4 Татшӧм зумыд лача ми кутам Ен вылӧ Кристос пыр.
Кывзы менӧ. Лэдз меным туйдӧдны тэнӧ, и Енмыс лоас тэкӧд. Войтырыд вӧсна сувт Ен водзӧ да висьтав Сылы налысь могъяссӧ.
Ошкӧм Енлы! Кристос пыр Сійӧ быд кадӧ сетӧ миянлы вермӧм да миян пыр быдлаын паськӧдӧ Кристос йылысь чӧскыд дука тӧдӧмлунсӧ.
Ми – Кристос пытшкынӧсь, Сылы эскӧм пыр ми повтӧг-майшасьтӧг вермам локны Ен дінӧ.
Енмыс панӧма нин бур уджсӧ тіян пытшкын, и ме эска, мый Исус Кристослӧн локтан лунӧдз Сійӧ вайӧдас уджсӧ помӧдз.
Господьлысь кывсӧ ті паськӧдінныд энӧ сӧмын Македонияын да Акайяын, тіян эскӧм йылысь тӧдӧны быдлаын. Сідзкӧ, та йылысь миянлы абу нин колана висьтавлыны.
