2 Коринфӧ 2:10 - Коми Библия 2023

¹⁰ Ті кӧ прӧститанныд кодӧскӧ, ме тшӧтш. Ме ӧд прӧстита сійӧс Кристос водзын, эм кӧ мыйысь прӧститнысӧ. Ме вӧча тайӧс тіян вӧсна,

2 Коринфӧ 2:10 ပူးပေါင်းရင်းမြစ်များ

Матвей 18:18

Веськыда висьтала тіянлы: мый кӧрталанныд му вылын, сійӧ кӧрталӧма лоӧ енэжын. Мый разянныд му вылын, сійӧ разьӧма лоӧ енэжын.

Иоан 20:23

Кодлысь мыжъяссӧ прӧститанныд, сійӧс лоӧ прӧститӧма. Кодлысь онӧ прӧститӧй, сы вылӧ мыжыс коляс».

1 Коринфӧ 5:4

Кор ті чукӧртчанныд миян Господь Исус Кристос нимӧн, ловнам лоа тіянкӧд, миян Господь Исус Кристослӧн выныс тшӧтш лоӧ тіянкӧд.

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.

2 Коринфӧ 5:20

Сідзкӧ, ми – Кристослӧн мӧдӧдӧмаяс, и Ачыс Енмыс шыасьӧ миян пыр йӧзыс дінӧ. Кристос нимӧн ми корам: бурасьӧй Енмыскӧд!

2 Коринфӧ 6:6

Ми олам сӧстӧма. Миян эм тӧдӧмлун, терпитӧм, бурлун. Миянӧн веськӧдлӧ Вежа Лов да сьӧлӧмсянь муслун.

Ефесӧ 4:32

Ӧта-мӧдныд дінӧ лоӧй бур сьӧлӧмаӧсь да меліӧсь. Енмыс Кристос пыр прӧститіс тіянӧс, сідзкӧ, ті тшӧтш прӧститӧй ӧта-мӧднытӧ.