22

Лежнӧг пӧвстӧ усьӧм кӧйдысыс петкӧдлӧ: мортыс кылӧ Енлысь кывсӧ, но быдлунъя тӧждыс да озырмыны ыштӧмыс пӧдтӧ кӧдзӧм кывсӧ, и сійӧ оз вай вотӧссӧ.

Иоан 1:14

Кывйыс лоис мортӧн, Сійӧ оліс миянкӧд буралӧм-збыльнас тыр. Ми аддзылім Сылысь дзирдлунсӧ. Сӧмын ӧтка Пиыслы вуджӧ татшӧм дзирдлуныс Батьсяньыс.

Иоан 1:18

Йӧзыс Енсӧ эз аддзывлыны, сӧмын ӧтка Пиыс, Бать дінас олысьыс, восьтіс Сійӧс миянлы.

Иоан 12:31

Ӧні тайӧ муюгыдсӧ лоӧ мыждӧма, муюгыдас ыджыдалысьсӧ лоӧ вӧтлӧма.

Иоан 12:35

Сэки Исус шуис налы: «Этшаник кад югыдыс лоас на тіянкӧд. Сідзкӧ, ветлӧй югыдыс дырйи, медым пемыдыс эз пӧдты тіянӧс. Пемыдас ветлысь оз тӧд, кытчӧ мунӧ.

Иоан 12:40

– Енмыс тупкис налысь синнысӧ, чорзьӧдіс налысь сьӧлӧмнысӧ, медым эз аддзыны синнаныс, эз гӧгӧрвоны сьӧлӧмнаныс да эз бергӧдчыны Мелань, медым Ме бурдӧді найӧс.

Иоан 12:45

Менӧ аддзысь Менӧ Мӧдӧдысьӧс аддзӧ.

Иоан 14:30

Ог нин уна сёрнит тіянкӧд, ӧд тайӧ муюгыдас ыджыдалысьыс локтӧ нин. Ме вылын сійӧ ыджыдавны оз вермы.

Иоан 15:24

Ме кӧ эг вӧч налӧн син водзын сійӧ уджъяссӧ, кодъясӧс некод эз вӧчлы, сэки эськӧ найӧ эз вӧвны мыжаӧсь. Ӧні найӧ аддзылісны Менсьым уджъясӧс, но Менӧ да Менсьым Батьӧс мустӧмтӧны.

Иоан 16:11

Мыждӧмыс сыын, мый тайӧ муюгыдас ыджыдалысьсӧ мыждӧма нин.

Иоан 8:12

Исус бара сёрнитіс йӧзыскӧд. Сійӧ шуис: «Ме эм йӧзыслы югыдыс. Ме бӧрся мунысь оз кут ветлыны пемыдас, сылӧн лоӧ олӧмыслӧн югыдыс».

Ап. уджъяс 26:18

мед восьтны налысь синсӧ да бергӧдны найӧс пемыдсьыс югыдӧ, сӧтана кипод улысь Ен дінӧ, медым Меным эскӧмӧн найӧ босьтасны мыжъясысь прӧститӧмсӧ да вежа войтырлы Енсянь вичмӧдӧмасӧ”.

Ап. уджъяс 26:23

мый Кристос сьӧкыда кулас и лоас медводдза Ловзьысьӧн, медым восьтны югыдсӧ иудей войтырлы да ентӧдтӧмъяслы».

1 Коринфӧ 10:20

Абу! Кор ентӧдтӧмъяс вайӧны вись, найӧ вайӧны пеж ловъяслы, а оз Енлы. Но ме ог кӧсйы, медым ті ӧтувтчинныд пеж ловъяскӧд.

2 Коринфӧ 2:11

медым сӧтана эз ылӧдлы миянӧс, ми ӧд тӧдам сылысь наян мӧвпъяссӧ.

2 Коринфӧ 2:12

Кор ме локті Троада карӧ висьтавлыны Кристос йылысь Бур Юӧрсӧ, Господь восьтіс меным ӧдзӧс сэні уджавны.

2 Коринфӧ 3:11

Сідзкӧ, воддзаыс, быранаыс кӧ вӧлі сэтшӧм дзирдалана, сэки кымын пӧв дзирдаланаджык ӧніяыс, бырлытӧмыс!

2 Коринфӧ 3:14

Налӧн пемдӧма вежӧрныс. Важ Йитӧд йылысь Гижӧдсӧ лыддигӧн на вылын ӧнӧдз куйлӧ тайӧ вевттьӧдыс, ӧд сійӧс вештӧ сӧмын Кристос.

