2 Коринфӧ 3:14 - Коми Библия 2023

¹⁴ Налӧн пемдӧма вежӧрныс. Важ Йитӧд йылысь Гижӧдсӧ лыддигӧн на вылын ӧнӧдз куйлӧ тайӧ вевттьӧдыс, ӧд сійӧс вештӧ сӧмын Кристос.

2 Коринфӧ 3:14 ပူးပေါင်းရင်းမြစ်များ

Исай 25:7

Тайӧ керӧс вылас Сійӧ кульыштас став войтыръяс вылысь вевттьӧдсӧ, быд чужанкотыр вылысь тупкӧдсӧ.

Исай 44:18

Идолъясӧс вӧчысьяс нинӧм оз тӧдны да оз гӧгӧрвоны, налысь синнысӧ да вежӧрнысӧ тупкӧма, найӧ оз аддзыны да оз гӧгӧрвоны.

Исай 56:10

Израильӧс видзысьяс синтӧмӧсь, ставныс найӧ мывкыдтӧмӧсь – увтны вермытӧм понъяс, найӧ нюжӧдчӧмаӧсь да вугралӧны, радейтӧны узьны.

Исай 59:10

Синтӧм моз ми ветлам стен пӧлӧн, аддзытӧм моз ми ветлӧдлам кималасӧн, лунъюгыднас ми крукасьлам пемыдас моз, ловъяяс пӧвстын ми кулӧмаяс кодьӧсь.

Исай 6:10

Чорзьӧд тайӧ войтырыслысь сьӧлӧмнысӧ, найӧ мед лоӧны сьӧкыд пеляӧсь, куньса синмаӧсь. Синнаныс мед оз аддзыны, пельнаныс мед оз кывны, сьӧлӧмнаныс мед оз гӧгӧрвоны, Мелань мед оз бергӧдчыны, медым Ме бурдӧді найӧс».

Еремей 5:21

– Мывкыдтӧм да вежӧртӧм войтырӧй, кывзы тайӧ кывъяссӧ. Тіян эм синъяс, но ті онӧ аддзӧй, тіян эм пельяс, но ті онӧ кылӧй.

Езекиль 12:2

«Морт пиӧй, тэ олан асныра войтыр пӧвстын. Налӧн эм син, медым аддзыны, но найӧ оз аддзыны. Налӧн эм пель, медым кывны, но найӧ оз кывны, ӧд найӧ асныра войтыр.

Матвей 13:11

Исус вочавидзис: «Тіянлы сетӧма тӧдны Енэжвыв Юралӧмлысь гусяторъяссӧ, а налы абу.

Матвей 16:17

Исус шуис Петырлы: «Тэ шуда, Симон, Ионалӧн пи. Ӧд тайӧс тэныд эз морт висьтав, но Менам енэжвыв Батьӧй восьтіс тэныд.

Матвей 6:23

Синмыд кӧ лёк, став вир-яйыд пемыдын. Югыдыс кӧ тэ пытшкын пемыд, сэки кутшӧм ачыс пемыдыс?

Иоан 12:40

– Енмыс тупкис налысь синнысӧ, чорзьӧдіс налысь сьӧлӧмнысӧ, медым эз аддзыны синнаныс, эз гӧгӧрвоны сьӧлӧмнаныс да эз бергӧдчыны Мелань, медым Ме бурдӧді найӧс.

Иоан 12:46

Ме эм югыдыс. Ме локті му вылӧ, медым Меным эскысь эз коль пемыдас.

Иоан 8:12

Исус бара сёрнитіс йӧзыскӧд. Сійӧ шуис: «Ме эм йӧзыслы югыдыс. Ме бӧрся мунысь оз кут ветлыны пемыдас, сылӧн лоӧ олӧмыслӧн югыдыс».

Ап. уджъяс 13:15

Индӧд да пророк гижӧдъяс лыддьӧм бӧрын синагогаса юралысьяс ыстісны кодсюрӧӧс шуны, вокъяслӧн кӧ эм ышӧдана кыв йӧзыслы, мед висьталасны.

Ап. уджъяс 15:21

Мӧисейлысь Индӧдсӧ ӧд важысянь висьталӧны быд карын да быд шойччан лунӧ лыддьӧны синагогаын».

Ап. уджъяс 16:14

Сэні вӧлі Фиатираысь пурпур дӧраӧн вузасьысь Лидия нима ань, сійӧ оліс Енсьыс полӧмӧн. Господь восьтіс сылысь сьӧлӧмсӧ сибӧдны Павеллысь кывъяссӧ,

Ап. уджъяс 26:18

мед восьтны налысь синсӧ да бергӧдны найӧс пемыдсьыс югыдӧ, сӧтана кипод улысь Ен дінӧ, медым Меным эскӧмӧн найӧ босьтасны мыжъясысь прӧститӧмсӧ да вежа войтырлы Енсянь вичмӧдӧмасӧ”.

Римӧ 11:25

Вокъяс, мед ті энӧ мӧвпалӧй ас мывкыдсяньныд, висьтала тіянлы тайӧ гусяторсӧ – Израиль войтырӧс суис чорзьӧдчӧм, но эз ставнысӧ. Чорзьӧдчӧмыс кыссяс сэтчӧдз, кытчӧдз мукӧд войтыръясысь оз мездмы индӧм лыдыс.

2 Коринфӧ 3:15

Мӧисейлысь Индӧдсӧ лыддигӧн вевттьӧдыс ӧнӧдз на куйлӧ сьӧлӧм выланыс.

2 Коринфӧ 3:6

Сійӧ сетіс миянлы сямлун кесъявны Выль Йитӧдлы, мыйӧн веськӧдлӧ Лов, а оз шыпаса Индӧд. Ӧд шыпаса Индӧдыс вайӧ кулӧм, а Лолыс сетӧ олӧм.

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.

Ефесӧ 4:18

вежӧрныс пемдӧма, найӧ ылынӧсь Ен нога олӧмсьыс, ӧд налӧн чорзьӧма сьӧлӧмныс, да Енсӧ найӧ оз тӧдны.