2 Коринфӧ 4:14 - Коми Библия 2023

¹⁴ Ми тӧдам, мый Сійӧ, коді ловзьӧдіс Господь Исусӧс, ловзьӧдас Исус пыр тшӧтш миянӧс да сувтӧдас тіянкӧд Ас водзас.

2 Коринфӧ 4:14 ပူးပေါင်းရင်းမြစ်များ

Исай 26:19

Господьӧй, Тэнад кулӧмаясыд ловзясны, шойяс чеччасны дзебанінысь. Садьмӧй да нимкодясьӧй, му пытшкын куйлысьяс! Тэнад югыд лысваыд юкталӧ мусӧ, и муыс бӧр сетас кулӧмаясӧс.

Лука 21:36

Лоӧй дасьӧсь да пыр кевмысьӧй, медым верминныд мынны ставсьыс, мый виччысьӧ тіянӧс, да сувтны Морт Пи водзӧ».

Ап. уджъяс 2:24

Но Енмыс ловзьӧдіс Сійӧс да мездіс кулӧмыслӧн вын улысь. Кулӧмыс эз вермы Сійӧс кутны.

Ап. уджъяс 2:32

Дзик тайӧ Исусӧс Енмыс ловзьӧдіс, и ми ставным тайӧс аддзылім.

Римӧ 8:11

Тіян пытшкын кӧ олӧ Енлӧн Лолыс, коді ловзьӧдіс Исусӧс кулӧмысь, сідзкӧ, Кристосӧс Ловзьӧдысь ловзьӧдас тшӧтш тіянлысь кулана вир-яйнытӧ сійӧ Ловнас, коді олӧ тіян пытшкын.

1 Коринфӧ 6:14

Енмыс ловзьӧдіс Господьӧс, Аслас вынӧн Сійӧ ловзьӧдас тшӧтш миянӧс.

2 Коринфӧ 11:2

ӧд ме тӧждыся тіян вӧсна Енлӧн тӧждысьӧмӧн. Ме кӧсйыси сетны тіянӧс дзик ӧти верӧспулы – Кристослы. Кӧсъя, мед ті сувтінныд Сы водзӧ сӧстӧм нылӧн.

Ефесӧ 5:27

медым сувтӧдны сійӧс Ас водзас быд боксянь мичаӧн: вежаӧн, сӧстӧмӧн, медым сылӧн эз вӧв некутшӧм няйттор, чукыр да тырмытӧмтор.

Колосӧ 1:22

Ӧні Сійӧ бурӧдіс тіянӧс Аскӧдыс Кристос вир-яйын, Сылӧн кулӧмыс пыр, медым сувтӧдны тіянӧс Ас водзас вежаӧн, сӧстӧмӧн да мыжтӧмӧн.

Колосӧ 1:28

Сы йылысь ми висьтавлам быдӧнлы, велӧдам-туйдӧдам став мывкыдлунӧн, медым сувтӧдны быдӧнӧс Ен водзӧ Кристос пытшкын сӧвмӧмаясӧн.

1 Фессалоникаӧ 4:14

Ми кӧ эскам, мый Исус куліс и ловзис, сідзкӧ, Исускӧд Енмыс вайӧдас Ас дінас тшӧтш найӧс, коді эскис Исуслы, но куліс нин.

Яков 5:15

Сэки эскӧмӧн кевмысьӧмыс отсалас висьысьлы, и Господь бурдӧдас сійӧс. А вӧчис кӧ сійӧ мыжъяс, сылысь мыжъяссӧ лоӧ прӧститӧма.

Иуда 1:24

Енмыс вына видзны тіянӧс усьӧмысь да вайӧдны тіянӧс Аслас дзирдлунӧ нимкодясьысь да сӧстӧм войтырӧн.