2 Коринфӧ 3:18

Ми ставным чужӧмнымӧс вевттьытӧг видзӧдам Господьлӧн дзирдлун вылӧ да рӧмпӧштанысь моз аддзам Сылысь дзирдлунсӧ. Сы вылӧ видзӧдӧмӧн ми лунысь-лун вежсям да кутам дзирдавны Сы моз жӧ. Татшӧмнас вӧчӧ миянӧс Господьлӧн Лолыс.

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.

Галатӧ 1:4

Ен Батьнымлӧн кӧсйӧмыс серти Кристос сетіс Асьсӧ миян мыжъяс вӧсна, медым мездыны миянӧс лёкнас тырӧм муюгыдсьыс.

Ефесӧ 2:2

Ӧд водзынсӧ ті олінныд тайӧ муюгыдсаыс моз, енэж улас ыджыдалысь антуслысь кывзысьӧмӧн. Тайӧ пеж лолыс ӧнӧдз на веськӧдлӧ кывзысьтӧмъясӧн.

Ефесӧ 6:12

Ӧд миян тышыс абу мортлы паныд, ми тышкасям енэжувса юралысь-ыджыдалысь пеж ловъяскӧд да тайӧ мувывса пемыд олӧмнас веськӧдлысь ловъяскӧд.

Филипӧ 2:6

Сійӧ вӧлі Енмыс кодь, но эз ошйысь тайӧ ӧткодьлунас.

Колосӧ 1:15

Сійӧ – тыдавтӧм Енмыслӧн пертас, чужӧма став вӧчӧмторсьыс медводз.

Колосӧ 1:27

Енмыс кӧсйис, мед найӧ тӧдісны дзирдлуныслысь гусяторсӧ, мый воссьӧ став войтыръяслы. А гусяторйыс сыын, мый Кристос тіян пытшкын, локтана дзирдлуныс вылӧ лачаныд.

1 Тимофейлы 1:11

Тадзи висьталӧ ошкана Енлӧн дзирдлун йылысь Бур Юӧрыс, и тайӧ Юӧрсӧ висьтавлыны Енмыс мӧдӧдіс менӧ.

Титлы 2:13

виччысим вына Енлысь да миян Мездысь Исус Кристослысь дзирдлуна воссьӧмсӧ да шуда лачанымлысь збыльмӧмсӧ.

Еврейяслы 1:3

Пиыс – Енлӧн яръюгыд дзирдлуныс, Сылӧн пертасыс. Пиыс ставсӧ кутӧ Аслас вына кывнас. Аслас вирнас Сійӧ мыськаліс миянлысь мыжъяснымӧс да пуксис Медыджыдыслӧн веськыдладорӧ енэжас.

Еврейяслы 6:4

Ен дінӧ он нин вермы бергӧдны найӧс, кодъяс тӧдлісны Бур Юӧрлысь югыдсӧ, босьтісны Енсянь сетӧмторсӧ, сибӧдісны сьӧлӧмас Вежа Лолӧс, тӧдмалісны Ен кывлысь бурсӧ да аддзылісны локтана нэмлысь вынсӧ, а сэсся бӧр кежисны Кристосысь. Найӧ ӧд выльысь тувъялӧны Ен Пиӧс да пуктӧны Сійӧс серамтуйӧ.

2 Петыр 1:19

Нӧшта на, миян эм пророкъяслӧн веськыд кыв. Ті бура вӧчанныд, кутчысянныд кӧ тайӧ кывъяс пемыдын ӧзйысь биӧ моз, кытчӧдз оз во лунъюгыдыс да оз мыччысь асъя кодзулыс тіян сьӧлӧмын.

1 Иоан 2:11

Воксӧ мустӧмтысь ветлӧ пемыдас, сійӧ оз тӧд, кытчӧ мунӧ, ӧд пемыдыс тупкӧма сылысь синсӧ.

1 Иоан 2:8

Збыльвылас, ме гижа выль тшӧктӧм. Сійӧ збыльмӧ Кристос пытшкын да тіян пытшкын, ӧд пемыдыс вешйӧ, а збыль югыдыс югдӧдӧ нин.

1 Иоан 5:19

Тӧдам, мый ми Енсянь, а став муюгыдыс омӧльыслӧн кипод улын.