2 Коринфӧ 4:17 - Коми Библия 2023

¹⁷ Миян сьӧкыдалӧмыс кокньыд, сӧмын регыдъя, но таысь вичмас миянлы помтӧм-дортӧм да бырлытӧм дзирдлун.

2 Коринфӧ 4:17 ပူးပေါင်းရင်းမြစ်များ

Олӧм 15:1

Тайӧ лоӧмторъясыс бӧрын Ӧврамлы петкӧдчис Господь да шуис: «Эн пов, Ӧврам, Ме – тэнад сайӧдыд. Тэныд вичмас ыджыд тырдон».

Псалтыр 30:5

Мезды менӧ налькйысь, кодӧс гусьӧн октісны меным, ӧд Тэ – менам сайӧдчаніныс.

Исай 26:20

Менам войтырӧй, мунӧй асланыд гортӧ да йигнасьӧй! Дзебсьӧй дженьыдик кад кежлӧ, кытчӧдз оз лӧнь Господьлӧн скӧрлуныс.

Исай 54:8

Скӧрлунӧй ыпнитігӧн Ме кад кежлӧ бергӧдчи тэысь, но Ме кута буравны тэ дінӧ, лоа помтӧг бур сьӧлӧма тэ дінӧ, – висьталӧ Господь, тэнӧ Мездысь.

Исай 64:4

Му пуксьӧмсяньыс на некод эз тӧдлы, эз кывлы пель, эз аддзывлы син, мый Тэ кындзи эм кутшӧмкӧ мӧд ен, коді эськӧ та мында вӧчис сы вылӧ лача кутысьлы.

Лыд 5:28

Но ань кӧ эз пежав асьсӧ, и сійӧ кӧ сӧстӧм, сыкӧд нинӧм лёкыс оз ло, и сійӧ кутас вермыны кынӧмасьнысӧ.

Матвей 5:12

Долыда нимкодясьӧй, ӧд ыджыд тырдон виччысьӧ тіянӧс енэжас. Тадзи войдӧр тшӧтш вӧтлісны пророкъясӧс».

Лука 6:23

Налӧн батьясныс тадзи вӧчлісны пророкъяслы. Нимкодясьӧй да чеччалӧй долыда, ӧд ыджыд тырдон виччысьӧ тіянӧс енэжас.

Ап. уджъяс 20:23

Тӧда сӧмын, Вежа Лов быд карын эскӧдӧ, мый дзескыдін да сьӧкыдлунъяс виччысьӧны менӧ.

Римӧ 2:7

Сійӧ сетас помтӧм олӧм налы, кодъяс бур вӧчӧмнас мудзлытӧг корсьӧны бырлытӧмсӧ, дзирдлунсӧ да нимӧдӧмсӧ.

Римӧ 8:18

Ме тадзи мӧвпала: ӧнія сьӧкыд нуӧмсӧ кӧ ӧткодявны сійӧ дзирдлуныскӧд, мый воссяс миянлы, тайӧ сьӧкыд нуӧмыс нинӧм оз сулав.

Римӧ 8:34

Коді вермас мыждыны найӧс? Сӧмын Исус Кристос. Но Сійӧ куліс, ловзис да ӧні Ен веськыдладорын кевмысьӧ миян вӧсна.

Римӧ 8:37

Но став тайӧ сьӧкыдлун дырйиыс миянӧс Радейтысь сетӧ миянлы тырвыйӧ вермӧм.

1 Коринфӧ 2:9

Ӧд гижӧма: – Эз аддзывлы син, эз кывлы пель, весиг юрас мортлы эз волы, мый Енмыс дасьтӧма Сійӧс радейтысьяслы.

2 Коринфӧ 3:18

Ми ставным чужӧмнымӧс вевттьытӧг видзӧдам Господьлӧн дзирдлун вылӧ да рӧмпӧштанысь моз аддзам Сылысь дзирдлунсӧ. Сы вылӧ видзӧдӧмӧн ми лунысь-лун вежсям да кутам дзирдавны Сы моз жӧ. Татшӧмнас вӧчӧ миянӧс Господьлӧн Лолыс.

Филипӧ 1:19

ӧд ме тӧда, мый тіян кевмысьӧмъясныд да Исус Кристослӧн Лолыс отсаласны меным мездмыны.

2 Фессалоникаӧ 1:4

Та вӧсна ми ошйысям тіянӧн Ен вичкоясын, ӧд быдпӧлӧс сьӧкыдсӧ нуигӧн да тіянӧс вӧтлігӧн ті зумыда эсканныд.

2 Фессалоникаӧ 1:6

Енмыс веськыда вӧчӧ: тіянӧс дзескӧдысьяслы Сійӧ мынтысьӧ дзескӧдӧмӧн.

2 Тимофейлы 2:10

Та вӧсна ме муна став сьӧкыд пырыс. Вӧча тайӧс Енлӧн бӧрйӧмаяс вӧсна, медым найӧ тшӧтш босьтісны Исус Кристоссянь мездмӧмсӧ да помасьлытӧм дзирдлунсӧ.

Яков 1:12

Шуда сійӧ, коді вермӧ венны ыштӧдӧмсӧ, ӧд та бӧрти сылы лоӧ сетӧма Олӧмыслысь юркытш. Тайӧ юркытшсӧ Господь кӧсйысис сетны Сійӧс радейтысьяслы.

1 Петыр 4:7

Регыд ставыслы воас пом. Сідзкӧ, лоӧй мывкыдаӧсь да олӧй садь вежӧрӧн, медым верминныд кевмысьны.

1 Петыр 5:10

Тіянлы этша нин колис сьӧкыдавны. Та бӧрти буралӧмнас озыр Ен, коді корис тіянӧс Исус Кристос пыр Аслас бырлытӧм дзирдлунӧ, мед ёнмӧдас да зумыдмӧдас тіянӧс да вӧчас тыр-буръясӧн.

1 Иоан 3:2

Мусаясӧй, ӧні ми Енлӧн ныв-пи, а кодӧн лоам, эз на воссьы. Тӧдам сӧмын, кор воссяс, лоам Сы кодьӧсь, ӧд сэки аддзам Сійӧс сэтшӧмӧн, кутшӧм Сійӧ эм.

Иуда 1:24

Енмыс вына видзны тіянӧс усьӧмысь да вайӧдны тіянӧс Аслас дзирдлунӧ нимкодясьысь да сӧстӧм войтырӧн.